සංවරා පහා තබ්බා – Saturday Dhamma Discussion – 84 (22-10-2022)

සෙනසුරාදා ධර්ම සාකච්ඡාව – අංක: 84 (සංවරා පහා තබ්බා -කෙලෙස් දුරු කරන විවිධ උපාය මාර්ග) 22-10-2022

සංවරා පහා තබ්බා Saturday Dhamma Discussion – 84 (22-10-2022) was conducted on 22 October 2022 by Most Ven. Kukulpane Sudassi Thero. Saturday Dhamma Discussion – 84 is audio edited to remove unwanted noises and pauses and is presented below as separate questions and answers to provide better listening.

“ප්‍රායෝගික ජීවිතයෙහි ධර්මය ප්‍රගුණ කරන ආකාරය” යන තේමාව මුල්කරගෙන අති පූජනීය කුකුල්පනේ සුදස්සී ස්වාමින්වහන්සේ විසින් සිදුකරන සෙනසුරාදා සජීවී ධර්ම සාකච්ඡා පෙලේ අසූ හතර වෙනි ධර්ම දේශනාව සහ සාකච්ඡාව වර්ෂ 2022 ඔක්තෝබර් මස 22 වන දින සිදුකරන ලදී.

මෙවර ධර්ම දේශනාවේදී සබ්බාසව සූත්‍රයේ දැක්වෙන සංවරා පහා තබ්බා යන්න කුමක්දැයි පැහැදිළි කරන ලදී.  සංස්කාර වල ඇති ඉන්ද්‍රිය පිනවන ගතිය නිසා ඇතිවන ඉන්ද්‍රියන්ගේ පිනවීමට ඇතිවෙන අවශ්‍යතාවය ඇතිවෙන ආකාරය සහ ක්ලේෂ කාම (සංකල්පීය කාමය), වස්තු කාම (භෞතික වශයෙන් විඳීමේ කැමැත්ත) අන්‍යොන්‍යව ක්‍රියාත්මක වෙන ආකාරයන් මනාකොට විස්තර කරන ලදී.

එමෙන්ම බුදුදහමේ සති සංවරය කුමක්ද සහ ඒ තුලින් සංවරා පහා තබ්බා ඇති කරගන්නා ආකාරය මනාව සහ ක්‍රමිකව පැහැදිලි කරන ලදී.  එමෙන්ම අද දින දේශනාවට අනුගතව වටිනා දහම් පැන ධර්ම සාකච්ඡාව තුලින් ද මතු කෙරිණි.

ත්‍රිපිටකයේ එම සබ්බාසව සූත්‍රය මෙතනින් කියවන්න: සබ්බාසව සූත්‍රය.

මෙම (සංවරා පහා තබ්බා – සබ්බාසව සූත්‍රය 04) ධර්ම සාකච්චාවේ වීඩියෝව නැරඹීමට මෙතන click කරන්න.

මෙම සම්පුර්ණ ධර්ම දේශනාව සහ ධර්ම සාකච්ඡාව ශබ්ද සංස්කරණය කොට ප්‍රශ්න සහ පිළිතුරු වශයෙන් වෙන්කොට පහතින් ඇතුලත් කර තිබේ.


  1. සංවරා පහා තබ්බා යන්න පැහැදිලි කරන්න. *** (සති සංවරයෙන් ආශ්‍රව ප්‍රහාණය වෙන ආකාරය ඉතා පැහැදිලි ලෙස මෙහි විස්තර කෙරේ.)
  2. සති සංවරය භාවනාවක් තුලින් පුහුණු කරන විට ඇතිවන ථීනමිද්ධ නීවරණය හට ගැනීමට ක්ලේෂ කාම සහ වස්තු කාම බලපාන ආකාරය පැහැදිලි කරන්න. *** (මෙම සම්බන්ධතාවය අවබෝධ කරගැනීම භාවනාව පුහුණු වන්නන් හට වැදගත් වේ. එමෙන්ම ථීනමිද්ධ නීවරණය හට ගැනීමේ නොයෙක් ආකාර මෙහිදී පැහැදිලි කෙරේ.) 
  3. ක්ලේෂ කාම සහ වස්තු කාම ක්‍රියාත්මක වෙන ආකාරය නිසාම අප වෙළඳ ප්‍රචාර වලටත් හසු වෙනවා නොවේ ද? *** (මෙම ක්‍රියාදාමය පිළිබඳව අවබෝධයක් ඇතිකර ගැනීම එදිනෙදා සාමාන්‍ය ජීවිතයට පවා වැදගත් වේ.)
  4. මොනරා ලස්සන වී ඉපදුනේ දන් දී තිබුණු නිසාත් සහ තිරිසනකු වූයේ දුසිල්වත් වූ නිසාත් දැයි කියනා කරුණ පහදා දෙන්න.
  5. පුරා සතියක් සිල් සමාදම් වී දින කිහිපයක් ගත වූ විට දැඩි වෙහෙසක් ඇති වීම නැති කරගන්නේ කෙසේ ද? *** (බාධක දුරු කරමින් සාධක දියුණු කිරීම පිලිබඳ වටිනා උපදේශයකි.)
  6. ආශ්‍රව සංවර කිරීමේදී යෝනිසෝමනසිකාරය සහ අයෝනිසෝමනසිකාරය එතැනට ගලපා ගන්නා ආකාරය පැහැදිලි කරන්න. *** (ගෞරවනීය ස්වාමින්වහන්සේ සඳහන් කල වැඩිදුර පැහැදිලි කිරීම මෙම වෙබ් පිටුවේ පළවෙනි පැනයෙන් දැක්වේ. මෙතැනින් පිවිසෙන්න.) 
  7. සබ්බාසව සූත්‍රයේ මුල් කරුණු හය ආර්ය අෂ්ඨාංගික මාර්ගයටත් අවසාන කරුණ සම්මා විමුක්ති වලට වශයෙන් ගොනු කල හැකි ද?
  8. මනසිකාර චෛතසිකය අප විසින් ආයාසයෙන් මෙනෙහි කල යුතු චෛතසිකයක් ද?
  9. සති ගණන් කරන භාවනා වලට වඩා එදිනෙදා කරන වැඩ වලින් කුසල් රැස්වේ ද? ***
  10. චාරිත්‍ර ශීලය සහ වාරිත්‍ර ශීලය පිළිබඳව පැහැදිලි කරන්න.
  11. අප බොහෝවිට සසරින් ගැලවෙන්න හදන්නෙත් තෙහෙට්ටුව නිසා නොවේ ද? ***
  12. ඉන්ද්‍රිය සංවරය දියුණු වූ විට එය අජ්ජත්ත බහිද්දා යන තත්වයට පැමිණෙනවා ද?
  13. අවසානය.

Share this with others as a gift of Dhamma!

එදිනෙදා ජීවිතයේ මමත්වය අඩු කරගත හැකි ආකාරය. (09-10-2022)

එදිනෙදා ජීවිතයේ මමත්වය අඩු කරගත හැකි ආකාරය පිළිබඳව අති පූජනීය කුකුල්පනේ සුදස්සී ස්වාමින්වහන්සේ විසින් සියැස රූපවාහිනිය තුලින් සිදුකල මෙම වටිනා ධර්ම දේශනාව පහත සඳහන් කරුණු නිසා ගිහි පැවිදි සෑම දෙනාටම ඉතාම වැදගත් වේ;

  1. අප සංකල්පීය වශයෙන් ගොඩනගා ගන්නා මමත්වය දැඩිව උපාදාන කර ගැනීම නිසාම අප ‘මම’ මෙහෙම කෙනෙක් යැයි අර්ථ නිරූපණය කර ගනිමින් ඒ තුලින් ගැටීම්, චිත්ත වේදනා සහ ඇලීම් ඇති කරගන්නා ආකාරය එදිනෙදා ජීවිතයේ ප්‍රායෝගික උදාහරණ තුලින් පෙන්වා දීම. 
  2. ම ‘මම’ නිසා මිනිසුන් එදිනෙදා ජීවිතයේදී ඇති කරගන්නා ‘මම සිතන විධියටම දේවල් සිද්ධ වෙන්නට ඕනෑ’ සහ ‘මම මෙහෙම කෙනෙක්’ යන දැඩිව අල්වා ගන්නා හේතුව නිසා විවාහ සහකරුවන් තුල, සමාජය තුල, ආයතන තුල, වෛද්‍යවරුන් තුල, ප්‍රධානින් තුල, ගුරුවරුන් තුල, භික්ෂුන් වහන්සේලා තුල, භාවනා යෝගීන් තුල, දෙමාපියන් තුල, යනාදී බොහෝ දෙනා තුල ඇති වන මමත්වයේ ප්‍රබල තාවය මත සිදුවිය හැකි, මේ ජීවිතයේ සහ සංසාරයට බල පැවැත්විය හැකි, ඒ අයට නොතේරෙන දුබල කම් රැසක් හඳුනා ගන්නා ආකාරය පැහැදිලි කිරීම. එමෙන්ම ඒ නිසා විවාහ බිඳ වැටීම්, පුද්ගල සහ සමාජ සංවර්ධනයේ දුබලතා ඇතිවීම් සහ ආධ්‍යාත්මික ප්‍රවර්ධනයේ දුබලතා ඇති වෙන ආකාරය පැහැදිලි කිරීම.
  3. එවැනි මමත්වය අඩු කරගත හැකි ආකාරයන් පෙන්වා දීම.

මෙම ධර්ම දේශනාවට පාදක වූයේ ධම්ම පදයේ බාල වග්ගයේ සඳහන් ගාථා රත්නයකි.  එම ගාථාව සහ නිධාන කථාව මෙතැනින් කියවන්න.


ගෞරවනීය ආචාර්ය කුකුල්පනේ සුදස්සී ස්වාමින්වහන්සේ මෑතකදී සිදුකල මෙවැනි ධර්ම දේශනා ශ්‍රවණය කිරීමට පහත යොමු මත click කරන්න;

  1. Dayaka Dhamma Talks – 06 දායකත්ව ධර්ම දේශනා – 06
  2. Dayaka Dhamma Talks – 05 දායකත්ව ධර්ම දේශනා – 05
  3. Dayaka Dhamma Talks – 04 දායකත්ව ධර්ම දේශනා – 04
  4. Dayaka Dhamma Talks – 03 දායකත්ව ධර්ම දේශනා – 03
  5. Dayaka Dhamma Talks – 02 දායකත්ව ධර්ම දේශනා – 02
  6. Dayaka Dhamma Talks – 01 දායකත්ව ධර්ම දේශනා – 01
Share this with others as a gift of Dhamma!

අකුසල විපාක යටපත් කරන ක්‍රම – Saturday Dhamma Discussion – 70 (09-07-2022)

මෙම වැඩසටහනේ නිවන් මග දියුණු කරන අයට බොහෝ ප්‍රයෝජනවත් කරුණු ඇතුලත් වේ.  උදාහරණයක් ලෙස පැන අංක: 04 (මේ ආත්මයේදීම නිවන් ප්‍රර්ථනාවක් ඇතිකර ගැනීම), අංක 02, 05 සහ ධර්ම දේශනාව වන අංක 01 දැක්වීමට පුළුවන.

තෙරුවන් සරණයි!


 

සෙනසුරාදා ධර්ම සාකච්ඡාව – අංක: 70 (ලෝණඵල සූත්‍රය ඇසුරින්: අකුසල විපාක යටපත් කරන ක්‍රම) 09-07-2022

අකුසල විපාක යටපත් කරන ක්‍රම – Saturday Dhamma Discussion – 70 was conducted on 09 July 2022 by Most Ven. Kukulpane Sudassi Thero. Saturday Dhamma Discussion – 70 is audio edited to remove unwanted noises and pauses and is presented below as separate questions and answers to provide better listening.

“ප්‍රායෝගික ජීවිතයෙහි ධර්මය ප්‍රගුණ කරන ආකාරය” යන තේමාව මුල්කරගෙන අති පූජනීය කුකුල්පනේ සුදස්සී ස්වාමින්වහන්සේ විසින් සිදුකරන සෙනසුරාදා සජීවී ධර්ම සාකච්ඡා පෙලේ හැත්තෑවන ධර්ම දේශනාව සහ සාකච්ඡාව වර්ෂ 2022 ජූලි මස 09 වන දින සිදුකරන ලදී.

ගෞරවනීය ස්වාමින්වහන්සේ මෙවර සජීවී ධර්ම සාකච්ඡා වැඩසටහනේ දී අකුසල විපාක යටපත් කරන ක්‍රම පිලිබඳව ලෝණඵල සූත්‍රය පාදක කොට නව දේශනා සහ සාකච්ඡා මාලාවක් ආරම්භ කල සේක.  එමෙන්ම මෙදින ධර්ම දේශනාව සහ සාකච්ඡාව, බුදුදහමේ කර්මය පිළිබඳව දක්වා ඇති මුලික සහ වැදගත් කරුණු මතු කල ඉතා ප්‍රයෝජනවත් සහ කාලීන දහම් වැඩ සටහනක් විය.

ත්‍රිපිටකයේ එම ලෝණඵල සූත්‍රය මෙතනින් කියවන්න: ලෝණඵල සූත්‍රය.


  1. ලෝණඵල සූත්‍රයේදී කර්මය විපාක දෙන ආකාරය පිලිබඳව දේශනා කර ඇති මූලික පදනම පැහැදිලි කරන්න. *** (මෙහිදී කර්මය යනු ගෙවා නිමකළ හැකි ධර්මයක් නොවන බවත් කර්මය අභිබවා යන්නේ කෙසේද යන ආකාරයත් සහ බෞද්ධ සමාජයේ කර්මය පිළිබඳව ඇති මූලික වැරදි දෘෂ්ටි මනාව පැහැදිලි කෙරේ.)
  2. අප විසින් අනෙක් අයගේ යහපත පිණිස දැනුවත්වම අපහසු අවස්ථාවල් වලට මුහුණ දීමේදී ඇතිවන පීඩාකාරී අත්දැකීම් පෙර අකුසල් නිසා ජනිත වෙන කර්මයන් වේද? *** (ඕනෑකමින් පිළිකුල් සහගත අරමුණක් ගැනීමේදී එය කුමක් සඳහා සිදුකරන්නක්ද යන්න සහ නිවන් ගමනේදී සුඛ විපාක වශයෙන් ලැබෙන දෙයින් පමණක් සිත දියුණු කල නොහැකි බවත් ඇතුළුව කුසලයක් සිදුකරනා ආකාරය මෙහිදී මානව පැහැදිලි කෙරේ.)
  3. තාලපුට සූත්‍රය අනුව වැරදි කළා යන්න නිර්වචනය කරන්නේ කෙසේද සහ හොඳ ප්‍රතිපලයක් ඇතිකර වීමට චිත්‍රපටියක චරිතයක් රඟපෑ විට එයින් අකුසල් ජනිත වේද? *** (තාලපුට සූත්‍රය මෙතනින් ත්‍රිපිටකයෙන් කියවන්න.)
  4. මේ ආත්මයේදීම නිවන් ප්‍රර්ථනා කර එය නොලැබුණ හොත් ඊළඟ ආත්මයේ එය විපාක දිය හැකිද? *** (මේ ආත්මයේදීම නිවන් ප්‍රර්ථනාවක් ඇතිකර ගැනීම පිළිබඳ ඉතා වටිනා පිළිතුරකි.) 
  5. කුසලයක් ඥාන සම්ප්‍රයුක්ත කරගන්නේ කෙසේද? *** (ත්‍රිහේතුක කුසලයක් සිදුකිරීමේදී එය කරන ආකාරය පිලිබඳ ඉතා වටිනා ප්‍රායෝගික උදාහරණ සහිත පිළිතුරකි.)
  6. පංචශීලය රැකීමෙන් පෙර කල කර්ම වලින් ගැලවීමට හැකි වේද?
  7. කරන ලද කුසල් අකුසල් අහෝසි වන්නේ නැති බව අසා ඇත. එය නිවැරදිද?
  8. ඉෂ්ඨාරම්මන සහ අනිෂ්ඨාරම්මන ලෙස බාහිර වස්තූන් තිබේ නම් චක්කු විඥානය උපේක්ෂා සහගත වන්නේදැයි පැහැදිලි කරන්න.
  9. ජීවිතය සිතුවිල්ලක් ලෙස සිතීම යහපත්ද සහ ජීවිතය අනිත්‍ය බව නිතර සිතීම සෝවාන් වීමට ප්‍රමාණවත්ද? ***
  10. පාරමිතා අප විසින් කොතරම් දියුණු කර ඇතිදැයි අප දැනගන්නේ කෙසේද සහ බෝසත්වරු පාරමිතා පිරීමේදී තම බිරිඳ සහ දරුවන් අන් අයට දන් දීම නිවැරදි ක්‍රියාවක්ද? *** (රහත්වීමේදී අවශ්‍පාරමිතා දැනගනිමින්, මැනගනිමින් දියුණු කිරීම පිළිබඳව සහ බෝසත්වරුන්ගේ පාරමිතා පිරීම පිළිබඳව සමාජයේ ඇති වැරදි වැටහීමක් නිවැරදි කරමින් සහ බෝසත්වරුන් සමග ඉතා දිගු කාලයක් සමීපව එකට ගමන් කරන අයගේ පාරමිතා ආදිය පිළිබඳව පැහැදිලි කෙරෙන විරල ගනයේ පිළිතුරකි.
  11. මරණානුස්සතිය වඩනා ආකාරය පැහැදිලි කරන්න.  [ගෞරවනීය ස්වාමින්වහන්සේ මෙහිදී සඳහන් කල පැරණි, ඉතා වටිනා ධර්ම දේශනා දෙකකට අන්තර්ජාල යොමුවන් මෙහි දැක වේ. 01. භද්‍ර මරණයක් සඳහා මරණානුස්සතිය (20-08-2021) එම වෙබ් පිටුවේ අංක: 08 ධර්ම දේශනාව බලන්න. 02. භද්‍ර මරණයක් සඳහා සිත සකසා ගැනීම. (26-02-2022)]
  12. අවසානය.

Share this with others as a gift of Dhamma!

ලෝණඵල සූත්‍රය – Lonaphala Sutta.

ශ්‍රී ලංකාවේ බොහෝ දෙනා මේ දිනවල මානසික සහ කායික පීඩාකාරී ජීවිතයක් ගත කරති. බුදු දහම ගැන දැනුමක් ඇති අය මේ කාලයේ ‘නරක පෙර කර්ම’ රටක් ජාතියක්ව වශයෙන් සාමුහිකව විඳිමින් සිටින බව විශ්වාස කරති. එවන් කර්මයන් පවා අභිබවා යාමට ක්‍රමවේදයක් ලෝණඵල සූත්රය තුලින් බුදුරජාණන් වහන්සේ අපට දේශනා කර ඇත. 

එම ලෝණඵල සූත්රය පාදක කරගෙන මීළඟ සෙනසුරාදා සජීවී ධර්ම සාකච්ඡා පෙළ වර්ෂ 2022 ජූලි මස 09 දිනයේදී අති පූජනීය කුකුල්පනේ සුදස්සී ස්වාමින්වහන්සේ විසින් ආරම්භ කෙරෙනු ඇත.

එම ධර්ම සාකචිඡාවට සහභාගි වන ඔබ සැවොම පහත දැක්වෙන ධර්ම දේශනාව ශ්රවණය කර සහ ග්රන්ථය පරිශීලනය කර සම්බන්ධ වෙන්න. එම දැනුම පාදක කරගෙන ඔබගේ ජීවිතයට ප්රායෝගිකව ඇතිවන ප්රශ්න ගැටලු සාකචිඡාවට බදුන් කරන විට එය වඩාත් අර්ථවත් ධර්ම සාකචිඡාවක් වනු ඇත.

  1. “කර්මය අභිබවා යන මහේශාක්‍ය බව” දහම් දේශනාව මෙතනින් බාගත කරන්න.
  2. “කර්මය අභිබවා යන මහේශාක්ය බව”  pdf ග්රන්ථය.


  • සෙනසුරාදා සජීවී ධර්ම සාකච්ඡාව, සෑම සෙනසුරාදාම  ශ්‍රී ලංකා වේලාවෙන් පස්වරු 7.00 ආරම්භ කෙරෙනු ඇත. එම වැඩසටහනට සම්බන්ධ වීමට පළමුව Zoom App එක ඔබගේ පරිගණ කයේ ස්ථාපිත කරගන්න. ඉන් පසු පහත Link එක Click කරන්න.
    https://us02web.zoom.us/j/4457486152?pwd=VExxT3RyQndMQXBtdGROR2pJWnJvdz09
    Meeting ID: 4457486152
    Passcode: Dhamma.
Share this with others as a gift of Dhamma!

රටේ පවතින වත්මන් තත්වය හමුවේ අප විසින් සිදු කළ යුතු දේ.

Image by anuvat intarachune from Pixabay.

රටේ පවතින වත්මන් තත්වය හමුවේ අප විසින් සිදු කළ යුතු දේ පිලිබඳ අති පුජනීය කුකුල්පනේ සුදස්සී ස්වාමින්වහන්සේ විසින් සියස රූපවාහිනිය තුලින් සිදුකල මෙම ධර්ම දේශනාව ශ්‍රී ලාංකිකයන් හට ඉතාම කාලෝචිත වන්නේ;

  1. පුද්ගලිකව සහ ජනතාවක් වශයෙන් අප අපදා අවස්ථාවන් වලදී හැඟීම් මත සහ ඇබ්බැහි මත ප්‍රතික්‍රියා කිරීම වෙනුවට සිහිය සහ නුවණ අවධි කරගන්නා ආකාරය.
  2. අපදා අවස්ථාවන් (අපේක්ෂා නොකළ කරදරයක්) වලදී අපගේ මානසික හා කායික වීර්යත් සහ බලයත් පුබුදුවා ගැනීමේ හැකියාවේ ඇති වැදගත්කම.
  3. මෙවන් ආපදා කාලයක දී එයින් නැගී සිටීමට අප විසින් සිදුකල යුතු පියවර පහක් ඇතුලත් ක්‍රමවේදය හඳුන්වා දීම.

යන කරුණු නිසාවෙනි.


ගෞරවනීය ආචාර්ය කුකුල්පනේ සුදස්සී ස්වාමින්වහන්සේ මෑතකදී සිදුකල මෙවැනි ධර්ම දේශනා ශ්‍රවණය කිරීමට පහත යොමු මත click කරන්න;

  1. Dayaka Dhamma Talks – 06 දායකත්ව ධර්ම දේශනා – 06
  2. Dayaka Dhamma Talks – 05 දායකත්ව ධර්ම දේශනා – 05
  3. Dayaka Dhamma Talks – 04 දායකත්ව ධර්ම දේශනා – 04
  4. Dayaka Dhamma Talks – 03 දායකත්ව ධර්ම දේශනා – 03
  5. Dayaka Dhamma Talks – 02 දායකත්ව ධර්ම දේශනා – 02
  6. Dayaka Dhamma Talks – 01 දායකත්ව ධර්ම දේශනා – 01
Share this with others as a gift of Dhamma!

Anuruddha Sutta – අනුරුද්ධ සූත්‍රය 2013.

Anuruddha Sutta – අනුරුද්ධ සූත්‍රය ඇසුරින් වර්ෂ 2013 දී සිදුකල දීර්ඝ දේශනා මාලාවට වටිනා නව දේශනා එකතුවක් සහිතව ශ්‍රවණය කරන්නන්ගේ පහසුව සඳහා අලුත් ආකාරයකට දේශනා ගොනු කිරීමක් සිදු කලා. විශේෂයෙන් වර්ථමානයේදී ලෝකය පුරා ඇතිවී ඇති ගැටුම් කාරී මානසික ස්වභාවයට ඉතාම වටිනා සහනයක් ලෙස සතිමත්බව තුලින් මෛත්‍රිය වර්ධනය කරන ආකාරය දේශනා අංක 19 සිට 22 දක්වා ඇතුලත් වේ.  ඉදිරියේදී එම දේශනා පදනම් කරගෙන විශේෂ දහම් පුවත් කලාප කිහිපයක් ඉදිරිපත් කිරීමට බලාපොරොත්තු වෙමු.

එමෙන්ම ඉදිරියේදී මෙම වෙබ් පිටුවට ඇතුලත් කරන නව දේශනා ඇතුලත් වෙබ් පිටුවට පිවිසීමට මෙම වෙබ් යොමුව භාවිතා කරන්න: Anuruddha Sutta – අනුරුද්ධ සූත්‍රය 2013


එසේම අනුරුද්ධ සූත්‍රය ඇසුරු කොටගෙන අන්තර්ජාල zoom වැඩසටහනක් සෑම සෙනසුරාදා දිනවල ශ්‍රී ලංකා වේලාවෙන් හවස 7.00 සිට 9.00 දක්වා පැවැත්වේ.  අද දින (29-01-2022) තේමාව වනුයේ ”කාර්යබහුල බව, උදාසීන බව සහ සැබෑ විවේකය” යන්නයි.

*Zoom ඔස්සේ සම්බන්ධ වීමට පහත Link එක Click කරන්න.
👇
https://us02web.zoom.us/j/4457486152?pwd=VExxT3RyQndMQXBtdGROR2pJWnJvdz09

Passcode: Dhamma


අති පූජනීය ආචාර්ය කුකුල්පනේ සුදස්සී ස්වාමින්වහන්සේ.

Anuruddha Sutta – අනුරුද්ධ සූත්‍රය 2013: අනුරුද්ධ සූත්‍රය මූලික කරගෙන වටිනා දීර්ඝ දේශනා මාලාවක් අති පූජනීය කුකුල්පනේ සුදස්සී ස්වාමින්වහන්සේ විසින් වර්ෂ 2013 දී සිදුකරන ලදී.  නිවන් දැකීම සඳහා ගුණධර්ම පුහුණු කරන අය විසින් දියුණු කලයුතු මහා පුරුෂ විතර්ක පිළිබඳව අනුරුද්ධ සූත්‍රය ඇසුරින් මෙහිදී විස්තරාත්මකව පැහැදිලි කරන ලදී. 

මෙම වටිනා සහ දීර්ඝ දේශනා මාලාවේ ඇතැම් දේශනා මේ වනවිට සොයාගැනීමට නොහැක. දැනට එම දේශනා මාලාවේ දේශනා 86 ක් අප වෙත ඇත. එම දේශනා ඉදිරියේදී සම්පුර්ණ වශයෙන් මෙහි පල කෙරෙනු ඇත.  එමෙන්ම මේ සියලු දේශනා ශ්‍රාවකයින් හට වෙබ් අඩවියෙන් පහසුවෙන් බාගත කල හැක.

ත්‍රිපිටකයේ සූත්‍ර පිටකයේ, අඞ්‌ගුත්‌තර නිකායේ, අට්ඨක නිපාතයේ, ගහපති වර්ගයේ එන අනුරුද්‌ධ සූත්‍රය මෙතනින් කියවන්න: අනුරුද්‌ධ සූත්‍රය.

  1. අනුරුද්ධ සූත්‍රය – හැඳින්වීම.
  2. අනුරුද්ධ සූත්‍රය – අත්‍රිච්ඡතාවය සහ මහිච්ඡතාවය.
  3. අනුරුද්ධ සූත්‍රය – මහිච්ඡතාවය සහ අල්පේච්ඡතාවය.
  4. අනුරුද්ධ සූත්‍රය – මහිච්ඡතාවය සහ පාපිච්ඡතාවය.
  5. අනුරුද්ධ සූත්‍රය – අල්පේච්ඡතාවය පුහුණු කරන ආකාරය – 01.
  6. අනුරුද්ධ සූත්‍රය – අල්පේච්ඡතාවය පුහුණු කරන ආකාරය – 02.
  7. අනුරුද්ධ සූත්‍රය – සතුටින් සිටීම පුරුදු කිරීම.
  8. අනුරුද්ධ සූත්‍රය – සාමිස සතුට. 
  9. අනුරුද්ධ සූත්‍රය – සාමිස සතුට සහ එහි ඇති ආදීනව.
  10. අනුරුද්ධ සූත්‍රය – සඞ්ගණිකාරාමය – කාය විවේකය සහ ආරණ්‍ය ගතවීම. (සඞ්ගණිකාරාමය යනු පිරිසෙහි හා ක්ලේශ ධර්මයන්හි ඇලී ගැලී වාසය කිරීමයි.)
  11. අනුරුද්ධ සූත්‍රය – සඞ්ගණිකාරාමය – චිත්ත විවේකය.
  12. අනුරුද්ධ සූත්‍රය – සඞ්ගණිකාරාමය – කාමච්ඡන්දය, පැවැත්ම සහ නැවැත්ම.
  13. අනුරුද්ධ සූත්‍රය – සඞ්ගණිකාරාමය – කාමච්ඡන්දය ඇතිවීමේ හේතුව. 
  14. අනුරුද්ධ සූත්‍රය – සඞ්ගණිකාරාමය – කාමච්ඡන්දය දුරු කිරීම – අසුභ නිමිත්ත සහ අසුභ භාවනාව.
  15. අනුරුද්ධ සූත්‍රය – සඞ්ගණිකාරාමය – කාමච්ඡන්දය දුරු කිරීම – ඉන්ද්‍රිය සංවරය.
  16. අනුරුද්ධ සූත්‍රය – සඞ්ගණිකාරාමය – කාමච්ඡන්දය දුරු කිරීම – ආහාරයේ පමණ දැනීම.
  17. අනුරුද්ධ සූත්‍රය – සඞ්ගණිකාරාමය – කාමච්ඡන්දය දුරු කිරීම – කල්‍යාණ මිත්‍ර ඇසුර.
  18. අනුරුද්ධ සූත්‍රය – සඞ්ගණිකාරාමය – කාමච්ඡන්දය දුරු කිරීම – සප්පාය කථා.
  19. අනුරුද්ධ සූත්‍රය – සඞ්ගණිකාරාමය – ව්‍යාපාදය සහ එහි නොයෙක් පැතිකඩ.
  20. අනුරුද්ධ සූත්‍රය – සඞ්ගණිකාරාමය – පටිඝ නිමිත්ත, යෝනිසෝමනසිකාරය සහ මෛත්‍රී නිමිත්ත.
  21. අනුරුද්ධ සූත්‍රය – සඞ්ගණිකාරාමය – සිහියෙන් සහ නුවණින් යුතුව මෛත්‍රී නිමිත්ත ඇතිවන සහ නැතිවන ආකාරය වටහා ගැනීම.
  22. අනුරුද්ධ සූත්‍රය – සඞ්ගණිකාරාමය – ක්ලේශයන්ගේ ක්‍රියාකාරීත්වයෙන් වෙන්කර ගනිමින් මෛත්‍රියේ බලය දියුණු කිරීම.

මතු සම්බන්ධයි….

Share this with others as a gift of Dhamma!

7. අනුරුද්ධ සූත්‍රය – සතුටින් සිටීම පුරුදු කිරීම.

අනුරුද්ධ සූත්‍රය ඇසුරින් සතුටින් සිටීම පුරුදු කිරීම පිළිබඳව පූජනීය ආචාර්ය කුකුල්පනේ සුදස්සී ස්වාමීන් වහන්සේ විසින් වර්ෂ 2013දී සිදුකල මෙම ධර්ම දේශනාව නිවන් අවබෝධය සඳහා ධර්ම මාර්ගය පුහුණු කරන්නන්ට ඉතා වටිනා වේ. අනුරුද්ධ සූත්‍රයේදී බුදුරජාණන් වහන්සේ දේශනා කරනා පරිදි ”මේ ධර්මය, ලද දෙයින් සතුටු වන්නාටය”.  මෙම කියමන සරල ලෙස පෙනුනත් එහි ඇතැම් කරුණු බොහෝ කල් දහම් මග ප්‍රගුණ කරන අයට පවා පහසුවෙන් හසු නොවන සියුම් කරුණු වලින් සමන්විත වේ. 

එබඳු එක් කරුණක් නම් ගුණ ධර්ම පුරනා අය විසින් සමාජයේ සෙසු අයත් මේ, මේ ආකාරයට පැවතිය යුතු යැයි තමන් විසින් සදා ගන්නා නොයෙකුත් මානසික රාමු තුල සිර වී ඒ තුලින් තම සතුට නැති කර ගැනීමයි.  සමාජයට හෝ තම පවුලට අවශ්‍ය තැන යහපත් ගුණ ධර්ම අප කියා දිය යුතු වූවත් ඉහත දැක්වූ අයුරින් රාමුවක් තුල කොටු වීම නිසා මානසික, වාචික ගැටුම් පමණක් නොව අධි මානයන් තුල පවා අප කොටු වී සතුට නැති කරගන්නා තත්වයන්ට පත්වීමට පුළුවන.
එයට අමතරව එබඳු වටිනා කරුණු රැසක් මෙම දේශනාවේ ඇතුලත් වේ.

මෙම දේශනා මාලාව ඇතුලත් වෙබ් පිටුවට මෙතනින් පිවිසෙන්න: https://bit.ly/30IGp0M
එම පිටුවට ඉදිරියේදී අනුරුද්ධ සූත්‍රය පිළිබඳව පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සිදුකල ඉතිරි ධර්ම දේශනා එකතු කෙරෙනු ඇත.

අති පූජනීය ආචාර්ය කුකුල්පනේ සුදස්සී ස්වාමින්වහන්සේ.

Anuruddha Sutta – අනුරුද්ධ සූත්‍රය 2013 මූලික කරගෙන වටිනා දීර්ඝ දේශනා මාලාවක් අති පූජනීය කුකුල්පනේ සුදස්සී ස්වාමින්වහන්සේ විසින් වර්ෂ 2013 දී සිදුකරන ලදී.  නිවන් දැකීම සඳහා ගුණධර්ම පුහුණු කරන අය විසින් දියුණු කලයුතු මහා පුරුෂ විතර්ක පිළිබඳව අනුරුද්ධ සූත්‍රය ඇසුරින් මෙහිදී විස්තරාත්මකව පැහැදිලි කරන ලදී.

ත්‍රිපිටකයේ සූත්‍ර පිටකයේ, අඞ්‌ගුත්‌තර නිකායේ, අට්ඨක නිපාතයේ, ගහපති වර්ගයේ එන අනුරුද්‌ධ සූත්‍රය මෙතනින් කියවන්න: අනුරුද්‌ධ සූත්‍රය.

  1. අනුරුද්ධ සූත්‍රය – හැඳින්වීම.
  2. අනුරුද්ධ සූත්‍රය – අත්‍රිච්ඡතාවය සහ මහිච්ඡතාවය.
  3. අනුරුද්ධ සූත්‍රය – මහිච්ඡතාවය සහ අල්පේච්ඡතාවය.
  4. අනුරුද්ධ සූත්‍රය – මහිච්ඡතාවය සහ පාපිච්ඡතාවය.
  5. අනුරුද්ධ සූත්‍රය – අල්පේච්ඡතාවය පුහුණු කරන ආකාරය – 01.
  6. අනුරුද්ධ සූත්‍රය – අල්පේච්ඡතාවය පුහුණු කරන ආකාරය – 02.
  7. අනුරුද්ධ සූත්‍රය – සතුටින් සිටීම පුරුදු කිරීම.

මතු සම්බන්ධයි….

 

Share this with others as a gift of Dhamma!

Saturday Dhamma Discussion – 35 (11-09-2021)

“ප්‍රායෝගික ජීවිතයෙහි ධර්මය ප්‍රගුණ කරන ආකාරය” යන තේමාව මුල්කරගෙන පැවැත්වූ මෙවර සෙනසුරාදා සජීවී ධර්ම සාකච්ඡාව – Saturday Dhamma Discussion – 35 පහත දැක්වෙන හේතුන් නිසා වැදගත් වේ;

  1.  පළමු පැනයට පිළිතුරු වශයෙන් දේශනා කල දුක්ඛ සමුදය සත්‍ය විස්තරයහි ඇතුලත් කරුණු බෙහෙවින් වටිනා වේ.
  2. එමෙන්ම ඇතැම් ස්වාමින්වහන්සේලා පවා වැරදි ලෙස වටහා ගෙන ඇති “විභව තණ්හාව” කුමක්දැයි නිවැරදිව වටහා දීම. (පැන අංක: 10)
  3. ඇතැම් පිළිතුරු ගිහි ජීවිත ගතකරන අයට ගැලපෙන පරිදි බුදුරජාණන්වහන්සේ දේශනා කල ”ගිහි ප්‍රතිපදාවට” අනුගතව සපයා ඇති වීම. එමෙන්ම ඇතැම් ප්‍රශ්න ඇසු අය පුද්ගලිකව දැනගැනීම තුල ඒ අයට සුදුසු ප්‍රතිපදාව ඉදිරිපත් කිරීම.  (පැන අංක 03, 04, 05, 08, 13)
  4. ඇතැම් ප්‍රශ්න සහ පිළිතුරු විපස්සනා භාවනාවට ප්‍රායෝගිකව  යොමු කරන බැවිනි. (පැන අංක 09, 12) 

 

Saturday Dhamma Discussion – 35 (සෙනසුරාදා සජීවී ධර්ම සාකච්ඡාව අංක: 35)

Saturday Dhamma Discussion – 35 was conducted on 11 September 2021 by Most Ven. Kukulpane Sudassi Thero. Saturday Saturday Dhamma Discussion – 35 is audio edited to remove unwanted noises and pauses and is presented below as separate questions and answers to provide better listening.  Ven. Anuradhapura Anuruddha Thero also joined to facilitate the discussion.

“ප්‍රායෝගික ජීවිතයෙහි ධර්මය ප්‍රගුණ කරන ආකාරය” යන තේමාව මුල්කරගෙන අති පූජනීය කුකුල්පනේ සුදස්සී ස්වාමින්වහන්සේ විසින් සිදුකරන සෙනසුරාදා සජීවී ධර්ම සාකච්ඡා පෙලේ තිස් පස් වන ධර්ම සාකච්ඡාව වර්ෂ 2021 සැප්තැම්බර් මස 11 දින සිදුකරන ලදී.  පුජ්‍යපාද අනුරාධපුරයේ අනුරුද්ධ ස්වාමින්වහන්සේද එම Zoom සාකච්ඡාව මෙහෙයවීමට වැඩසටහන දායක වූ සේක.

මෙවර ධර්ම සාකච්ඡාව සතර සතිපටිඨානයේ ධම්මානුපස්සනාවේ චතුරාර්‍ය සත්‍ය ධර්මයේ දුක්ඛ සමුදය සත්‍ය පාදක කරගෙන සිදුකරනු ලැබීනි.


මෙවර ධර්ම සාකච්ඡාවේ ශබ්ද සංස්කරණය කල ප්‍රශ්න හා පිළිතුරු පහතින් දැක්වේ.

  1. චතුරාර්‍ය සත්‍ය ධර්මයේ සඳහන් වන දුක්ඛ සමුදය සත්‍ය විස්තර සහිතව පැහැදිලි කරන්න.***
  2. ආස්වාදය, ආදීනවය සහ නිස්සරණය පැහැදිලිකර දෙන්න.
  3. වන්දනා ගමන් යාමට ඇතිවන කැමැත්ත තණ්හාවද? **
  4. රස්සාවක් කර සල්ලි ඉපයීම තණ්හාවද?  **
  5. මුදල් උපයා පිං කටයුතු කිරීම තණ්හාවද? **
  6. විභව තණ්හාව යනු කාම තණ්හාවේ උප කුලකයක් ද?
  7. විතක්ක, විචාර පැහැදිලිකර දෙන්න.
  8. ව්‍යාපාර ඉල්ලක්කයකට ආයතනයක් මෙහෙයවන විට තණ්හාව ඇතිවන්නේද? **
  9. ඇලීමක් හෝ ගැටීමක් හෝ ඇතිවන විට එහි නුසුදුසු බව දැන යටපත් කරගත්තත් නැවත ඒ අරමුණ කෙරෙහිම පසු අවස්ථාවකදී ඇලීම හෝ ගැටීම ඇති වී එය පාලනය හෝ යටපත් කරගැනීමට නොහැකිවේ. මෙය සමනය කරගැනීමට කලයුතු ප්‍රතිපදාව පැහැදිලි කරන්න.***
  10. විභව තණ්හාව කියන්නේ යමක් හෝ මෙම භවය හෝ එපාවීමක් වැනි ද්වේශ සහගත බවක් නොවේද? ***
  11. රූප තණ්හා සහ අරූප තණ්හා පහදා දෙන්න.
  12. අද සිදුකල දේශනාව භාවනාවක් හැටියට යොදාගැනීමට කමටහනක් කියාදෙන්න. ***
  13. වයසක මට දැන් ඉස්සර වගේ පන්සල් යාමට නොහැකිවීම ගැන ඇතිවන දුක ගැන කල යුත්තේ කුමක්ද? ***
  14. තණ්හාව නිසා සසර ගමන් කරනවා නම් මරණයෙන් පසු ඒ තණ්හාවෙන් අපි කැමති භව වල ඉපදින්නේ නැත්තේ ඇයි?
  15. රූප, වේදනා, සංඥා, සංකාර, විඥාන වල සඳහන් වෙන වේදනාවත්, පටිච්චසමුප්පාදයේදී ඵස්සයට පසුව එන වේදනාවත් යන අවස්ථා දෙකේදීම සුඛ, දුක්ඛ සහ උපේක්ෂා යන වේදනා තුනම ජනිත වෙනවාද?
  16. පෘතග්ජන මට්ටමේදී ඇතිවන හැම සිතකම පළමුවෙනි සිත ප්‍රභාෂ්වර සිතක්ද?
  17. විපාක සිත් ප්‍රභාෂ්වර සිත් නොවේද?
  18. ටෙලිග්‍රෑම් App එක තුලින් “Dhamma Yathra” දහම් සංසදයට එකතු වන්න. (එකතුවෙන ආකාරය ප්‍රශ්න/පිළිතුරු වලට පහලින් දැක්වේ.)***
  19. අපගේ මුල්ම සිත භවාංග සිතද?
  20. අවසානය.

 

Share this with others as a gift of Dhamma!

සෙනසුරාදා සජීවී ධර්ම සාකච්චාවන් අංක: 28 සහ 29

තෙරුවන් සරණයි!,

සති කිහිපයකට පසුව මෙම දහම් සාකච්චා පිලිබඳ විස්තර ඔබ වෙත ඉදිරිපත් කරනෙමු. කොවිඩ් 19 රෝගය වැළඳීම නිසා අපහට සති දෙකක් පමණ දහම් ප්‍රචාරක කටයුතු වල නිරතවීමට නොහැකි විය.  දැන් කටයුතු යථා තත්වයට පැමිණ තිබේ.

මේ පහලින් දැක්වෙන්නේ පසුගිය සති දෙකේ ඇති පුජනීය කුකුල්පනේ සුදස්සී ස්වාමින්වහන්සේ විසින්  සිදුකල වටින ධර්ම සාකච්චා දෙකකට ඇති වෙබ් යොමුවන් වේ. මේ රූ සටහන් මත click කිරීමෙන් නියමිත වෙබ් පිටුවට යා හැකිය.

මෙම ධර්ම සාකච්චාවන් සතර සතිපටිඨානයේ ධම්මානුපස්සනාවේ ස්කන්ධ සහ ආයතන පාදක කරගෙන සිදුකරනු ලැබීය. ඉතා ප්‍රායෝගික වැදගත්කමක් ඇති ප්‍රශ්න සහ පිළිතුරු මෙහි ඇතුලත් වේ.  එම විශේෂ වටිනාකමකින් යුතු ප්‍රශ්න වෙනම සඳහන් කර ඇත.

මෙයට දහම් හිතකාමී,

අරුණ මනතුංග

Saturday Dhamma Discussion – 29 (සෙනසුරාදා සජීවී ධර්ම සාකච්චාව – අංක: 29)

Saturday Dhamma Discussion – 28 (සෙනසුරාදා සජීවී ධර්ම සාකච්චාව – අංක: 28)

 

Share this with others as a gift of Dhamma!

Saturday Dhamma Discussion – 25 (03-07-2021)

මෙවර සෙනසුරාදා ධර්ම සාකච්ඡාව, සතර සතිපටිඨානයේ ධම්මානුපස්සනාවේ උද්ධච්චකුක්කුච්ච නීවරණ ධර්මය පදනම් කරගෙන සිදුකරනු ලැබුණි.
භාවනා අරමුණක හෝ වෙනත් අරමුණක සිත එකලස් කිරීමට නොහැකි (උද්ධච්ච) ස්වභාවය සහ සිතෙහි ඇතිවන පසුතවීමේ (කුක්කුච්ච) ස්වභාවය පිළිබඳව ඉතා වැදගත් විමර්ශනයක් මෙහිදී සිදුකෙරිණි. 
මෙම පැය 2කට වඩා දිගු වන ධර්ම සාකච්චාව, අසන්නන්ගේ පහසුව පිණිස ප්රශ්න හා පිළිතුරු වශයෙන් වෙන්කර, ශබ්ද සංස්කරණය කොට මෙම වෙබ් පිටුවේ පළකර ඇත.

Saturday Dhamma Discussion – 25 (සෙනසුරාදා සජීවී ධර්ම සාකච්චාව – අංක: 25)

Saturday Dhamma Discussion – 25 was conducted on 03 July 2021 by Most Ven. Kukulpane Sudassi Thero. Saturday Dhamma Discussion – 25 was audio edited to remove unwanted noises and pauses and is presented below as separate questions and answers to provide better listening. Ven. Anuradhapura Anuruddha Thero also joined to facilitate the discussion.

“ප්‍රායෝගික ජීවිතයෙහි ධර්මය ප්‍රගුණ කරන ආකාරය” යන තේමාව මුල්කරගෙන අති පූජනීය කුකුල්පනේ සුදස්සී ස්වාමින්වහන්සේ විසින් සිදුකරන සෙනසුරාදා සජීවී ධර්ම සාකච්ඡා පෙලේ විසිපස් වන ධර්ම සාකච්චාව වර්ෂ 2021 ජූලි මස 03 දින සිදුකරන ලදී. පුජ්‍යපාද අනුරාධපුරයේ අනුරුද්ධ ස්වාමින්වහන්සේද එම Zoom සාකච්චාව මෙහෙයවීමට වැඩසටහන දායක වූ සේක.


සතර සතිපටිඨානයේ ධම්මානුපස්සනාවේ “උද්ධච්චකුක්කුච්චය” සජීවී ධර්ම සාකච්චාවේ ශබ්ද සංස්කරණය කල ප්‍රශ්න හා පිළිතුරු පහතින් දැක්වේ.

  1. උද්ධච්චකුක්කුච්ච නීවරණය හඳුනාගැනීම සහ එය දුරු කරගන්නා ආකාරය පැහැදිලි කරන්න.
  2. තමන් අතින් සිදුවුණු අතීත අකුසලයක් නිසා ඇතිවන පසුතැවීම දුරුකරගන්නේ කෙසේද?
  3. අනංගණ සුත්‍රයට අනුව සිදුවන අකුසලයහි වරද දැනගැනීම නිසා බෞධයාහට යහපතක් වෙනවාද? (අනංගණ සුත්‍රය ත්‍රිපිටකයෙන් මෙතනින් කියවන්න.)
  4. සක්මන් භාවනාවේදී අරමුණෙන් අරමුණට සිත වෙනස්වීම සිදුවුනත් එය උද්ධච්චය නොවේ නේද?
  5. පැරණි අකුසලයක් මතක්වීම නිසා එය තවත් නව අකුසලයක් ඇතිකරවීමට හේතුවේ ද?
  6. භාවනාවේ තමන් ලබා සිටින අවස්ථා ගැන භාවනා යෝගීන් පිරිසක් සමග සාකච්චා කිරීමෙන් කෙලෙස් වැදීම සිදුවිය හැකිද?
  7. මනස, චෛතසික සහ විඥානය පැහැදිලිකර දෙන්න.
  8. යම් කුසල් සහගත සිතුවිල්ලක් යෝනිසෝමනසිකාරයෙන් දකින විට එයට නොඇලී සිටිය යුතුද?
  9. මලගිය ඥාතීන් නිසා ඇතිවන ශෝකයට පාදකවන අකුසල් මූලය කුමක්ද?
  10. අකුසල මූල සිතුවිල්ලක්, කුසල මූල සිතුවිල්ලක් බවට පත්කරගන්නට පුලුවන්ද?
  11. දුකට පත්වූ අයෙකු ගැන අප තුල ඇත්තේ අනුකම්පාවද, කරුණාවද යන්න දැනගන්නේ කෙසේද?
  12. දහම් ගැටළු නිරාකරණය කරගැනීම සඳහා මේ ආත්මයේ සෝවාන් වීම යන අරමුණ සුදුසුද?
  13. භාවනා කිරීමට උත්සහ කරන විට සිත විසිරීම නවතා ගැනීමට මෙම උපාය මාර්ගය සුදුසුද?
  14. සිතක එකවර චෛතසික දෙකක් එකවර හටගැනීමට හැකිද?
  15. අවසානය.

 

Share this with others as a gift of Dhamma!