සුගත පද විවරණ – (ධර්ම විනිශ්චය 05 – ප්‍රර්ථනා) 23-10-2022

Posted on October 25, 2022 by Aruna Manathunge

මෙවර සුගත පද විවරණ වල ප්‍රර්ථනා පිලිබඳ වැඩසටහන විශේෂ ප්‍රායෝගික වැදගත් කමකින් යුතු වන නිසාවෙන් එයින් උපුටා ගන්නා ලද කෙටි දහම් ඛණ්ඩයන් දෙකක් පළමුවෙන් ඉදිරිපත් කරනෙමු. අති පූජ්‍ය රේනුකානේ චන්දවිමල මහා නායක ස්වාමීන් වහන්සේ විිසින් රචිත “ධර්ම විනිශ්චය” ග්‍රන්ථය ඇසුරු කරගනිමින් සුගත පද විවරණ දහම් මාලාවේ නව පරිච්චේදයක් වර්ෂ 2022 සැප්තැම්බර් මස 18 ඉරු දින ආරම්භ කෙරිණි. බුදු දහම පැහැදිලි කරගත යුත්තේ කවර පදනමක මත සිටද යන මූලික සංකල්ප සහ අත්‍යවශ්‍ය කරුණු මෙම ග්‍රන්ථයේ පැහැදිලි කෙරේ. බුදු දහම පිළිබඳව නොයෙකුත් විකෘති මතවාදයන් පැතිරෙන මෙවන් කාලයක සිදු කෙරෙන මෙම නව සුගත පද විවරණ දහම් මාලාව බෙහෙවින් කාලීන වැදගත් කමකින් යුතු වේ.

සම්පුර්ණ වැඩසටහන වන අංක 05 නැරඹීමට හෝ සවන් දීමට පහත ඇති යොමුවෙන් පිවිසෙන්න.

සුගත පද විවරණ – ධර්ම විනිශ්චය.

Share this with others as a gift of Dhamma!

සංවරා පහා තබ්බා – Saturday Dhamma Discussion – 84 (22-10-2022)

Posted on October 23, 2022 by Aruna Manathunge

සෙනසුරාදා ධර්ම සාකච්ඡාව – අංක: 84 (සංවරා පහා තබ්බා -කෙලෙස් දුරු කරන විවිධ උපාය මාර්ග) 22-10-2022

සංවරා පහා තබ්බා – Saturday Dhamma Discussion – 84 (22-10-2022) was conducted on 22 October 2022 by Most Ven. Kukulpane Sudassi Thero. Saturday Dhamma Discussion – 84 is audio edited to remove unwanted noises and pauses and is presented below as separate questions and answers to provide better listening.

“ප්‍රායෝගික ජීවිතයෙහි ධර්මය ප්‍රගුණ කරන ආකාරය” යන තේමාව මුල්කරගෙන අති පූජනීය කුකුල්පනේ සුදස්සී ස්වාමින්වහන්සේ විසින් සිදුකරන සෙනසුරාදා සජීවී ධර්ම සාකච්ඡා පෙලේ අසූ හතර වෙනි ධර්ම දේශනාව සහ සාකච්ඡාව වර්ෂ 2022 ඔක්තෝබර් මස 22 වන දින සිදුකරන ලදී.

මෙවර ධර්ම දේශනාවේදී සබ්බාසව සූත්‍රයේ දැක්වෙන සංවරා පහා තබ්බා යන්න කුමක්දැයි පැහැදිළි කරන ලදී. සංස්කාර වල ඇති ඉන්ද්‍රිය පිනවන ගතිය නිසා ඇතිවන ඉන්ද්‍රියන්ගේ පිනවීමට ඇතිවෙන අවශ්‍යතාවය ඇතිවෙන ආකාරය සහ ක්ලේෂ කාම (සංකල්පීය කාමය), වස්තු කාම (භෞතික වශයෙන් විඳීමේ කැමැත්ත) අන්‍යොන්‍යව ක්‍රියාත්මක වෙන ආකාරයන් මනාකොට විස්තර කරන ලදී.

එමෙන්ම බුදුදහමේ සති සංවරය කුමක්ද සහ ඒ තුලින් සංවරා පහා තබ්බා ඇති කරගන්නා ආකාරය මනාව සහ ක්‍රමිකව පැහැදිලි කරන ලදී. එමෙන්ම අද දින දේශනාවට අනුගතව වටිනා දහම් පැන ධර්ම සාකච්ඡාව තුලින් ද මතු කෙරිණි.

ත්‍රිපිටකයේ එම සබ්බාසව සූත්‍රය මෙතනින් කියවන්න: සබ්බාසව සූත්‍රය.

මෙම (සංවරා පහා තබ්බා – සබ්බාසව සූත්‍රය 04) ධර්ම සාකච්චාවේ වීඩියෝව නැරඹීමට මෙතන click කරන්න.

මෙම සම්පුර්ණ ධර්ම දේශනාව සහ ධර්ම සාකච්ඡාව ශබ්ද සංස්කරණය කොට ප්‍රශ්න සහ පිළිතුරු වශයෙන් වෙන්කොට පහතින් ඇතුලත් කර තිබේ.

සංවරා පහා තබ්බා යන්න පැහැදිලි කරන්න. *** (සති සංවරයෙන් ආශ්‍රව ප්‍රහාණය වෙන ආකාරය ඉතා පැහැදිලි ලෙස මෙහි විස්තර කෙරේ.)
සති සංවරය භාවනාවක් තුලින් පුහුණු කරන විට ඇතිවන ථීනමිද්ධ නීවරණය හට ගැනීමට ක්ලේෂ කාම සහ වස්තු කාම බලපාන ආකාරය පැහැදිලි කරන්න. *** (මෙම සම්බන්ධතාවය අවබෝධ කරගැනීම භාවනාව පුහුණු වන්නන් හට වැදගත් වේ. එමෙන්ම ථීනමිද්ධ නීවරණය හට ගැනීමේ නොයෙක් ආකාර මෙහිදී පැහැදිලි කෙරේ.)
ක්ලේෂ කාම සහ වස්තු කාම ක්‍රියාත්මක වෙන ආකාරය නිසාම අප වෙළඳ ප්‍රචාර වලටත් හසු වෙනවා නොවේ ද? *** (මෙම ක්‍රියාදාමය පිළිබඳව අවබෝධයක් ඇතිකර ගැනීම එදිනෙදා සාමාන්‍ය ජීවිතයට පවා වැදගත් වේ.)
මොනරා ලස්සන වී ඉපදුනේ දන් දී තිබුණු නිසාත් සහ තිරිසනකු වූයේ දුසිල්වත් වූ නිසාත් දැයි කියනා කරුණ පහදා දෙන්න.
පුරා සතියක් සිල් සමාදම් වී දින කිහිපයක් ගත වූ විට දැඩි වෙහෙසක් ඇති වීම නැති කරගන්නේ කෙසේ ද? *** (බාධක දුරු කරමින් සාධක දියුණු කිරීම පිලිබඳ වටිනා උපදේශයකි.)
ආශ්‍රව සංවර කිරීමේදී යෝනිසෝමනසිකාරය සහ අයෝනිසෝමනසිකාරය එතැනට ගලපා ගන්නා ආකාරය පැහැදිලි කරන්න. *** (ගෞරවනීය ස්වාමින්වහන්සේ සඳහන් කල වැඩිදුර පැහැදිලි කිරීම මෙම වෙබ් පිටුවේ පළවෙනි පැනයෙන් දැක්වේ. මෙතැනින් පිවිසෙන්න.)
සබ්බාසව සූත්‍රයේ මුල් කරුණු හය ආර්ය අෂ්ඨාංගික මාර්ගයටත් අවසාන කරුණ සම්මා විමුක්ති වලට වශයෙන් ගොනු කල හැකි ද?
මනසිකාර චෛතසිකය අප විසින් ආයාසයෙන් මෙනෙහි කල යුතු චෛතසිකයක් ද?
සති ගණන් කරන භාවනා වලට වඩා එදිනෙදා කරන වැඩ වලින් කුසල් රැස්වේ ද? ***
චාරිත්‍ර ශීලය සහ වාරිත්‍ර ශීලය පිළිබඳව පැහැදිලි කරන්න.
අප බොහෝවිට සසරින් ගැලවෙන්න හදන්නෙත් තෙහෙට්ටුව නිසා නොවේ ද? ***
ඉන්ද්‍රිය සංවරය දියුණු වූ විට එය අජ්ජත්ත බහිද්දා යන තත්වයට පැමිණෙනවා ද?
අවසානය.

සෙනසුරාදා සජීවී ධර්ම සාකච්ඡාව, සෑම සෙනසුරාදාම ශ්‍රී ලංකා වේලාවෙන් පස්වරු 7.00 ආරම්භ කෙරෙනු ඇත. එම වැඩසටහනට සම්බන්ධ වීමට පළමුව Zoom App එක ඔබගේ පරිගණ කයේ ස්ථාපිත කරගන්න. ඉන් පසු පහත Link එක Click කරන්න.
https://us02web.zoom.us/j/4457486152?pwd=VExxT3RyQndMQXBtdGROR2pJWnJvdz09
Meeting ID: 4457486152
Passcode: Dhamma.
පසුගිය සජීවී ධර්ම සාකච්චා වල වෙබ් යොමුවන් ඇති ප්‍රධාන පිටුවට පිවිසීමට මෙතන click කරන්න.
Dhamma Yathra දහම් සංසදයට එක්වීමට මෙතැනින් පිවිසෙන්න.

Share this with others as a gift of Dhamma!

සමාධිභාවනා සූත්‍රය – Samadhibhavana Sutta. (පූජනීය පානදුරේ චන්දරතන ස්වාමින්වහන්සේ)

Posted on October 12, 2022 by Aruna Manathunge

සමාධිභාවනා සූත්‍රය – Samadhibhavana Sutta මීතිරිගල නිස්සරණ වණසේනාසන වාසී පූජනීය පානදුරේ චන්දරතන ස්වාමින්වහන්සේ විසින් ඉරිදා සූත්‍ර දේශනා මාලාවේ 20 වන සූත්‍රය ලෙස වර්ෂ 2022 සැප්තැම්බර් මස 25 වන දින ආරම්භ කර ඔක්තෝබර් මස 09 වෙනි දින අවසාන කරන ලදී.

පූජනීය පානදුරේ චන්දරතන ස්වාමින් වහන්සේ සමාධිය පිලිබඳ සිදුකරන දේශනා මාලාවේ දෙවන සූත්‍රය ලෙස උද්දේසවිභඞ්ග සූත්‍රයට පසුව මෙම සූත්‍ර දේශනාව ආරම්භ කරන ලදී. එම පළමු සූත්‍ර දේශනාවට මන ලෙස ගැලපෙන අයුරින් මෙම සමාධිභාවනා සූත්‍ර දේශනා මාලාව ඉදිරිපත් කෙරේ.

මෙම සූත්‍රයේදී සමාධි භාවනාවේ ‘වර්ග’ හෝ ‘ආකාර’ හෝ හතරක් පිළිබඳව පැහැදිලි කෙරේ. මෙම සූත්‍රය භාවනා යෝගීන් හට ඉතාම වැදගත් වෙන බුද්ධ දේශනාවකි. එමෙන්ම ප්‍රායෝගික වටිනා කමකින් යුතු ධර්ම සාකච්ඡාවන් ද මෙහි ඇතුලත් වේ.

සමාධිභාවනා සූත්‍රය ත්‍රිපිටකයෙන් මෙතනින් කියවන්න: සමාධිභාවනා සූත්‍රය.

සමාධිභාවනා සූත්‍රය මූලික කරගත් ධර්ම දේශනා සහ ධර්ම සාකච්ඡා මාලාව මෙයින් අවසාන වේ.

පසුගිය ඉරිදා දහම් වැඩසටහන් ඇති වෙබ් පිටුවට මෙතැනින් පිවිසෙන්න.</str

Share this with others as a gift of Dhamma!

එදිනෙදා ජීවිතයේ මමත්වය අඩු කරගත හැකි ආකාරය. (09-10-2022)

Posted on October 11, 2022 by Aruna Manathunge

එදිනෙදා ජීවිතයේ මමත්වය අඩු කරගත හැකි ආකාරය පිළිබඳව අති පූජනීය කුකුල්පනේ සුදස්සී ස්වාමින්වහන්සේ විසින් සියැස රූපවාහිනිය තුලින් සිදුකල මෙම වටිනා ධර්ම දේශනාව පහත සඳහන් කරුණු නිසා ගිහි පැවිදි සෑම දෙනාටම ඉතාම වැදගත් වේ;

අප සංකල්පීය වශයෙන් ගොඩනගා ගන්නා මමත්වය දැඩිව උපාදාන කර ගැනීම නිසාම අප ‘මම’ මෙහෙම කෙනෙක් යැයි අර්ථ නිරූපණය කර ගනිමින් ඒ තුලින් ගැටීම්, චිත්ත වේදනා සහ ඇලීම් ඇති කරගන්නා ආකාරය එදිනෙදා ජීවිතයේ ප්‍රායෝගික උදාහරණ තුලින් පෙන්වා දීම.
එම ‘මම’ නිසා මිනිසුන් එදිනෙදා ජීවිතයේදී ඇති කරගන්නා ‘මම සිතන විධියටම දේවල් සිද්ධ වෙන්නට ඕනෑ’ සහ ‘මම මෙහෙම කෙනෙක්’ යන දැඩිව අල්වා ගන්නා හේතුව නිසා විවාහ සහකරුවන් තුල, සමාජය තුල, ආයතන තුල, වෛද්‍යවරුන් තුල, ප්‍රධානින් තුල, ගුරුවරුන් තුල, භික්ෂුන් වහන්සේලා තුල, භාවනා යෝගීන් තුල, දෙමාපියන් තුල, යනාදී බොහෝ දෙනා තුල ඇති වන මමත්වයේ ප්‍රබල තාවය මත සිදුවිය හැකි, මේ ජීවිතයේ සහ සංසාරයට බල පැවැත්විය හැකි, ඒ අයට නොතේරෙන දුබල කම් රැසක් හඳුනා ගන්නා ආකාරය පැහැදිලි කිරීම. එමෙන්ම ඒ නිසා විවාහ බිඳ වැටීම්, පුද්ගල සහ සමාජ සංවර්ධනයේ දුබලතා ඇතිවීම් සහ ආධ්‍යාත්මික ප්‍රවර්ධනයේ දුබලතා ඇති වෙන ආකාරය පැහැදිලි කිරීම.
එවැනි මමත්වය අඩු කරගත හැකි ආකාරයන් පෙන්වා දීම.

මෙම ධර්ම දේශනාවට පාදක වූයේ ධම්ම පදයේ බාල වග්ගයේ සඳහන් ගාථා රත්නයකි. එම ගාථාව සහ නිධාන කථාව මෙතැනින් කියවන්න.

ගෞරවනීය ආචාර්ය කුකුල්පනේ සුදස්සී ස්වාමින්වහන්සේ මෑතකදී සිදුකල මෙවැනි ධර්ම දේශනා ශ්‍රවණය කිරීමට පහත යොමු මත click කරන්න;

Share this with others as a gift of Dhamma!

අකුසල විපාක යටපත් කරන ක්‍රම – Saturday Dhamma Discussion – 70 (09-07-2022)

Posted on July 11, 2022 by Aruna Manathunge

මෙම වැඩසටහනේ නිවන් මග දියුණු කරන අයට බොහෝ ප්‍රයෝජනවත් කරුණු ඇතුලත් වේ. උදාහරණයක් ලෙස පැන අංක: 04 (මේ ආත්මයේදීම නිවන් ප්‍රර්ථනාවක් ඇතිකර ගැනීම), අංක 02, 05 සහ ධර්ම දේශනාව වන අංක 01 දැක්වීමට පුළුවන.

තෙරුවන් සරණයි!

සෙනසුරාදා ධර්ම සාකච්ඡාව – අංක: 70 (ලෝණඵල සූත්‍රය ඇසුරින්: අකුසල විපාක යටපත් කරන ක්‍රම) 09-07-2022

අකුසල විපාක යටපත් කරන ක්‍රම – Saturday Dhamma Discussion – 70 was conducted on 09 July 2022 by Most Ven. Kukulpane Sudassi Thero. Saturday Dhamma Discussion – 70 is audio edited to remove unwanted noises and pauses and is presented below as separate questions and answers to provide better listening.

“ප්‍රායෝගික ජීවිතයෙහි ධර්මය ප්‍රගුණ කරන ආකාරය” යන තේමාව මුල්කරගෙන අති පූජනීය කුකුල්පනේ සුදස්සී ස්වාමින්වහන්සේ විසින් සිදුකරන සෙනසුරාදා සජීවී ධර්ම සාකච්ඡා පෙලේ හැත්තෑවන ධර්ම දේශනාව සහ සාකච්ඡාව වර්ෂ 2022 ජූලි මස 09 වන දින සිදුකරන ලදී.

ගෞරවනීය ස්වාමින්වහන්සේ මෙවර සජීවී ධර්ම සාකච්ඡා වැඩසටහනේ දී අකුසල විපාක යටපත් කරන ක්‍රම පිලිබඳව ලෝණඵල සූත්‍රය පාදක කොට නව දේශනා සහ සාකච්ඡා මාලාවක් ආරම්භ කල සේක. එමෙන්ම මෙදින ධර්ම දේශනාව සහ සාකච්ඡාව, බුදුදහමේ කර්මය පිළිබඳව දක්වා ඇති මුලික සහ වැදගත් කරුණු මතු කල ඉතා ප්‍රයෝජනවත් සහ කාලීන දහම් වැඩ සටහනක් විය.

ත්‍රිපිටකයේ එම ලෝණඵල සූත්‍රය මෙතනින් කියවන්න: ලෝණඵල සූත්‍රය.

ලෝණඵල සූත්‍රයේදී කර්මය විපාක දෙන ආකාරය පිලිබඳව දේශනා කර ඇති මූලික පදනම පැහැදිලි කරන්න. *** (මෙහිදී කර්මය යනු ගෙවා නිමකළ හැකි ධර්මයක් නොවන බවත් කර්මය අභිබවා යන්නේ කෙසේද යන ආකාරයත් සහ බෞද්ධ සමාජයේ කර්මය පිළිබඳව ඇති මූලික වැරදි දෘෂ්ටි මනාව පැහැදිලි කෙරේ.)
අප විසින් අනෙක් අයගේ යහපත පිණිස දැනුවත්වම අපහසු අවස්ථාවල් වලට මුහුණ දීමේදී ඇතිවන පීඩාකාරී අත්දැකීම් පෙර අකුසල් නිසා ජනිත වෙන කර්මයන් වේද? *** (ඕනෑකමින් පිළිකුල් සහගත අරමුණක් ගැනීමේදී එය කුමක් සඳහා සිදුකරන්නක්ද යන්න සහ නිවන් ගමනේදී සුඛ විපාක වශයෙන් ලැබෙන දෙයින් පමණක් සිත දියුණු කල නොහැකි බවත් ඇතුළුව කුසලයක් සිදුකරනා ආකාරය මෙහිදී මානව පැහැදිලි කෙරේ.)
තාලපුට සූත්‍රය අනුව වැරදි කළා යන්න නිර්වචනය කරන්නේ කෙසේද සහ හොඳ ප්‍රතිපලයක් ඇතිකර වීමට චිත්‍රපටියක චරිතයක් රඟපෑ විට එයින් අකුසල් ජනිත වේද? *** (තාලපුට සූත්‍රය මෙතනින් ත්‍රිපිටකයෙන් කියවන්න.)
මේ ආත්මයේදීම නිවන් ප්‍රර්ථනා කර එය නොලැබුණ හොත් ඊළඟ ආත්මයේ එය විපාක දිය හැකිද? *** (මේ ආත්මයේදීම නිවන් ප්‍රර්ථනාවක් ඇතිකර ගැනීම පිළිබඳ ඉතා වටිනා පිළිතුරකි.)
කුසලයක් ඥාන සම්ප්‍රයුක්ත කරගන්නේ කෙසේද? *** (ත්‍රිහේතුක කුසලයක් සිදුකිරීමේදී එය කරන ආකාරය පිලිබඳ ඉතා වටිනා ප්‍රායෝගික උදාහරණ සහිත පිළිතුරකි.)
පංචශීලය රැකීමෙන් පෙර කල කර්ම වලින් ගැලවීමට හැකි වේද?
කරන ලද කුසල් අකුසල් අහෝසි වන්නේ නැති බව අසා ඇත. එය නිවැරදිද?
ඉෂ්ඨාරම්මන සහ අනිෂ්ඨාරම්මන ලෙස බාහිර වස්තූන් තිබේ නම් චක්කු විඥානය උපේක්ෂා සහගත වන්නේදැයි පැහැදිලි කරන්න.
ජීවිතය සිතුවිල්ලක් ලෙස සිතීම යහපත්ද සහ ජීවිතය අනිත්‍ය බව නිතර සිතීම සෝවාන් වීමට ප්‍රමාණවත්ද? ***
පාරමිතා අප විසින් කොතරම් දියුණු කර ඇතිදැයි අප දැනගන්නේ කෙසේද සහ බෝසත්වරු පාරමිතා පිරීමේදී තම බිරිඳ සහ දරුවන් අන් අයට දන් දීම නිවැරදි ක්‍රියාවක්ද? *** (රහත්වීමේදී අවශ්‍ය පාරමිතා දැනගනිමින්, මැනගනිමින් දියුණු කිරීම පිළිබඳව සහ බෝසත්වරුන්ගේ පාරමිතා පිරීම පිළිබඳව සමාජයේ ඇති වැරදි වැටහීමක් නිවැරදි කරමින් සහ බෝසත්වරුන් සමග ඉතා දිගු කාලයක් සමීපව එකට ගමන් කරන අයගේ පාරමිතා ආදිය පිළිබඳව පැහැදිලි කෙරෙන විරල ගනයේ පිළිතුරකි.)
මරණානුස්සතිය වඩනා ආකාරය පැහැදිලි කරන්න. [ගෞරවනීය ස්වාමින්වහන්සේ මෙහිදී සඳහන් කල පැරණි, ඉතා වටිනා ධර්ම දේශනා දෙකකට අන්තර්ජාල යොමුවන් මෙහි දැක වේ. 01. භද්‍ර මරණයක් සඳහා මරණානුස්සතිය (20-08-2021) එම වෙබ් පිටුවේ අංක: 08 ධර්ම දේශනාව බලන්න. 02. භද්‍ර මරණයක් සඳහා සිත සකසා ගැනීම. (26-02-2022)]
අවසානය.

සෙනසුරාදා සජීවී ධර්ම සාකච්ඡාව, සෑම සෙනසුරාදාම ශ්‍රී ලංකා වේලාවෙන් පස්වරු 7.00 ආරම්භ කෙරෙනු ඇත. එම වැඩසටහනට සම්බන්ධ වීමට පළමුව Zoom App එක ඔබගේ පරිගණ කයේ ස්ථාපිත කරගන්න. ඉන් පසු පහත Link එක Click කරන්න.
https://us02web.zoom.us/j/4457486152?pwd=VExxT3RyQndMQXBtdGROR2pJWnJvdz09
Meeting ID: 4457486152
Passcode: Dhamma.
මෙම (අකුසල විපාක යටපත් කරන ක්‍රම – ලෝණඵල සූත්‍රය) ධර්ම සාකච්චාවේ වීඩියෝව නැරඹීමට මෙතන click කරන්න.
පසුගිය සජීවී ධර්ම සාකච්චා වල වෙබ් යොමුවන් ඇති ප්‍රධාන පිටුවට පිවිසීමට මෙතන click කරන්න.
Dhamma Yathra දහම් සංසදයට එක්වීමට.

Share this with others as a gift of Dhamma!

ලෝණඵල සූත්‍රය – Lonaphala Sutta.

Posted on July 6, 2022 by Aruna Manathunge

ශ්‍රී ලංකාවේ බොහෝ දෙනා මේ දිනවල මානසික සහ කායික පීඩාකාරී ජීවිතයක් ගත කරති. බුදු දහම ගැන දැනුමක් ඇති අය මේ කාලයේ ‘නරක පෙර කර්ම’ රටක් ජාතියක්ව වශයෙන් සාමුහිකව විඳිමින් සිටින බව විශ්වාස කරති. එවන් කර්මයන් පවා අභිබවා යාමට ක්‍රමවේදයක් ලෝණඵල සූත්‍රය තුලින් බුදුරජාණන් වහන්සේ අපට දේශනා කර ඇත. ‍

එම ලෝණඵල සූත්‍රය පාදක කරගෙන මීළඟ සෙනසුරාදා සජීවී ධර්ම සාකච්ඡා පෙළ වර්ෂ 2022 ජූලි මස 09 දිනයේදී අති පූජනීය කුකුල්පනේ සුදස්සී ස්වාමින්වහන්සේ විසින් ආරම්භ කෙරෙනු ඇත.

එම ධර්ම සාකචිඡාවට සහභාගි වන ඔබ සැවොම පහත දැක්වෙන ධර්ම දේශනාව ශ්‍රවණය කර සහ ග්‍රන්ථය පරිශීලනය කර සම්බන්ධ වෙන්න. එම දැනුම පාදක කරගෙන ඔබගේ ජීවිතයට ප්‍රායෝගිකව ඇතිවන ප්‍රශ්න ගැටලු සාකචිඡාවට බදුන් කරන විට එය වඩාත් අර්ථවත් ධර්ම සාකචිඡාවක් වනු ඇත.

ලෝණඵල සූත්‍රය ත්‍රිපිටකයෙන් මෙතැනින් කියවන්න.

සෙනසුරාදා සජීවී ධර්ම සාකච්ඡාව, සෑම සෙනසුරාදාම ශ්‍රී ලංකා වේලාවෙන් පස්වරු 7.00 ආරම්භ කෙරෙනු ඇත. එම වැඩසටහනට සම්බන්ධ වීමට පළමුව Zoom App එක ඔබගේ පරිගණ කයේ ස්ථාපිත කරගන්න. ඉන් පසු පහත Link එක Click කරන්න.
https://us02web.zoom.us/j/4457486152?pwd=VExxT3RyQndMQXBtdGROR2pJWnJvdz09
Meeting ID: 4457486152
Passcode: Dhamma.

Share this with others as a gift of Dhamma!

රටේ පවතින වත්මන් තත්වය හමුවේ අප විසින් සිදු කළ යුතු දේ.

Posted on June 28, 2022 by Aruna Manathunge

Image by anuvat intarachune from Pixabay.

රටේ පවතින වත්මන් තත්වය හමුවේ අප විසින් සිදු කළ යුතු දේ පිලිබඳ අති පුජනීය කුකුල්පනේ සුදස්සී ස්වාමින්වහන්සේ විසින් සියස රූපවාහිනිය තුලින් සිදුකල මෙම ධර්ම දේශනාව ශ්‍රී ලාංකිකයන් හට ඉතාම කාලෝචිත වන්නේ;

පුද්ගලිකව සහ ජනතාවක් වශයෙන් අප අපදා අවස්ථාවන් වලදී හැඟීම් මත සහ ඇබ්බැහි මත ප්‍රතික්‍රියා කිරීම වෙනුවට සිහිය සහ නුවණ අවධි කරගන්නා ආකාරය.
අපදා අවස්ථාවන් (අපේක්ෂා නොකළ කරදරයක්) වලදී අපගේ මානසික හා කායික වීර්යත් සහ බලයත් පුබුදුවා ගැනීමේ හැකියාවේ ඇති වැදගත්කම.
මෙවන් ආපදා කාලයක දී එයින් නැගී සිටීමට අප විසින් සිදුකල යුතු පියවර පහක් ඇතුලත් ක්‍රමවේදය හඳුන්වා දීම.

යන කරුණු නිසාවෙනි.

Share this with others as a gift of Dhamma!

A Special Announcement & a Valuable Dhamma Talk

Posted on January 30, 2022 by Aruna Manathunge

A Felicitation Conference will be held on 05 February 2022 via Zoom. A group of world renowned speakers and a set of local speakers will be taking part in this event.
Learn more about the event, speakers and register here: https://www.nissarana.lk/felicitation-conference/
An audio about the event in Sinhala by Ven. Panadure Chandaratana Thero.

මහාසුඤ්ඤත සූත්‍රය.

Image by Bhikku Amitha from Pixabay

මහාසුඤ්ඤත සූත්‍රය පූජනීය පානදුරේ චන්දරතන ස්වාමින්වහන්සේ විසින් ඉරිදා සූත්‍ර දේශනා මාලාවේ දහතුන්වන වන සූත්‍රය ලෙස වර්ෂ 2021 ජනවාරි මස 30 වෙනි දින ආරම්භ කරන ලදී. අද දින ධර්ම දේශනාවේ ඇති විශේෂ වටිනාකමක් වනුයේ සක්මන් භාවනාව දියුණු වීමේ එක් එක් අවස්ථා මනා කොට පහදා දෙමින් එම අවස්ථා නිවන් මග දියුණුවීම සමග මනාකොට සසඳා තිබීම වේ.
එම මහාසුඤ්ඤත සූත්‍රය වෙබ් පිටුවට මෙතනින් පිවිසෙන්න.

Share this with others as a gift of Dhamma!

Anuruddha Sutta – අනුරුද්ධ සූත්‍රය 2013.

Posted on January 29, 2022 by Aruna Manathunge

Anuruddha Sutta – අනුරුද්ධ සූත්‍රය ඇසුරින් වර්ෂ 2013 දී සිදුකල දීර්ඝ දේශනා මාලාවට වටිනා නව දේශනා එකතුවක් සහිතව ශ්‍රවණය කරන්නන්ගේ පහසුව සඳහා අලුත් ආකාරයකට දේශනා ගොනු කිරීමක් සිදු කලා. විශේෂයෙන් වර්ථමානයේදී ලෝකය පුරා ඇතිවී ඇති ගැටුම් කාරී මානසික ස්වභාවයට ඉතාම වටිනා සහනයක් ලෙස සතිමත්බව තුලින් මෛත්‍රිය වර්ධනය කරන ආකාරය දේශනා අංක 19 සිට 22 දක්වා ඇතුලත් වේ. ඉදිරියේදී එම දේශනා පදනම් කරගෙන විශේෂ දහම් පුවත් කලාප කිහිපයක් ඉදිරිපත් කිරීමට බලාපොරොත්තු වෙමු.

එමෙන්ම ඉදිරියේදී මෙම වෙබ් පිටුවට ඇතුලත් කරන නව දේශනා ඇතුලත් වෙබ් පිටුවට පිවිසීමට මෙම වෙබ් යොමුව භාවිතා කරන්න: Anuruddha Sutta – අනුරුද්ධ සූත්‍රය 2013

එසේම අනුරුද්ධ සූත්‍රය ඇසුරු කොටගෙන අන්තර්ජාල zoom වැඩසටහනක් සෑම සෙනසුරාදා දිනවල ශ්‍රී ලංකා වේලාවෙන් හවස 7.00 සිට 9.00 දක්වා පැවැත්වේ. අද දින (29-01-2022) තේමාව වනුයේ ”කාර්යබහුල බව, උදාසීන බව සහ සැබෑ විවේකය” යන්නයි.

*Zoom ඔස්සේ සම්බන්ධ වීමට පහත Link එක Click කරන්න.
👇
https://us02web.zoom.us/j/4457486152?pwd=VExxT3RyQndMQXBtdGROR2pJWnJvdz09

Passcode: Dhamma

අති පූජනීය ආචාර්ය කුකුල්පනේ සුදස්සී ස්වාමින්වහන්සේ.

Anuruddha Sutta – අනුරුද්ධ සූත්‍රය 2013: අනුරුද්ධ සූත්‍රය මූලික කරගෙන වටිනා දීර්ඝ දේශනා මාලාවක් අති පූජනීය කුකුල්පනේ සුදස්සී ස්වාමින්වහන්සේ විසින් වර්ෂ 2013 දී සිදුකරන ලදී. නිවන් දැකීම සඳහා ගුණධර්ම පුහුණු කරන අය විසින් දියුණු කලයුතු මහා පුරුෂ විතර්ක පිළිබඳව අනුරුද්ධ සූත්‍රය ඇසුරින් මෙහිදී විස්තරාත්මකව පැහැදිලි කරන ලදී.

මෙම වටිනා සහ දීර්ඝ දේශනා මාලාවේ ඇතැම් දේශනා මේ වනවිට සොයාගැනීමට නොහැක. දැනට එම දේශනා මාලාවේ දේශනා 86 ක් අප වෙත ඇත. එම දේශනා ඉදිරියේදී සම්පුර්ණ වශයෙන් මෙහි පල කෙරෙනු ඇත. එමෙන්ම මේ සියලු දේශනා ශ්‍රාවකයින් හට වෙබ් අඩවියෙන් පහසුවෙන් බාගත කල හැක.

ත්‍රිපිටකයේ සූත්‍ර පිටකයේ, අඞ්‌ගුත්‌තර නිකායේ, අට්ඨක නිපාතයේ, ගහපති වර්ගයේ එන අනුරුද්‌ධ සූත්‍රය මෙතනින් කියවන්න: අනුරුද්‌ධ සූත්‍රය.

මතු සම්බන්ධයි….

Share this with others as a gift of Dhamma!

Maha-suññata Sutta – January 2022

Posted on January 19, 2022 by Aruna Manathunge

Maha-suññata Sutta was selected by Ven. Panadure Chandaratana Thero as the next Sutta for Sutta Teachings in English on 19 January 2022.

Maha-suññata Sutta provides many valuable lessons on practical issues surrounding the attempt to develop an internal meditative dwelling of emptiness, to maintain it, and to see it through to Awakening. Some of these issues include the need for seclusion as a conducive setting for the practice, types of conversation and thinking that are beneficial and harmful for the practice, the dangers of being distracted by visitors, and the proper attitude to have toward one’s teacher.

As this is a Post you would not be able to see future updates of this series on this page. However, you could reach the webpage of Maha-suññata Sutta – January 2022 by clicking here: Maha-suññata Sutta – January 2022.