Announcements

The latest Dhamma updates of Damsara are given in Announcements. Please click on the links to reach the respective web pages at Damsara.

An update to වත්ථුපම සූත්‍රය – Vatthupama Sutta (ඉරු දින ධර්ම දේශනාව) 27-11-2022.  Uploaded on 27 November 2022.

සෙනසුරාදා ධර්ම සාකච්ඡාව – අංක: 87 (විනෝදනා පහාතබ්බා – සබ්බාසව සූත්‍රය 07) 26-11-2022. Uploaded on 27 November 2022: මෙවර ධර්ම දේශනාවේ දී සබ්බාසව සූත්‍රයේ දැක්වෙන විනෝදනා පහාතබ්බා යන්න කුමක්දැයි පැහැදිලි කරන ලදී. මෙහිදී දෝෂ දැකීම් සහිතව වීර්යයෙන් පහ කල යුතු ආශ්‍රවයන් පිළිබඳව පැහැදිලි කෙරේ. උපදිනා කාම විතර්ක, ව්‍යාපාද විතර්ක සහ විහිංසා විතර්ක නුවනින් සලකා දුරු කිරීම සහ නැවත නුපදින තත්වයට පත් කිරීමට කටයුතු කිරීම මෙහිදී දැක්වේ. එමෙන්ම මෙදින ධර්ම දේශනාවට සම්බන්ධ වටිනා ප්‍රායෝගික පැන බොහොමයක් ද ධර්ම සාකච්ඡාවේ දී ඉදිරිපත් කෙරිණි.  එසේම මෙවර වෙබ් පිටුවේ අසන්නන් ධර්ම සාකච්ඡාවේ දී විමසූ බොහෝ අමතර කරුණු ඇතුලත් කර තිබේ.

සප්ත බොජ්ඣංග ධර්ම. (24-11-2022) Uploaded on 25 November 2022: සප්ත බොජ්ඣංග ධර්ම පිළිබඳව අති පූජනීය කුකුල්පනේ සුදස්සී ස්වාමින්වහන්සේ විසින් සියැස රූපවාහිනිය තුලින් සිදුකල මෙම ධර්ම දේශනාව, බොජ්ඣංග ධර්ම පිලිබඳව මෑත කාලයේදී සිදුකල විශිෂ්ඨතම ධර්ම දේශනාවක් වන්නේ පහත සඳහන් හේතුන් නිසාවෙනි. 01. දේශකයාණන් වහන්සේ බොජ්ඣංග ධර්ම මොනවාද සහ එම ධර්ම වලට බොජ්ඣංග කියා කියන්නේ කුමන හේතුවක් නිසාවෙන් දැයි පැහැදිලි කිරීම පළමු බොජ්ඣංග ධර්මය වන සති සම්බොජ්ඣංගයෙන් ආරම්භ කරති. වර්තමාන සමාජයේ සතිය පිළිබඳව ඇති ජනප්‍රිය අර්ථ දැක්වීම් විග්‍රහ කරමින් සහ සතිමත් බව පුහුණු කරනා ක්‍රම වේදයන් තුලින් අනායාස සතිමත් බවක් ඇති කරගන්නේ කෙසේදැයි ඉතා අපූර්ව උදාහරණයක් ඇසුරු කරගනිමින් පැහැදිලි කෙරේ. එමෙන්ම බුදුදහමේ දක්වන සතිය කුසල චෛතසිකයක් වන්නේ මන්ද සහ සති චෛතසිකය අකුසලයෙන් තොර වීමේ වැදගත්කම දහම් මග වැඩීමට අත්‍යවශ්‍ය වෙන ආකාරය මෙහිදී පැහැදිලි කෙරේ. 02. දෙවනුව, නිවන් ලබා ගැනීම සඳහා එනම් බොජ්ඣංග ධර්මයක් වීම සඳහා එම අනායාස සතිමත් බව තව දුරටත් දියුණු කල යුත්තේ කෙසේදැයි යන්න දේශකයාණන් වහන්සේ පැහැදිලි කරන්නේ විවේක නිස්සිත, විරාග නිස්සිත, නිරෝධ නිස්සිත වොස්සග්ග පරිණාම නිස්සිතව එම සතිය දියුණු කරන ආකාරය පැහැදිලි කිරීම තුලින් වේ. 03. එම ආකාරයන් හතර පදනම් කර ගනිමින් අවශේෂ බොජ්ඣංග ධර්මයන් වන ධම්මවිචය, වීරිය, ප්‍රීති, පස්සද්ධි, සමාධි, උපෙක්ඛා සම්බොජ්ඣංගයන් මනා කොට විස්තර කෙරේ.

වත්ථුපම සූත්‍රය – Vatthupama Sutta (ඉරුදින ධර්ම දේශනාව – පූජනීය පානදුරේ චන්දරතන ස්වාමින්වහන්සේ) Uploaded on 22 November 2022.

සුගත පද විවරණ – (ධර්ම විනිශ්චය 09 – දුගියන්ට දන් දීම.) 20-11-2022. Uploaded on 21 November 2022: “අප දිය යුත්තේ කා හට ද” යන්න ඇසුරු කොට ඉදිරිපත් කෙරෙන මෙවර සුගත පද විවරණ වැඩ සටහන, අප බාල මහළු සියළු බෞද්ධයන් විසින් ශ්‍රවණය කලයුතු වන්නේ ඒ තුලින් බුදු දහමේ ඇති ගැඹුරු අර්ථයන්, සරළ සුගම සහ ප්‍රයෝගික එකතුවක් ලෙස අපට ඉදිරිපත් කෙරෙන නිසා වෙනි.  දුගියන් හට දැන් දීම සහ දහම් මග දියුණු කිරීම පිලිබඳ සමාජීය දැක්ම සහ බුදු දහමේ පැහැදිලි කිරීම, හේතුඵල දැක්ම ආකාර පහක් තුලින් සමබරව ලෝකය දෙස බැලීමට යොදා ගන්නා ආකාරය, ආකාර තුනක් ඇසුරු කොට ගනිමින් බුද්ධ පූජා තුලින් තමන්ගේ ගුණයන් අවධි කර ගන්නා ආකාරය, බුද්ධ පූජාවක් අවසන් කල පසු ඒවා පරිහරණය කල යුතු ආකාරයන් යනාදී ඉතා වටිනා කරුණු බොහොමයක් මෙහිදී පැහැදිලි කෙරේ. 

Vatthupama Sutta – Sutta Teachings in English – 16-11-2022.  Uploaded on 18 November 2022: Vatthupama Sutta was selected by Ven. Panadure Chandaratana Thero of Mitirigala Nissarana Vanaya Forest Monastery as the next Sutta for Sutta Teachings in English on 16 November 2022.

සුගත පද විවරණ – (ධර්ම විනිශ්චය 08 – ප්‍රඥාවන්ත වන්දනාව)13-11-2022. Uploaded on 17 November 2022: මෙවර සුගත පද විවරණ වැඩසටහනේ දී බුද්ධ පූජාවන් සහ බුද්ධ වන්දනාවන් ප්‍රඥාවන්තව කිරීම සහ නොකිරීම යන හේතුවෙන් දහම් මග දියුණු වීම හෝ වැඩෙන දහම් මග දුබල වීම සිදු වෙන ආකාරය පැහැදිලි කෙරේ. විශේෂයෙන් මල් පූජාවක් කමටහනක් වෙන ආකාරයෙන් කිරීම සහ පහන් පුජාවන් ගුණ නුවන දියුණු වෙන ආකාරයෙන් සිදු කරනා ආකාරය විචිත්‍ර සහ නුවණැති ලෙස මෙහිදී පැහැදිලි කෙරේ.

උපක්කිලේස සූත්‍රය – Upakkilesa Sutta, Sunday Dhamma Sermon in Sinhala completed.  Final upload on 14 November 2022.

Upakkilesa Sutta, (the Sutta Teaching in English) conducted by Ven. Panadure Chandaratana Thero completed. Final upload on 09 November 2022.

සුගත පද විවරණ – (ධර්ම විනිශ්චය 07 – බුද්ධ පූජාවේ කුසලය) 06-11-2022. Uploaded on 07 November 2022: මෙවර සුගත පද විවරණ වැඩසටහනේ දහම් මග දියුණු කිරීමට ඉතා වටිනා ප්‍රායෝගික වටිනාකමක් ඇති කරුණු බොහොමයක් ඇතුලත් වේ. මෙහිදී බුද්ධ පූජාවේ කුසලය පිළිබඳව කරුණු පැහැදිලි කරමින් ඒ පිළිබඳව වර්තමාන සමාජයේ ඇති වැරදි අවබෝධයන් මොනවා දැයි පහත දැක්වෙන මුලික කරුණු අනුව පැහැදිලි කරන ලදී. 01. චේතනාවෙන් පමණක් කුසලයක් ඇතිවේ ද?
02. කුසලයේ ඇති ප්‍රතිසන්ධි විපාකය සහ ප්‍රවෘත්ති විපාකයන් බුද්ධ පූජාවේ දී ක්‍රියාත්මක වෙන ආකාරය. 03. ජීවී ප්‍රතිග්‍රාහකයකුට කරන පූජාවකින් පසු අපර සිත සකසා ගැනීමට පූජාවන් අර්ථ සම්පන්නව කිරීමේ වැදගත් කම (විමසා බලා දැන් දීමේ වැදගත් කම). 04. කුසල චේතනාව යනු කුමක් ද? 05. චාරිත්‍ර සහ වාරිත්‍ර ශීලය වශයෙන් ශීලය පූර්ණව දියුණු කිරීම වැදගත් වන්නේ කුමන හේතු නිසා ද? 06. ”අපි හොඳට හිටියොත් ඇති” යන ජීවන පැවැත්ම ධර්මානු ධර්ම ප්‍රතිපදාව අනුව නිවැරදි ද?

Updates to උපක්කිලේස සූත්‍රය – Upakkilesa Sutta, Sunday Dhamma Sermon in Sinhala.  Uploaded on 06 November 2022. අද දින ධර්ම දේශනාව සහ ධර්ම සාකච්ඡාවේ භාවනා යෝගීන් හට ඉතා වටිනා ප්‍රායෝගික කරුණු ඇතුලත් වේ.

දම්සර Dhamma Newsletter No.143 (මෛත්‍රිය,කරුණාව සහ මුදිතාවේ අවශ්‍යතාවය) E Mailed on 06 November 2022.

Updates to Brief Dhamma Clips in Sinhala. Uploaded on 06 November 2022.

Updates to Upakkilesa Sutta (Sutta Teachings in English).  Uploaded on 02 November 2022.

Donations to Damsara – October 2022. Uploaded on 01 November 2022.

සුගත පද විවරණ – (ධර්ම විනිශ්චය 06 – ශාරීරික චෛත්‍ය) 30-10-2022. Uploaded on 31 October 2022: මෙවර සුගත පද විවරණ වැඩසටහන බුදුරජාණන් වහන්සේගේ ශාරීරික චෛත්‍ය වන්දනාව පිළිබඳව සිදු කෙරිණි. මෙදින වැඩසටහනේ දී පහත සඳහන් මූලික කරුණු පැහැදිලි කෙරිණි.
01. සර්වඥ ධාතුන් වහන්සේලා විසින් ප්‍රාතිහාර්ය සිදු කෙරේ ද? 02. සර්වඥ ධාතුන් වහන්සේලා නිසා ප්‍රාතිහාර්යන් සිදු වෙන ආකාර තුන. 03. සර්වඥ ධාතුන් වහන්සේලා සම්බන්ධයෙන් දෙවියන්ගේ මැදිහත් වීම. 04. සර්වඥ ධාතුන් වහන්සේලා නිසා ඇතිවිය හැකි පාරිසරික වෙනස්කම්. 05. සර්වඥ ධාතුන් වහන්සේලා හඳුනා ගන්නේ කෙසේ ද?

උපක්කිලේස සූත්‍රය – Upakkilesa Sutta (ඉරු දින ධර්ම දේශනාව) 30-10-2022. Uploaded on 30 October 2022: පූජනීය පානදුරේ චන්දරතන ස්වාමින් වහන්සේ සමාධිය පිලිබඳ සිදුකරන දේශනා මාලාවේ තෙවන සූත්‍රය ලෙස සමාධිභාවනා සූත්‍රයට පසුව මෙම සූත්‍ර දේශනාව ආරම්භ කරන ලදී.  මෙම සූත්‍රයේදී දිව්‍ය චක්‍ෂුසය ලබාගෙන එය තහවුරු කර ගැනීමට බාධා වෙන උපක්ලේශ පිළිබඳව වටිනා විස්තරයක් ඇතුලත් වේ.  එමෙන්ම මෙය ඒ කාලයේ බුදු රජාණන් වහන්සේට වත් නොනැමුණු කලහකාරී සංඝ පිරිස් මෙන්ම එකිනෙකා සමග ඉතා සමගි සම්පන්නව ජීවත්වූ සංඝ පිරිස් පිළිබඳව වටිනා චර්යාත්මක වෙනස්කම්, සංසන්දනාත්මකව හෙළි දැක්වෙන වටිනා සුත්‍රයකි.

සබ්බාසව සූත්‍රය 05 – Saturday Dhamma Discussion – 85 (29-10-2022).  Uploaded on 30 October 2022: මෙවර ධර්ම දේශනාවේදී සබ්බාසව සූත්‍රයේ දැක්වෙන පටිසේවනා පහාතබ්බා යන්න කුමක්දැයි පැහැදිළි කරන ලදී. ප්‍රත්‍යවේක්ෂාවෙන් නැතහොත් නුවණින් මෙනෙහි කොට පරිහරණය කිරීම් වශයෙන් දුරුකළ යුතු කෙලෙස් මෙහිදී පෙන්වා දී ඇත. භික්ෂුන් සම්බන්ධයෙන් නම් සිව් පසයත් ගිහියන් සම්බන්ධයෙන් ඇඳුම්, ආහාර, නිවාස සහ සෞඛ්‍ය යන අවශ්‍යතා තුලින්, ඇති ආශ්‍රවයන් වැඩි දියුණු වීමත් සහ නැති ආශ්‍රවයන් වැඩීමත් සිදුවෙන ආකාරය ධර්ම දේශනාව සහ ධර්ම සාකච්ඡාව තුලින් මනා කොට හෙළි දැක්විණි.

Dhamma News Letter – 142. Mailed on 29 October 2022.

Updates to Brief Dhamma Clips in English. Uploaded on 29 October 2022.

Upakkilesa Sutta – October 2022 (New Sutta Teaching series in English) Uploaded on 26 October 2022: Ven. Panadure Chandaratana Thero started a series on Samadhi and Jhanas. This is the third Sutta Teaching on Samadhi. This Sutta highlights the development of concentration that, when developed & pursued, leads to the attainment of knowledge & vision. (The perception of light or at the higher level, the Devine Eye – the psychic power of clairvoyance and the knowledge of the working of karma and rebirth)

දම්සර දහම් පුවත් අංක: 141 (බුදු දහම පැහැදිලි කරගත යුත්තේ කවර පදනමක මත සිට ද?) Uploaded on 26 October 2022.

සුගත පද විවරණ – (ධර්ම විනිශ්චය 05 – ප්‍රර්ථනා) 23-10-2022. Uploaded on 25 October 2022: මෙවර සුගත පද විවරණ වැඩසටහන විශේෂ ප්‍රායෝගික වැදගත් කමකින් යුතු වන නිසාවෙන් එයින් උපුටා ගන්නා ලද කෙටි දහම් ඛණ්ඩයන් දෙකක් ද වෙබ් පිටුවේ ඇතුලත් කර ඇත.

An update to Brief Dhamma Clips in Sinhala. Uploaded on 25 October 2022.

සංවරා පහා තබ්බා – Saturday Dhamma Discussion – 84 (22-10-2022). Uploaded on 23 October 2022: මෙවර ධර්ම දේශනාවේදී සබ්බාසව සූත්‍රයේ දැක්වෙන සංවරා පහා තබ්බා යන්න කුමක්දැයි පැහැදිළි කරන ලදී.  සංස්කාර වල ඇති ඉන්ද්‍රිය පිනවන ගතිය නිසා ඇතිවන ඉන්ද්‍රියන්ගේ පිනවීමට ඇතිවෙන අවශ්‍යතාවය ඇතිවෙන ආකාරය සහ ක්ලේෂ කාම (සංකල්පීය කාමය), වස්තු කාම (භෞතික වශයෙන් විඳීමේ කැමැත්ත) අන්‍යොන්‍යව ක්‍රියාත්මක වෙන ආකාරයන් මනාකොට විස්තර කරන ලදී.  එමෙන්ම බුදුදහමේ සති සංවරය කුමක්ද සහ ඒ තුලින් සංවරා පහා තබ්බා ඇති කරගන්නා ආකාරය මනාව සහ ක්‍රමිකව පැහැදිලි කරන ලදී.  එමෙන්ම අද දින දේශනාවට අනුගතව වටිනා දහම් පැන ධර්ම සාකච්ඡාව තුලින් ද මතු කෙරිණි.

දම්සර Dhamma Newsletter – No. 140 (ධ්‍යාන සමාධිය සහ දිව්‍ය චක්‍ෂුසය ලැබෙන සමාධි භාවනාව) Uploaded on 19 October 2022: මෙවර දම්සර දහම් පුවත් තුලින් සමාධිය පිළිබඳව ඉතා වටිනා සහ විරල කරුණු විස්තර කෙරේ. මේ ආත්මයේ සැපය පිණිස පවතින සමාධි භාවනාව සහ දිව්‍ය චක්‍ෂුසය ලැබෙන සමාධි භාවනාව එහිදී විස්තර කෙරෙන්නේ යෝගාවචරයන්ගේ භාවනා අත්දැකීම් ද සහිතව වේ.

New updates to Brief Dhamma Clips in Sinhala. Uploaded on 19 October 2022.

සෙනසුරාදා ධර්ම සාකච්ඡාව – අංක: 83 (දහසය ආකාර විචිකිච්ඡාව – සබ්බාසව සූත්‍රය 03) 15-10-2022. Uploaded on 16 October 2022:  මෙවර ධර්ම දේශනාවේ දී සෝවාන් මගින් ප්‍රහාණය කෙරෙන දහසය ආකාර විචිකිච්ඡාව, ආත්ම දෘෂ්ටිය ඇතිවෙන හය ආකාරය, මෙනෙහි කලයුතු ධර්ම පිළිබඳව දේශනා කරමින් සහ සෝවාන් මාර්ග ඥානයේ දී පහවන සංයෝජන විස්තර කරමින් ‘දස්සනා පහාතබ්බා’ කොටස නිම කරන ලදී. එමෙන්ම ධර්ම සාකච්ඡාවේ දී මෙදින මාතෘකාවට සම්බන්ධ වැදගත් ප්‍රායෝගික ප්‍රශ්න මතු කරන ලදී.

සමාධිභාවනා සූත්‍රය – Samadhibhavana Sutta (ඉරුදින ධර්ම දේශනාව) අවසන් විනි. Final Upload on 12 October 2022.

එදිනෙදා ජීවිතයේ මමත්වය අඩු කරගත හැකි ආකාරය. (09-10-2022). Uploaded on 11 October 2022: එදිනෙදා ජීවිතයේ මමත්වය අඩු කරගත හැකි ආකාරය පිළිබඳව අති පූජනීය කුකුල්පනේ සුදස්සී ස්වාමින්වහන්සේ විසින් සියැස රූපවාහිනිය තුලින් සිදුකල මෙම වටිනා ධර්ම දේශනාව පහත සඳහන් කරුණු නිසා ගිහි පැවිදි සෑම දෙනාටම ඉතාම වැදගත් වේ.  01. අප සංකල්පීය වශයෙන් ගොඩනගා ගන්නා මමත්වය දැඩිව උපාදාන කර ගැනීම නිසාම අප ‘මම’ මෙහෙම කෙනෙක් යැයි අර්ථ නිරූපණය කර ගනිමින් ඒ තුලින් ගැටීම්, චිත්ත වේදනා සහ ඇලීම් ඇති කරගන්නා ආකාරය එදිනෙදා ජීවිතයේ ප්‍රායෝගික උදාහරණ තුලින් පෙන්වා දීම. 02. එම ‘මම’ නිසා මිනිසුන් එදිනෙදා ජීවිතයේදී ඇති කරගන්නා ‘මම සිතන විධියටම දේවල් සිද්ධ වෙන්නට ඕනෑ’ සහ ‘මම මෙහෙම කෙනෙක්’ යන දැඩිව අල්වා ගන්නා හේතුව නිසා විවාහ සහකරුවන් තුල, සමාජය තුල, ආයතන තුල, වෛද්‍යවරුන් තුල, ප්‍රධානින් තුල, ගුරුවරුන් තුල, භික්ෂුන් වහන්සේලා තුල, භාවනා යෝගීන් තුල, දෙමාපියන් තුල, යනාදී බොහෝ දෙනා තුල ඇති වන මමත්වයේ ප්‍රබල තාවය මත සිදුවිය හැකි, මේ ජීවිතයේ සහ සංසාරයට බල පැවැත්විය හැකි, ඒ අයට නොතේරෙන දුබල කම් රැසක් හඳුනා ගන්නා ආකාරය පැහැදිලි කිරීම. එමෙන්ම ඒ නිසා විවාහ බිඳ වැටීම්, පුද්ගල සහ සමාජ සංවර්ධනයේ දුබලතා ඇතිවීම් සහ ආධ්‍යාත්මික ප්‍රවර්ධනයේ දුබලතා ඇති වෙන ආකාරය පැහැදිලි කිරීම. 03. එවැනි මමත්වය අඩු කරගත හැකි ආකාරයන් පෙන්වා දීම.

සුගත පද විවරණ – ධර්ම විනිශ්චය 04 (විශාල වටිනාකමක් ඇති පූජා.) 09–10-2022. Uploaded on 10 October 2022: ගෞරවනීය ස්වාමින්වහන්සේ මෙම වැඩ සටහනේ දී ඥාන සම්ප්‍රයුක්තව ආමිසයෙන් ප්‍රතිපත්තියට අප ගමන් කිරීමේදී විශේෂයෙන් දැනගත යුතු, වර්තමාන සමාජයේ කතාබහට යොමුවී ඇති කරුණු රැසක් මතුකළ සේක. 

සෙනසුරාදා ධර්ම සාකච්ඡාව – අංක: 82 (දස්සනා පහාතබ්බා – සබ්බාසව සූත්‍රය 02) 08-10-2022 Uploaded on 09 October 2022: මෙම ධර්ම දේශනාවේ දී සෝවාන් මගින් ප්‍රහාණය කෙරෙන ආශ්‍රව ධර්මයන් මොනවාද සහ එම ආශ්‍රවයන් ප්‍රහාණය කරන්නේ කෙසේ ද යන්න දේශනා කරන ලදී. එමෙන්ම නුවණින් දකිනවා යන්න කුමක් දැයි යෝනිසෝමනසිකාරය සහ මෙනෙහි කලයුතු සහ නොකළ යුතු ධර්ම ඇසුරින් එහි දී මැනවින් පැහැදිලි කරන ලදී. එමෙන්ම ධර්ම සාකච්ඡාවේ ඇතැම් ප්‍රශ්න තුලින් මෙම මූලික මාතෘකාව වඩාත් ගැඹුරකට පිවිසීමට හේතු විනි.

සුගත පද විවරණ – ධර්ම විනිශ්චය 03 (බුදු දහම් මගට වන්දනාව නිවැරදිව ගැලපීම.) 02-10-2022 Uploaded on 03 October 2022: අති පූජනීය කුකුල්පනේ සුදස්සී ස්වාමින්වහන්සේ මෙම තෙවන ධර්ම විනිශ්චය වැඩ සටහනේ දී බුදු දහම් මගට වන්දනාව නිවැරදිව ගලපා ගන්න ආකාරය විශිෂ්ට ආකාරයෙන් පැහැදිලි කරන සේක. එය විශේෂ සහ විශිෂ්ට වන්නේ පහත සඳහන් කරුණු ගොනු කෙරෙනා ආකාරය මත වේ. 01. බුදු දහමේ චිර පැවැත්ම සඳහා දක්වා ඇති නිර්නායකයන් මොනවාද සහ ඒවා සරල බවකින් සහ ගැඹුරකින් යුතුවත් පැහැදිලි කිරීම. 02. එමෙන්ම වතාවත් සහ වන්දනා තුල පමණක් සිට ප්‍රඥාව උපදවා දුක ප්‍රහාණය කල නොහැකි බව. 03. දහම කැඩපතක් ආකාරයට යොදාගැනීමේ අවශ්‍යතාවය. 04. ත්‍රිවිධ චෛත්‍යයන් දහමට අනුගතව වන්දනා කිරීම, නැණස කුළු ගන්වන ප්‍රායෝගික උදාහරණ රැසක් සමගින් පැහැදිලි කිරීම. 05. වතාවත් සහ වන්දනා, ශ්‍රද්ධාව සහ ප්‍රඥාව වර්ධනය කරමින් සංසාර ගත විශේෂ පැතුම් වලට සම්බන්ධ විය හැකි ආකාරයන් පැහැදිලි කිරීම.

සමාධිභාවනා සූත්රය – Samadhibhavana Sutta. Uploaded on 02 October 2022: මීතිරිගල නිස්සරණ වණසේනාසන වාසී පූජනීය පානදුරේ චන්දරතන ස්වාමින්වහන්සේ විසින් අද දින (02-10-2022) මෙහෙය වන ධර්ම දේශනාවේදී සහ ධර්ම සාකච්ඡාවේදී සමථ ධ්යාන දිව්ය චක්ෂුස ලැබීම පිණිස සහ සමාධිය සතිසම්පජඤ්ඤය වැඩීමට පුහුණු කරන ආකාරය පිළිබඳව වටිනා ප්රායෝගික කරුණු හෙළිදරවු කෙරිණි.

ආශ්‍රව ධර්ම සංවරය – Saturday Dhamma Discussion – No. 81 (01-10-2022) Uploaded on 02 October 2022: අති පූජනීය කුකුල්පනේ සුදස්සී ස්වාමින්වහන්සේ මෙවර සබ්බාසව සූත්‍රය පාදක ⁣කර ගෙන නව දේශනා වාරයක්  “කෙලෙස් දුරු කරන විවිධ උපාය මාර්ග” යන මාතෘකාව ඔස්සේ ආරම්භ කල සේක.  අද දින ධර්ම දේශනාවේදී ආශ්‍රව ධර්ම සහ ආශ්‍රව ධර්ම සංවරය යන්න කුමක්දැයි පැහැදිලි කරන ලදී.

Monthly Donations to Damsara – for September 2022. Uploaded on 01 October 2022.

අකුසල සමාපත්තියෙන් කුසල සමාපත්තියට. (11-09-2022). Uploaded on 30 September 2022: මෙම වටිනා ධර්ම දේශනාව වැදගත් වන්නේ; 01. අකුසල සමාපත්තිය සහ කුසල සමාපත්තිය යනු කවරේද යන්න පැහැදිලි කිරීම. 02. කුසල සහ අකුසල ජනිත වීමට බලපාන මූලික මනෝභාවයන් මොනවාදැයි පැහැදිලි කිරීම. 03. කුසල සමාපත්තියට අප එළඹ සිටීමට ප්‍රගුණ කල යුතු ශ්‍රද්ධා, හිරි, ඔතප්ප, වීර්ය සහ ප්‍රඥාව කුමක්ද (සේඛ බල) යන්න පහදා දීම.  04. ආකාරවතී ශ්‍රද්ධාව කුමක්දැයි පහදා දීම. 05. අපගේ මනසේ අශ්‍රද්ධාව සහ සැකය ඇතිවෙන ප්‍රායෝගික අවස්ථා පැහැදිලි කිරීම. 06. බුදු දහමේ ලැජ්ජාව සහ භය යන්න කුමක්දැයි ප්‍රායෝගික උදාහරණ තුලින් පැහැදිලි කිරීම. 07. දරුවන් සහ කිට්ටු ඥාතීන් නිසා අකුසලයට පත්වන සිත එයින් මුදවා ගන්නා ආකාරය සහ දරුවන් හැදිය වැඩිය යුතු නිවැරදි ආකාරය ඇතුළු කාලීන වටිනා කමක් ඇති තවත් දහම් කරුණු රැසක් ඇතුලත් නිසාවෙනි.

An update to Samadhi Bhavana Sutta (Sutta Teachings in English) Uploaded on 29 September 2022

සමාධිභාවනා සූත්‍රය – Samadhibhavana Sutta (ඉරු දින ධර්ම දේශනා) Uploaded on 25 September 2022: පූජනීය පානදුරේ චන්දරතන ස්වාමින් වහන්සේ සමාධිය පිලිබඳ සිදුකරන දේශනා මාලාවේ දෙවන සූත්‍රය ලෙස උද්දේසවිභඞ්ග සූත්‍රයට පසුව මෙම සූත්‍ර දේශනාව ආරම්භ කරන ලදී. එම පළමු සූත්‍ර දේශනාවට මන ලෙස ගැලපෙන අයුරින් මෙම සමාධිභාවනා සූත්‍ර දේශනා මාලාව ඉදිරිපත් කෙරේ. මෙහි ආරම්භක ධර්ම දේශනාවේ සහ ධර්ම සාකච්ඡාවේ සමථ ධ්‍යාන වැඩීම පිළිබඳව වටිනා ප්‍රායෝගික කරුණු අඩංගු වේ.

අකුසල විපාකය ජීවිතයට පොහොරක් කරගැනීම – Saturday Dhamma Discussion – 80 (24-09-2022) Uploaded on 25 September 2022: මෙවර ධර්ම දේශනාවේ දී අකුසල විපාකයන් යටපත් කල නොහැකි විට ඒවා ජීවිතයට පොහොරක් කරගන්නා ආකාරය පැහැදිලි කල සේක. මෙම ක්‍රමය මනස පුහුණු කිරීමේ වැඩපිළිවලක් වේ. එය නොයෙක් මට්ටම් වලින් සිදුකල හැකි බව ධර්ම දේශනාවේ දී සහ ධර්ම සාකච්ඡාවේ දී පැහැදිලි කෙරිණි. ලෝණඵල සූත්‍රය ඇසුරින් සිදුකල වැඩසටහන් මාලාව මෙයින් නිම වේ.

Samadhi Bhavana Sutta (Sutta Teachings in English) Uploaded on 22 September 2022: Samadhi Bhavana Sutta was selected by Ven. Panadure Chandaratana Thero of Mitirigala Nissarana Vanaya Forest Monastery as the next Sutta for Sutta Teachings in English on 21 September 2022. Samadhi Bhavana Sutta is an excellent Sutta on Samadhi as explained by the Supreme Buddha. Four benefits of Samadhi are explained in this Sutta.

Ven. Kukulpane Sudassi Thero – සුගත පද විවරණ Ep: 25 – ධර්ම විනිශ්චය 01 (හැඳින්වීම සහ බුදු පිළිම වන්දනාව.) Uploaded on 19 September 2022: අති පූජ්‍ය රේනුකානේ චන්දවිමල මහා නායක ස්වාමීන් වහන්සේ විිසින් රචිත “ධර්ම විනිශ්චය” ග්‍රන්ථය ඇසුරු කරගනිමින් සුගත පද විවරණ දහම් මාලාවේ නව පරිච්චේදයක් වර්ෂ 2022 සැප්තැම්බර් මස 18 ඉරු දින ආරම්භ කෙරිණි. බුදු දහම පැහැදිලි කරගත යුත්තේ කවර පදනමක මත සිටද යන මූලික සංකල්ප සහ අත්‍යවශ්‍ය කරුණු මෙම ග්‍රන්ථයේ පැහැදිලි කෙරේ. බුදු දහම පිළිබඳව නොයෙකුත් විකෘති මතවාදයන් පැතිරෙන මෙවන් කාලයක සිදු කෙරෙන මෙම නව සුගත පද විවරණ දහම් මාලාව බෙහෙවින් කාලීන වැදගත් කමකින් යුතු වේ. මෙම ආරම්භක වැඩසටහනේදී ධර්ම විනිශ්චය ග්‍රන්ථය පිලිබඳ හැඳින්වීමක් සහ බුදු පිළිම වන්දනාව පිලිබඳ ඉතා වටිනා සහ කාලීන විග්‍රහයක් ඉදිරිපත් කෙරේ.

උද්දේසවිභඞ්ග සූත්‍රය – Uddesa Vibhanga Sutta (ඉරුදින ධර්ම දේශනාව සහ සාකච්ඡා) Completed. Final upload on 19 September 2022.

Uddesa-vibhanga Sutta (Sutta Teachings in English) completed. Final upload on 16 September 2022.

සියලු බුදුරජාණන් වහන්සේලාගේ බුද්ධශාසනය. (10-09-2022) Uploaded on 16 September 2022: සියලු බුදුරජාණන් වහන්සේලාගේ බුද්ධශාසනය පිළිබඳව අති පූජනීය කුකුල්පනේ සුදස්සී ස්වාමින්වහන්සේ විසින් සිදුකල මෙම ගම්භීර, ප්‍රබල සහ ඉතා වටිනා ධර්ම දේශනාව බණ්ඩාරවෙල, ශ්‍රී සංඝරාජ පිරිවෙන් විහාරස්ථානයේ දී පසුගිය පොහෝ දිනයේ දී සිදු කරන ලදී. සම්බුද්ධ ශාසනය සුරක්‍ෂිත කිරීමේ ගිහි පැවිදි කාර්ය භාරය කුමක්ද යන්න කුමක්දැයි පැහැදිලි කරමින් සිදුකල එම දේශනය සියළු බුදුරජාණන් වහන්සේලාගේ දේශනාව පාදක කර ගනිමින් ආරම්භ කෙරිණි. පර්යාප්ති, ප්‍රතිපත්ති සහ ප්‍රතිවේධ ශාසනය එකිනෙකට බැඳි ඇති ආකාරය මනාවට පැහැදිලි කිරීම වර්තමාන බෞද්ධයා හට ඉතාම වැදගත් වේ. ඒ පිළිබඳව වර්තමාන බෞද්ධ භාවනා ලෝකයේ පවා වැරදි වැටහීම් ඇති බව මෙහිදී මනා ලෙස පැහැදිලි කෙරිණි. එමෙන්ම එම ත්‍රිවිධ ශාසනයම රැකීම ශාසනයේ චිරස්ථිතිය බව මෙහිදී පැහැදිලි කෙරිණි. එසේම එම සම්බුද්ධ ශාසනය සුරක්‍ෂිත කිරීමේදී අප ගිහි සහ පැවිදි සියළු දෙනාගේ කාර්ය භාරය කෙබඳු දැයි ඉන් පසුව ගැඹුරින් පැහැදිලි කෙරිණි.

සුගත පද විවරණවඤ්චක ධර්ම හා චිත්තෝපක්ලේශ ධර්ම 24 – ලජ්ජා බය නැතිකම (අහිරික අනොත්තප්ප). (11-09-2022) Uploaded on 12 September 2022: මෙවර සුගත පද විවරණ 24 වෙනි වැඩසටහනින් ලජ්ජා බය නැතිකම හෙවත් අහිරිකය සහ අනොත්තප්පය යන අකුසලයන් වංචනික ආකාරයෙන් අපගේ සිත් තුල ඇතිවෙන ආකාරය පැහැදිලි කරන ලදී. ලජ්ජා බය නැතිකම ඕනෑම පාපයක් කිරීමට අප යොමු කිරීමට සමත් වෙන බවත් සහ වර්තමාන කාලයේ බොහෝ දෙනා ලජ්ජා බය නිවැරදි ආකාරයෙන් වටහා ගෙන නොමැති බව පැහැදිලි කරමින් මෙම සාකච්ඡාව ආරම්භ කෙරිණි. ඉන් පසුව බුදු දහමේ ලජ්ජා බය එනම් හිරි ඔත්තප්පය යනු කුමක් දැයි ගැඹුරින් පැහැදිලි කරන ලදී. ඉන් පසුව මිනිසුන් තුල අහිරිකය සහ අනොත්තප්පය අකුසල ධර්ම ලෙස ඇතිවෙන ආකාරයන් පැහැදිලි කරන ලදී.

බුදුගුණ සිහිකිරීමෙහි වටිනාකම (26-08-2022). Uploaded on 08 September 2022: මෙම ධර්ම දේශනාව ඉතා විශිෂ්ටතම දේශනාවක් වන්නේ ඒ තුලින් බෞද්ධයන්ගේ පවතින ප්‍රධාන දුබල කම් රැසක් නිවැරදි කර ගැනීමට මග පෙන්වීමක් ඇති කෙරෙන නිසාවෙනි. එම මග පෙන්වීම් ක්‍රමිකව පහත දැක්වේ. 01. නිවන් මගට ප්‍රවේශ දොරටුව ශ්‍රද්ධාව බව පැහැදිලි කෙරෙන බුද්ධ වචනයන් සහ ශ්‍රද්ධාව යනු බුද්ධත්වය පිළිබඳව සහේතුකව ඇති කරගන්නා වූ පිළිගැනීම බව පහදා දීම. 02. බුද්ධ පූජා වැනි ආමිස (ඉන්ද්‍රිය ගෝචර, ජීවිතය පවත්වා ගැනීමට උදවු වෙන දේවල් පමණක් ලැබෙන) පිංකම්, එයට අමතරව ගුණ නුවණ දියුණු කර ගැනීමටත් හැකි වෙන ප්‍රතිපත්ති පූජා බවට පත්කර ගන්නේ කෙසේ ද යන බොහෝ දෙනා නොදැන සිටි මගක් පැහැදිලි කර දීම. 03. එයට අමතරව බුදු ගුණ සජ්ඣායනා කරමින් වන්දනා කිරීමෙන්, බුදු ගුණ ශ්‍රවණය කිරීමෙන්, බුදු ගුණ කියවීමෙන් සහ ලිවීමෙන් බුදු ගුණ ආවර්ජනය කරමින් අපගේ ශ්‍රද්ධාව දියුණු කර ගැනීම සහ අපගේ ගුණය සහ නුවණ ඒ මගින් වර්ධනය වෙන ආකාරය පැහැදිලි කර දීම. 04. විදර්ශනාව වැඩීම තුලින් බුදු ගුණය ගැඹුරින් වටහා ගැනීම සහ එතුලින් ශ්‍රද්ධාව ස්ථිර කරගන්නා ආකාරය. 05. ජීවිතයේ වියපත් කාලයේදී සහ ජීවිතයේ අනෙක් අවස්ථා වල දී පවා බුදුගුණ වැඩීම අපට පිහිට වෙන ආකාරය පැහැදිලි කිරීම.

Uddesa-vibhanga Sutta (Sutta Teachings in English) Uploaded on 07 September 2022:  Uddesa-vibhanga Sutta was selected by Ven. Panadure Chandaratana Thero of Mitirigala Nissarana Vanaya Forest Monastery as the next Sutta for Sutta Teachings in English.  The series was started on 07 September 2022.  The Ven. Thero selected this Sutta with the intention of explaining important aspects of Samadhi as expounded by the Supreme Buddha.  In Uddesa-vibhanga Sutta the Supreme Buddha explains How to be Mindful BOTH externally and internally.  According to the summary statement given by the Supreme Buddha, a monk should avoid being scattered externally or getting stuck internally in order to attain the Liberation. Later, Ven. Mahā Kaccāna explains that summary statement as one could get scattered externally due to gratification provided by the sense objects or one can get stuck internally due to Jhana factors.

සොණ සූත්‍රය – Sona Sutta පාදක කරගත් ඉරු දින ධර්ම දේශනා මාලාව සැප්තැම්බර් 04 දින අවසන් විය.  Uploaded on 05 September 2022. 

Ven. Kukulpane Sudassi Thero – සෙනසුරාදා ධර්ම සාකච්ඡාව – අංක: 78 (ප්‍රාර්ථනාඅකුසල විපාක යටපත් කරන ක්‍රම) Uploaded on 04 September 2022: ගෞරවනීය ස්වාමින්වහන්සේ මෙවර ධර්ම දේශනාවේ දී ප්‍රාර්ථනා ආධාරයෙන් අකුසල විපාක යටපත් කරන්නේ කෙසේදැයි පහදා දුන් සේක. ප්‍රාර්ථනාවන් තෘෂ්ණා මූලිකව සහ ප්‍රඥා මූලිකව යන දෙයාකාරයෙන් සිදුකල හැක. ප්‍රඥා මූලිකව, එනම් ගුණ නුවණ අවධි කිරීම ඉලක්ක ගත කර ගනිමින් ප්‍රාර්ථනාවන් සිදුකිරීමේදී අකුසල විපාක ඇති වීමට ඇති අවස්ථාව යටපත් කල හැකි ආකාරය බුදු දහම ඇසුරෙන් මනා කොට මෙහිදී පැහැදිලි කෙරිණි. එමෙන්ම ධර්ම සාකච්ඡාව තුලදී මෙම කරුණ සම්බන්ධ තවත් පැතිකඩ පැහැදිලි කෙරිණි.

Sona Sutta (Sutta Teachings in English) Completed. Uploaded on 02 September 2022: Sona Sutta was selected by Ven. Panadure Chandaratana Thero of Mitirigala Nissarana Vanaya Forest Monastery as the next Sutta for Sutta Teachings in English.  The series was started on 24 August 2022 and completed on 31 August 2022.  In Sona Sutta the Lord Buddha teaches us The Art of Balancing Effort on the development of Spiritual Path of Dhamma.  Here the Supreme Buddha uses the analogy of the Lute string to explain the balancing of effort to the monk Sona.

Donations to Damsara during August 2022.  Uploaded on 01 September 2022.

සොණ සූත්‍රය – Sona Sutta (ඉරු දින ධර්ම දේශනාව) මීතිරිගල නිස්සරණ වණසේනාසන වාසී පූජනීය පානදුරේ චන්දරතන ස්වාමින්වහන්සේ විසින් ඇරඹුණු නව සූත්‍ර දේශනා මාලාව. Uploaded on 29 August 2022: සොණ සූත්‍රය තුලින් වීර්ය සුසර කිරීමේ වැදගත්කම පෙන්වා දෙනවා පමණක් නොව එම ආත්ම භවයේ රහත් භාවයට පැමිණීමට වාසනාව සහ හැකියාව තිබූ සෝන වැනි ස්වාමින්වහන්සේ කෙනෙකුට පවා ඉන්ද්‍රිය ධර්ම සමබර කිරීමට නොහැකි වීම තුල උපැවිදි වීමට සිත් පවා පහල වෙන තරමට අපගේ සිත් වෙනස් විය හැකි ආකාරයත් පෙන්වා දේ. මෙම පළමු ධර්ම දේශනාවේ ශ්‍රද්ධා, විරිය, සති, සමාධි සහ ප්‍රඥා ඉන්ද්‍රිය භාවනා යෝගියෙකු විසින් සුසර කර බල ධර්ම බවට පත්කරගන්නේ කෙසේද යන මග පෙන්වීම ඇතුලත් වේ. එමෙන්ම මෙම පළමු ධර්ම සාකච්චාවේ බොහෝ ප්‍රායෝගික වටිනාකමකින් යුතු කරුණු ඇතුලත් වේ. 

සුගත පද විවරණ Ep: 22 – ආත්මාරක්‍ෂනතා වේශයෙන් මතු වෙන වංචක ථීනමිද්ධය. Uploaded on 29 August 2022: මෙවර සුගත පද විවරණ 22 වෙනි වැඩසටහනේ පළමු කොටසින් ආත්මාරක්‍ෂනතා වේශයෙන් මතු වෙන වංචක ථීනමිද්ධය පිළිබඳව වර්ථමාන දිවියේ ප්‍රායෝගික කරුණු ආධාර කර ගෙන මනාව පැහැදිලි කරන ලදී. කායික ව්‍යායාම වලට වඩා නිවස ඇමදීම තුලින් දෙව් මිනිස් ප්‍රියතාවය සහ ප්‍රඥාව දියුණු වෙන ආකාරය පිළිබඳව අපූරු උදාහරණයක් මෙහි ඇතුලත් වේ. දෙවන කොටසේ දී පරාර්ථකාමතා වේශයෙන් ඇතිවන වංචක ථීනමිද්ධය පිළිබඳව ද එවැනිම වටිනා ප්‍රායෝගික උදාහරණ යොදා ගනිමින් පැහැදිලි කරන ලදී.

ප්‍රයෝග සම්පත්තිය – සෙනසුරාදා ධර්ම සාකච්ඡාව – අංක: 77 (27-08-2022)  Uploaded on 28 August 2022: ගෞරවනීය ස්වාමින්වහන්සේ මෙවර ධර්ම දේශනාවේ දී ප්‍රයෝග සම්පත්තිය ආධාරයෙන් අකුසල විපාක යටපත් කරන්නේ කෙසේ දැයි පහදා දුන් සේක.  අපගේ සිතුවිලි, වචන, ක්‍රියා සහ බාහිර සාධක තමාටත් අනුන්ටත් හිතකර ආකාරයෙන් හසුරුවා ගැනීමේ ඇති හැකියාව සහ දක්‍ෂතාවය නිසා අකුසල කර්ම යටපත් කර ගන්නා ආකාරය මෙහිදී ප්‍රයෝග සම්පත්තිය ලෙස පැහැදිළි කරන ලදී.  එමෙන්ම සති සම්පජඤ්ඤය මෙම ප්‍රයෝග සම්පත්තියට බෙහෙවින් හේතුවන බව මැනවින් පැහැදිලි කෙරිණි.

Sona Sutta (Sutta Teachings in English). Uploaded on 25 August 2022: Sona Sutta was selected by Ven. Panadure Chandaratana Thero of Mitirigala Nissarana Vanaya Forest Monastery as the next Sutta for Sutta Teachings in English on 24 August 2022.  In Sona Sutta the Lord Buddha teaches us The Art of Balancing Effort on the development of Spiritual Path of Dhamma.  Here the Supreme Buddha uses the analogy of the Lute string to explain the balancing of effort to the monk Sona.

Chabbisodhana Sutta (Sutta Teachings in English) Completed: Chabbisodhana Sutta was conducted by Ven. Panadure Chandaratana Thero of Mitirigala Nissarana Vanaya Forest Monastery as a Sutta for Sutta Teaching in English from 13 July to 17 August 2022. Chabbisodhana Sutta explains the six fold purity of an Arahant.

ඡබ්බිසෝධන සූත්‍රය – Chabbisodhana Sutta. Final Upload on 23 August 2022. නිස්සරණ වණසේනාසන වාසී පූජනීය පානදුරේ චන්දරතන ස්වාමින්වහන්සේ විසින් ඉරිදා සූත්‍ර දේශනා මාලාවේ 17 වන සූත්‍රය ලෙස වර්ෂ 2022 ජූලි මස 17 වන දින ආරම්භ කර අගෝස්තු 21 වෙනි දින අවසන් කරන ලදී.  විශේෂයෙන් මෙහි අවසාන ධර්ම සාකච්චාවේ නවක සහ වසර කිහිපයක් පුහුණු වූ යෝගාවචරයන් හට ඉතා ප්‍රයෝජනවත් කරුණු ඇතුලත් වේ.

සුගත පද විවරණ – වඤ්චක ධර්ම හා චිත්තෝපක්ලේශ ධර්ම 21 – ඥාන වේශයෙන් එන වංචක ථීනමිද්ධය (21-08-2022) Uploaded on 22 August 2022: මෙවර සුගත පද විවරණ 21 වෙනි වැඩසටහනේ පළමු කොටසින් ඥාන වේශයෙන් එන වංචක ථීනමිද්ධය පිළිබඳව ඉතා වටිනා කරුණු පැහැදිලි කරන ලදී. එමෙන්ම දෙවැනි කොටසේ දී පරීක්‍ෂණතා වේශයෙන් ඇති වන වංචක ථීනමිද්ධය පැහැදිලි කරන ලදී. මෙම කරුණු ගුණ ධර්ම වැඩීම පුහුණු කරන භාවනා යෝගීන්ට බොහෝ ප්‍රයෝජනවත් වන්නේ මෙම ථීනමිද්ධ නීවරණයේ ක්‍රියාකාරීත්වය සියුම් සහ මායාකාරී වන නිසාවෙනි.  අපට ඇති වන්නේ ප්‍රඥාවද නැති නම් ථීනමිද්ධය ද යන කාරණය දැන ගැනීම සහ එම ථීනමිද්ධය නැති කරගන්නා ආකාරයට පුහුණුව දියුණු කර ගන්නේ කෙසේද පිළිබඳව මෙහි මග පෙන්වීමක් ද ඇතුලත් වේ.

සෙනසුරාදා ධර්ම සාකච්ඡාව – අංක: 76 (ප්‍රතිවිරුද්ධ කුසල කර්ම) 20-08-2022 Uploaded on 21 August 2022: මෙවර ධර්ම දේශනාවේ දී අකුසල කර්ම යටපත් කිරීමට ඒවාට ප්‍රතිවිරුද්ධ කුසල කර්ම සිදු කරනා ආකාරය පිළිබඳව අප බොහෝ දෙන නොදන්නා එනමුත් එදිනෙදා ජීවිතයේ එළඹෙන ඉමහත් අවස්ථා ගැන සවිස්තරාත්මක ව පැහැදිලි කිරීමක් ඇතුලත් වේ. එමෙන්ම ධර්ම සාකච්ඡාවේ දී, දරුවන්, සහ අනෙකුත් සියලු දෙනා හට අප එදිනෙදා ජීවිතය තුල ඇතිවන ජීවන අවස්ථා වල දී දරුණු අකුසල වලකා ලමින් කුසල කර්ම සිදු කරනා ආකාරය පිලිබඳ ඉතා වටිනා ධර්ම විවරණයන් ඇතුලත් වේ.

Most Ven. Kukulpane Sudassi Thero – අකුසල සමාපත්තිය සහ කුසල සමාපත්තිය. (13-08-2022) Uploaded on 17 August 2022: අකුසල සමාපත්තිය සහ කුසල සමාපත්තිය පිළිබඳව අති පූජනීය කුකුල්පනේ සුදස්සී ස්වාමින්වහන්සේ විසින් සියස රූපවාහිනිය තුලින් සිදුකල මෙම ධර්ම දේශනාව තුලින් ගිහි පැවිදි සියළු ලෝකවාසි මිනිසුන් හට ඉතා වටිනා පණිවිඩයක් ඉදිරිපත් කෙරේ.  අති මහත් ලෝක ජනතාව උදයේ අවදි වූ අවස්ථාවේ පටන් රාත්‍රී නින්දට යන තුරු සිතින්, වචනයෙන් සහ කයින් සිදු කරන ක්‍රියා බොහෝ විට අනුන්ට සහ තමන්ට අහිතකර ඒවා වන ආකාරයත් එබඳු ආකාරයෙන් අකුසලයට මානසික ව සමවැදීම තුලින් පවා වුවද තමන්ට සහ අන්‍යන්ට සිදුවන විපත, වර්ථමාන විද්‍යාත්මක පර්යේෂණ භාවිතා කරමින් මෙහි මනා ලෙස පෙන්වා දේ. එමෙන්ම කුසලයට සමවැදීම තුලින් නිවසේ සිටින අයට, දුරින් සිටිනා අන් මිනිසුන්ට පමණක් නොව සත්වයන් සහ ගහ කොළ පරිසරයට පවා සිදු වෙන හිතකර බලපෑම මෙහිදී සාධක සහිතව පැහැදිලි කෙරේ.  මෙම දේශනාවේ ඇති විශේෂ වටිනාකමක් වන්නේ එවැනි හැකියාවක් අප තුල ජනිත කර ගැනීමට අවශ්‍ය ක්‍රමවේදයන් පිළිබඳව ද එක්තරා හෙලි දැක්මක් ඇතුලත් වෙන බැවිනි.

Updates to Chabbisodhana Sutta (Sutta Teachings in English). Uploaded on 17 August 2022.

සුගත පද විවරණ Sugatha Pada Viwarana Ep: 20 (ථීනමිද්ධ නීවරණය.) Uploaded on 15 August 2022: මෙවර සුගත පද විවරණ 20 වෙනි වැඩසටහනින් භාවනාවට ප්‍රවිෂ්ඨ වෙන සහ ‘පළපුරුදු’ භාවනා යෝගීන් හට ඉතා වැදගත් මාතෘකාවක් වෙන ථීනමිද්ධ නීවරණය පිලිබඳව පැහැදිලි කරන ලදී. ථීනමිද්ධය පවතින විට සහ එය ඇති වෙමින් පවතින විට එය දැන ගැනීමට ඇති අපහසුතාවය නිසා යෝගාවචරයන් ථීනමිද්ධයට හසුවෙන වංචනික ආකාරය මෙහිදී මානව පැහැදිලි කරන ලදී. එමෙන්ම චිත්ත ඒකාග්‍රතාවය සහ සමාධිය ඇතිවෙන ආකාරයත් ථීනමිද්ධ නීවරණයට ඇතැම් අවස්ථා වලදී සමාධිය ලෙස යෝගාවචරයන් රැවටෙන ආකාරයත් පැහැදිලි කරන ලදී.  එමෙන්ම භාවනා යෝගීන්ට වැරදි ඇබ්බැහි වලට පුරුදු වූ විට එයින් ගැලවීමට වසර ගණනාවක් ගතවිය හැකි ප්‍රවණතාවයත් සහ එවැනි වැරදි ඇබ්බැහි වලින් ගැලවෙන ආකාරයත් මෙහිදී පැහැදිලි කරන ලදී. එමෙන්ම පාපයෙන් වැලකීම ආකාරයෙන් ථීනමිද්ධ නීවරණයට හසු වෙමින් ථීනමිද්ධය ශක්තිමත් වෙන ඉතා සියුම් ආකාරය පැහැදිලි කරන ලදී. මෙම සියුම් මානසික ස්වභාවයට අවදි වීම ගුණ ධර්ම වඩන විපස්සනා භාවනා යෝගියන් හට වැදගත් වේ. 

An update to ඡබ්බිසෝධන සූත්‍රය – Chabbisodhana Sutta, Sunday Dhamma Sermon.(14-08-2022) Uploaded on 14 August 2022.

Ven. Kukulpane Sudassi Thero ප්‍රඥා භාවනාව – සෙනසුරාදා ධර්ම සාකච්ඡාව – අංක: 75 (13-08-2022) Uploaded on 14 August 2022: ගෞරවනීය ස්වාමින්වහන්සේ මෙවර සජීවී ධර්ම සාකච්ඡා වැඩසටහනේ දී ප්‍රඥා භාවනාව සහ ප්‍රඥා භාවනාව ප්‍රගුණ කිරීම තුලින් අකුසල විපාක යටපත් වෙන ආකාරය පිළිබඳව ලෝණඵල සූත්‍රය පාදක කොට දේශනා කල සේක. එසේම ප්‍රඥා භාවනාව යනු සතර සතිපට්ඨානයේ අවසානයේ දැක්වෙන ධම්මානුපස්සනාව බවත් එහි ප්‍රභේධ සහ එය වඩනා ආකාරයත් ධර්ම දේශනාවේ දී පැහැදිලි කල සේක. ධර්ම සාකච්ඡාව තුල දී ඇතැම් වටිනා ප්‍රායෝගික කරුණු විමසීමට ලක් කෙරිණි.

අරතිය දුරු කිරීම හා සතුටින් ගුණධර්ම වැඩීම. (17-07-2022)  Uploaded on 11 August 2022.  අරතිය දුරු කිරීම හා සතුටින් ගුණධර්ම වැඩීම පිලිබඳව අති පූජනීය ආචාර්ය කුකුල්පනේ සුදස්සී ස්වාමීන්වහන්සේ විසින් සියස රූපවාහිනිය තුලින් සිදු කරන ලද මෙම විශිෂ්ඨ ධර්ම දේශනාව, පහත සඳහන් සුවිශේෂ කරුණු නිසා ගිහි පැවිදි සෑම දෙනාටම වැදගත් වේ. 01. සතුටින් ගුණධර්ම වඩනා මාර්ගය කෙසේද කියා බුදුරජාණන් වහන්සේ විසින් දේශනා කල ඉතා වටිනා සුත්‍රයක් වූ අරියවංස සූත්‍රයේ පාඨයක් අනුව පැහැදිලි කිරීම. 02. අධි කුසල ධර්මයන් කෙරේ ඇතිවන මැලිකම හෙවත් අරතිය, දුරු කර ගැනීමේ වැදගත්කම දක්වමින් අරතිය ඇතිවෙන ආකාරයත් එයින් ගැලවෙන ආකාරයත් පැහැදිලි කිරීම. 03. අරියවංස ප්‍රතිපදාවේ පිහිටීමෙන් ධර්මානුධර්ම ප්‍රතිපත්තිය මනා ලෙස දියුණු වෙන ආකාරය පැහැදිලි කිරීම. 04. භාවනාරාමතාවය හෙවත් භාවනාවට කැමැත්ත ඇතිකරගන්නේ කෙසේ දැයි සියුම් ලෙස පැහැදිලි කිරීම. 05. සාමිස සතුට සහ නිරාමිස සතුට අතර වෙනස සහ නිරාමිස සතුට ලබා ගන්නා ආකාරය පැහැදිලි කිරීම.

Updates to Chabbisodhana Sutta (Sutta Teachings in English). Uploaded on 10 August 2022.

Ven. Kukulpane Sudassi Thero – සුගත පද විවරණ Sugatha Pada Viwarana Ep 19.  Uploaded on 08 August 2022: මෙවර සුගත පද විවරණ 19 වෙනි වැඩසටහනින් පරාර්ථකා වේශයෙන් මතු වෙන වංචක මානය පැහැදිලි කරන ලදී. පරාර්ථකාමී කටයුතු වලින් ලොවට වැඩක් සිදු වූවත් ඒ තුලින් වංචනික ආකාරයෙන් අපගේ සිත කිලිටි විය හැකි ආකාරය හොඳින් පැහැදිලි කරන ලදී. පරාර්ථකාමී බව ලාංකික සමාජය තුල කොතරම් තිබුණා වුවත් මානුෂීය ගුණධර්ම බැවින් අඩු වීමට මෙම කරුණ හේතු වන ආකාරය මෙහිදී පැහැදිලි කරන ලදී. මෙහිදී එම කරුණාව, මෛත්‍රිය, මුදිතාව වැනි මානුෂීය ගුණධර්ම ඇති කරගන්නා ආකාරය ඉතා හොඳින් පැහැදිලි කරන ලදී. එමෙන්ම ප්‍රඥාවේ වේශයෙන් ඇතිවන වංචක මානය පිළිබඳව ද ඉතා සියුම් කරුණු පැහැදිලි කරන ලදී.

An update to ඡබ්බිසෝධන සූත්‍රය – Chabbisodhana Sutta, Sunday Dhamma Sermon.(07-08-2022) Uploaded on 08 August 2022.

Ven. Kukulpane Sudassi Thero සෙනසුරාදා ධර්ම සාකච්ඡාව – අංක: 74 (චිත්ත භාවනාවලෝණඵල සූත්‍රය) 06-08-2022 Uploaded on 07 August 2022: මෙවර සජීවී ධර්ම සාකච්ඡා වැඩසටහනේ දී චිත්ත භාවනාව සහ චිත්ත භාවනාව ප්‍රගුණ කිරීම තුලින් අකුසල විපාක යටපත් වෙන ආකාරය පිළිබඳව ලෝණඵල සූත්‍රය පාදක කොට දේශනා කල සේක. මෙහිදී චිත්තානුපස්සනාව, සමථය සහ සමථ භාවනාවේ ඇති වෙනස්කම් මැනවින් විස්තර කල සේක. එමෙන්ම ධර්ම සාකච්ඡාවේ දී චිත්තානුපස්සනාවේ නොයෙක් ප්‍රායෝගික පැතිකඩ පිලිබඳ වටිනා කරුණු මතුවිණි. එමෙන්ම ඉදිරි පොහොය දිනයේ දී සාමූහික ව සිදු කිරීමට යන ආධ්‍යාත්මික සත්‍යක්‍රියාව සිදු කරන ආකාරය අවස්ථා කිහිපයක දී පැහැදිලි කෙරිණි. එමෙන්ම මහා සී භාවනා ක්‍රමය පිලිබඳ කියැවීමට සුදුසු පොත් ලෙස ස්වාමින්වහන්සේ විසින් දැක්වූ පොත් තුනේ pdf පිටපත් මෙම වෙබ් පිටුවේ ඇතුලත් කර ඇත.

දුක් පීඩා අවම කර ගැනීම සඳහා ධර්මානුකූලව කළ යුතු ආකාරය. (22-07-2022) Uploaded on 05 August 2022: දුක් පීඩා අවම කර ගැනීම සඳහා ධර්මානුකූලව කළ යුතු ආකාරය පිලිබඳ මෙම වටිනා ධර්ම දේශනාව නිවන් මග පුහුණු කරන අයට වැදගත් වන්නේ; 01. ජීවිතයේ සහ සසරේ දී බලපවත් වන හේතු ඵල ක්‍රියා කාරීත්වය පැහැදිලි කරමින් සසර ගමන නැවැත්මට පත්කරන තුරු අප ගතකල යුතු පැවැත්ම, දුක් පීඩා අවම කර ගනිමින් සිදුකරන ආකාරය පැහැදිලි කිරීම. 02. එම හේතු ඵල න්‍යාය අපගේ ජීවිත වලට බද්ධ වී ක්‍රියාත්මක වන නියාම පහ වන කම්ම නියාම, චිත්ත නියාම, බීජ නියාම, ඉර්තු නියාම සහ ධම්ම නියාම පුද්ගල කැමැත්තට පරිබාහිරව සිදුවෙන ආකාරය පිලිබඳව පැහැදිලි කිරීම. 03. මේ ආත්මයේදී වෙනසක් කල හැකි ප්‍රබල නියාම ධර්මයන් වන චිත්ත නියාමය සහ කම්ම නියාමය මනා ලෙස පැහැදිලි කිරීම. 04. අප සිතන ආකාරය සහ ක්‍රියා කරන ආකාරය අනුව අතීත අකුසල සහ කුසල කර්ම මේ ආත්මයේදී මතුවීම වෙනස් කරන ක්‍රම වේදය බුද්ධ දේශනාවට අනුව මනා කොට පැහැදිලි කිරීම. 05. ප්‍රඥා සම්පන්නව කුසල කර්ම සිදුකරනා ආකාරය සහ 06. ප්‍රයෝග සම්පත්තිය තුලින් දුක් පීඩා අවම කරගන්නා ආකාරය යන වටිනා පැහැදිලි කිරීම් නිසාවෙනි.

සුගත පද විවරණ – වඤ්චක ධර්ම හා චිත්තෝපක්ලේශ ධර්ම අංක: 18 (31-07-2022)  Uploaded on 02 August 2022: මෙවර ආත්ම ගෞරවතා වේශයෙන් ඉස්මතු වෙන වංචක මානය පිළිබඳව ඉතා වටිනා විග්‍රහයකින් සුගත පද විවරණ 18 වෙනි වැඩසටහන ආරම්භ කරන ලදී. මෙහිදී අති පූජනීය කුකුල්පනේ සුදස්සී ස්වාමීන් වහන්සේ තම ගුරු ස්වාමීන් වහන්සේගේ ග්‍රන්ථයේ ආත්ම ගෞරවය පිළිබඳව දැක්වූ කරුණ පැහැදිලි කල ආකාරය සහ පැහැදිලි කිරීමේ අන්තර්ගතය තුල කර්මස්ථානයක් වැනි ක්‍රමවේදයක් ඇතුලත් වේ. එය අප විසින් කිහිප වතාවක් ශ්‍රවණය කර වටහා ගත යුතු වන්නේ එහි ඇති සියුම් බව සහ අපගේ ලෞකික සහ ලෝකෝත්තර ජීවිතයට ඒ තුලින් ලබාගත හැකි ඉමහත් පන්නරය නිසාවෙනි.

Donations to Damsara during July 2022. Uploaded on 01 August 2022.

 

Share this with others as a gift of Dhamma!

6 thoughts on “Announcements

    • Dear Christie,
      They made this request based on a legal request originated from ‘Katukurunde Gnanananda Sadaham Senasun Bharaya’.
      You can listen to the ongoing series at nissarana.lk

      With Metta,

      Aruna

  1. For the first time i went to Mithirigala Nissarana Forest Monastery on 4th Feb 2017. Well organized one day retreat and really loved the silent surrounding and the trees ans breeze that catch anybody’s heart, surely. Ideal place to meditate and the Kindhearted Ven. Theros and other gentlemen are really helpful at newcomers. Everyone should go there at least once in a lifetime. Hope to continue with one day program and other Retreats..

    THERUWAN SARANAYI !!!

Leave a Reply

Your email address will not be published.

This site uses Akismet to reduce spam. Learn how your comment data is processed.