අති පූජනීය කුකුල්පනේ සුදස්සී ස්වාමින්වහන්සේ විසින් සියැස රූපවාහිනිය තුලින් දේශනා කල සසර ගණුදෙනු අවම කර ගැනීම පිලිබඳ මෙම ධර්ම දේශනාව අපට ඉතා වටිනා වන්නේ පහත දැක්වෙන මූලික කරුණු නිසාවෙනි;
01. සද්ධර්මය නොදන්න, එමෙන්ම එසේ දැනගත් දහම අනුව නොහැසිරෙන අයට සංසාරය ඉතා දීර්ඝ වන බව.
02. මහා ආශ්චර්යක් ලෙස බුදු බවට පෙරුම් පුරන මහා බෝසත් වරුන්ට කල්ප ලක්ෂයකට වඩා වැඩි කාලයක් වුවද සුළු කාලයක් ලෙස හැඟෙන සහ කටයුතු කරන ආකාරය!
03. මහා බෝසත්වරුන්ගේ එබඳු ආශ්චර්යමත් මානසිකත්වයකට ශ්රී සද්ධර්මය හේතුවෙන ආකාරය.
04. අපගේ ජීවිත කටුක වේදනාකාරී වෙන්නේ කුමන හේතු නිසාවෙන් ද?
05. අපට දැනෙන පීඩාවන් වලින් මිදීම, යුතුකම් වගකීම් වලින් ගැලවීම නිවැරදි සද්ධර්ම මාර්ගය ද?
06. අපගේ භව ගමන නිමැවෙන තුරු සුවසේ ගුණ දහම් වඩන ආකාරය.
අති පූජනීය කුකුල්පනේ සුදස්සී ස්වාමින්වහන්සේ විසින් සියැස රූපවාහිනිය තුලින් පටිච්ච සමුප්පාදය පිලිබඳ සිදුකල මෙම ධර්ම දේශනාව ඉතා වටිනා වන්නේ පහත දැක්වෙන මුලික හේතුන් නිසාවෙනි.
1. මෙම දේශනාව තුලින් පටිච්ච සමුප්පාදයේ ඇති ගාම්භීර ස්වභාවයත් සහ අප විසින් නිවන් දැකීම සඳහා එහි කුමන අවස්ථාව වැදගත් වේද යන්න පැහැදිලි කිරීම.
2. වර්ථමාන බෞද්ධ ලෝකයේ පටිච්ච සමුප්පාදය පිළිබඳව ඇති වැරදි දැක්වීම් සහ උගැන්වීම් සමහරක් මෙහිදී පෙන්වා දීම සහ ඒවා වැරදි වන්නේ කුමන හේතුන් නිසාදැයි පැහැදිලි කිරීම.
අති පූජනීය ආචාර්ය කුකුල්පනේ සුදස්සී ස්වාමින්වහන්සේ විසින් සියැස රූපවාහිනිය තුලින් සමාජ වැඩ පිළිබඳ බෞද්ධ සංකල්පය පිලිබඳව දේශනා කරන ලද මෙම ධර්ම දේශනාව ඉතා වටිනා දේශනාවකි. බුදුදහමට අනුව නිවැරදි ආත්ම අර්ථය කුමක්ද, එම ආත්ම අර්ථය දියුණු කරගන්නා ආකාරයත් එය පාදක කොට අන් අයට උපකාරී කිරීමේ වැදගත් කම මෙයින් පැහැදිලි කෙරේ. එමෙන්ම ඉක්මනින් නිවන් දැකීමට අවශ්ය අයට ඉතා වටිනා අවවාදයක් මෙහි ඇතුලත් වේ.
අති පූජනීය ආචාර්ය කුකුල්පනේ සුදස්සී ස්වාමින්වහන්සේ විසින් සියැස රූපවාහිනිය තුලින් සියලු බුදුරජාණන් වහන්සේලාගේ බුද්ධාවවාදය පිලිබඳව දේශනා කරන ලද මෙම ධර්ම දේශනාව නව වසරක් ආරම්භයේ සිදුකරන ලද ඉතා වටිනා දේශනාවකි.
බුද්ධ දේශනාවට අනුව ඉපදී සිටින බොහෝ මනුෂ්යයන්ට එම තත්වයෙන් පහල උපතක් ඊළඟ භවයේදී ඇතිවෙන බවත් ඇතැම් ස්වල්ප දෙනෙකුට නැවතත් එම තත්වයේ උපතක් ඇතිවෙන බවත් ඉතා ස්වල්ප දෙනෙකුන් වර්තමානයේ ඇති මානසික තත්වයට වඩා උසස්, දියුණු වූ උපතක් ලබාගන්නා බවත් දැක්වේ.
එවැනි තත්වයන්ට පත්වෙන ආකාරයෙන් අපගේ සිත් සහ ක්රියාකාරකම් පවත් වන්නේ කෙසේදැයි මෙම වටිනා ධර්ම දේශනාවෙන් පැහැදිලි කෙරේ.
Sathipattana Viwarana – සතිපට්ඨාන විවරණ (24-02-2024):
මීතිරිගල නිස්සරණ වන වාසී පූජනීය පානදුරේ චන්දරතන ස්වාමින්වහන්සේ විසින් ITN රුපවාහිනිය තුලින් සිදුකල මෙම දේශනාව තුලින් චිත්තානුපස්සනාව තුලින් බොජ්ඣංග ධර්මයන් දියුණු කරන ආකාරය පැහැදිලි කෙරේ.
මෙම භාවනා, ධර්ම දේශනා සහ දහම් පැන පිළිතුරු සැපයීම, දහම් මග දියුණු කර ගැනීමට බෙහෙවින් ඉවහල් වේ. එපමණක් නොව මේ තුලින් අපගේ එදිනෙදා ජීවිතයේ මානසික සතුට සහ දියුණුව ඉහල තලයකට පත්කර ගැනීමේ ඉතා වටිනා ක්රමවේදයක් පැහැදිලි කෙරේ.
එමෙන්ම මෙම දේශනාවට පළමුවෙන් සිදු කෙරෙන මෙහෙයුමක් සහිත කෙටි පර්යංක භාවනා පුහුණුව තුලින් ශ්රාවකයාගේ සතිමත් බව අවධි කෙරෙනුයේ ඔවුන්ගේ සම්පජඤ්ඤය ද පුබුදු වෙන ආකාරයෙනි. මේ අයුරින් මුළු සිරුරේ දැනෙන ආකාරයන් මත සිහිය පවත්වමින් සන්සුන් වීම තුලින් ආනාපාන සතිය වැනි භාවනාවකට අවතීර්ණ වීම තුලින් ඇතැම් යෝගීන් නිදා ගත්තා මෙන් පත්වෙන ”මෝහ සමාධියෙන්” අත් මිදීමට හැකි වේ.
අති පූජනීය ආචාර්ය කුකුල්පනේ සුදස්සී ස්වාමීන්වහන්සේ විසින් සැප්තැම්බර් මස 09 දින රාත්රී 8.00 ට ශ්රී ලංකා ගුවන් විදුලි සංස්ථාවේ ස්වදේශීය සේවයෙන් විකාශනය වූ සත්යක්රියාව පිලිබඳ විශේෂ ධර්ම දේශනාව.
දැනට ශ්රී ලංකාවේ ක්රියාත්මක වන “අරගලය” තුලින් අපගේ ජනතාව දේශපාලඥයන් හට රැවටීම නිසා ඇතිවූ ආර්ථික, සාමාජීය පෙලීම පිළිබඳව කණගාටුවට, කෝපයට පත්වී ක්රියා කරනෙමු. ඒ එසේ ඇති වූ ලෙස සිතුවත්, අප සිටින්නේ අපටම රැවටී කියා තේරුම් ගිය හොත් අප ගැන අපටම ඇතිවන කණගාටුව, ද්වේශය කෙසේ වේද?
වංචනිකව ක්රියාකරන අපට නොතේරෙන ද්වේශයේ පැතිකඩවල් පිලිබඳව අති පූජනීය කුකුල්පනේ සුදස්සී ස්වාමින්වහන්සේගේ මෙම විනාඩි 21 වන කෙටි වීඩියෝව මේ කාලයට බොහෝ වටිනා වේ. මෙම වීඩියෝ ඛණ්ඩය “සුගත පද විවරණ – වඤ්චක ධර්ම හා චිත්තෝපක්ලේශ ධර්ම 11 (12-06-2022)” වෙතින් ලබා ගන්නා ලදී.
පසුගිය සියළුම “සුගත පද විවරණ” දේශනා අඩංගු වෙබ් පිටුවට මෙතනින් පිවිසෙන්න.
මෙම විනාඩි 07 ක කෙටි දහම් ඛණ්ඩයෙන් අති පුජනීය කුකුල්පනේ සුදස්සී ස්වාමින්වහන්සේ විසින් බොහෝ වටිනා කරුණක් දහම් ශ්රවණය කරන බොදු පිරිස වෙත ඉදිරිපත් කෙරේ. අප විසින් ශ්රවණය කරන බණ තුලින් අපගේ ගුණ දහම් වඩමින් චරිතය වෙනස් කරගැනීමට අනුගමනය කලයුතු පිළිවෙත කුමක්දැයි මෙහිදී මනාව, කෙටියෙන් පැහැදිලි කෙරේ.
කල යුතු සහ නොකළ යුතු කථා පිළිබඳව අප බොහෝ දෙනෙකුට පැහැදිළි අවබෝධයක් නොමැත. සතියෙන් සහ සම්පජඤ්ඤයෙන් තොරව අපි කථා කරනවා පමණක් නොව අන්යයන්ගේ කථා වලට සවන් දීමද කරන්නෙමු. එනිසා අප එදිනෙදා ජීවිතයේදී නොයෙකුත් කෙලෙස් වඩමින්, ගැටුම් ඇතිකර ගනිමින් ජීවිත ගත කරන්නෙමු. විනාඩි 09ක් වූ මෙම වටිනා දහම් ඛණ්ඩය අති පූජනීය කුකුල්පනේ සුදස්සී ස්වාමින්වහන්සේ විසින් වර්ෂ 2013 දී අනුරුද්ධ සූත්රය ඇසුරින් සිදුකල දීර්ඝ දේශනා මාලාවේ 18 වෙනි දේශනාවෙන් උපුටාගන්නා ලදී.
මෙම දහම් ඛණ්ඩය ඇතුලත් සම්පුර්ණ දේශනාව වන “18.අනුරුද්ධ සූත්රය – සඞ්ගණිකාරාමය – කාමච්ඡන්දය දුරු කිරීම – සප්පාය කථා.” ධර්ම දේශනාවට සවන් දීම සඳහා අනුරුද්ධ සූත්රය ඇතුලත් වෙබ් පිටුවට පිවිසීමට මෙම වෙබ් යොමුව මත click කරන්න: https://bit.ly/30IGp0M
සෙනසුරාදා ධර්ම සාකච්චාව අංක: 21 සතර සතිපටිඨානයේ චිත්නුතාපස්සනාව පදනම් කරගෙන සිදුකරනු ලැබුණි.
මෙම පැය 2කට වඩා දිගු වන ධර්ම සාකච්චාව, අසන්නන්ගේ පහසුව පිණිස ප්රශ්න හා පිළිතුරු වශයෙන් වෙන්කර, ශබ්ද සංස්කරණය කොට මෙම වෙබ් පිටුවේ පළකර ඇත: https://bit.ly/3uFpNjy
“ප්රායෝගික ජීවිතයෙහි ධර්මය ප්රගුණ කරන ආකාරය” යන තේමාව මුල්කරගෙන අති පූජනීය කුකුල්පනේ සුදස්සී ස්වාමින්වහන්සේ විසින් සිදුකරන සෙනසුරාදා සජීවී ධර්ම සාකච්ඡා පෙලේ විසිවන ධර්ම සාකච්චාව වර්ෂ 2021 මැයි මස 29 දින සිදුකරන ලදී. පුජ්යපාද අනුරාධපුරයේ අනුරුද්ධ ස්වාමින්වහන්සේද එම Zoom සාකච්චාව මෙහෙයවීමට වැඩසටහන දායක වූ සේක
