මීතිරිගල නිස්සරණ වනවාසී පූජනීය පානදුරේ චන්දරතන ස්වාමින්වහන්සේ සිදුකල ඉරිදා සූත්‍ර දේශනා මාලාවේ ආනාපානසති සූත්‍රය වර්ෂ 2022 ජනවාරි 16 දින අවසාන විය.

අවසාන දේශනාවේදී ධම්මානුපස්සනාව තුලින් විජ‍්ජා විමුත‍්තිය දක්වා දියුණු කිරීම පැහැදිලි කරන ලදී. මෙම දේශනා මාලාව යොගාවචරයන්ට නවත නැවතත් ශ්‍රවණය කිරීමට වටිනා දේශනා මාලාවකි.  මෙම දේශනා මාලාව මනාව ශ්‍රවණය කිරීම සහ එම කරුණු පරිශීලනය තුලින් යෝගාවචරයන්ගේ ධම්මානුධම්ම ප්‍රතිපදාව දියුණු කරගැනීමට හැකි වනවා ඇත. 

Image by river_cm from Pixabay

පූජනීය පානදුරේ චන්දරතන ස්වාමින්වහන්සේ විසින් ඉරිදා සූත්‍ර දේශනා මාලාවේ එකොලොස් වන සූත්‍ර මාලාව ලෙස ආනාපානසති සූත්‍රය පිලිබඳ දේශනා මාලාව වර්ෂ 2021 නොවැම්බර් මස 14 වෙනි දින ආරම්භ කරන ලදී.

ආනාපාන සතිය බුදුරජාණන් වහන්සේ විසින් අප වෙත හඳුන්වා දුන් ප්‍රධානම භාවනා ක්‍රම වේදයකි. ආශ්වාසය හා ප‍්‍රාශ්වාසය මූලික කොටගෙන වෙනත් ආගම් වලද භාවනාවන් ප්‍රචලිත වී තිබේ. එනමුදු ඒවා තුලින් ලබන ප්‍රතිඵලයන් බුදු දහමේ ඉලක්ක කරන ප්‍රතිඵලයන් වලට වඩා වෙනස් වේ. බුදුරජාණන් වහන්සේ දේශනා කල ආනාපානසති සූත්‍රය තුලින් ආශ්වාසය සහ ප‍්‍රාශ්වාසය පිලිබඳව ඇති කරගන්නා සතිය නිවන් දැකීම සඳහා දියුණු කරන ක්‍රමවේදය පැහැදිලි වේ.

ආනාපානසති සූත්‍රය ත්‍රිපිටකයෙන් මෙතනින් කියවන්න.

මෙම Zoom දුරස්ථ වැඩසටහනට සම්බන්ධ වීමට Zoom මෘදුකාංගය ස්ථාපිත කරගෙන පහත දැක්වෙන අයුරින් සම්බන්ධ වන්න.