මෙවර ඉරු දින (09-01-2021), අනාපානසති සූත්‍ර ධර්ම දේශනාවේදී ගෞරවනීය පානදුරේ චන්දරතන ස්වාමින්වහන්සේ විසින් ධම්මානුපස්සනාව තුලින් සප්ත බොජ්ඣංග වැඩෙන ආකාරය පැහැදිලි කරන ලදී.  
අද දින ධර්ම දේශනාව විශේෂයෙන් වැඩිදුරටත් වැදගත් වන්නේ එහිදී අනිච්චනුපස්සනාව, විරාගානුපස්සනාව, නිරෝධානුපස්සනාව සහ පටිනිස‍්සග‍්ගානුපස්සනාව වැඩෙන ආකාරය ඉතා පැහැදිලි ලෙස විස්තර කර දීම නිසාවෙනි. 

එම දේශනාව විපස්සනා භාවනා යෝගීන් හට බෙහෙවින් වැදගත් වේ.

එමෙන්ම ධර්ම සාකච්චාවේදීද විපස්සනාවට සම්බන්ධ ඉතා වටිනා කරුණු සාකච්චා කෙරිණි.

Image by river_cm from Pixabay

පූජනීය පානදුරේ චන්දරතන ස්වාමින්වහන්සේ විසින් ඉරිදා සූත්‍ර දේශනා මාලාවේ එකොලොස් වන සූත්‍ර මාලාව ලෙස ආනාපානසති සූත්‍රය පිලිබඳ දේශනා මාලාව වර්ෂ 2021 නොවැම්බර් මස 14 වෙනි දින ආරම්භ කරන ලදී.

ආනාපාන සතිය බුදුරජාණන් වහන්සේ විසින් අප වෙත හඳුන්වා දුන් ප්‍රධානම භාවනා ක්‍රම වේදයකි. ආශ්වාසය හා ප‍්‍රාශ්වාසය මූලික කොටගෙන වෙනත් ආගම් වලද භාවනාවන් ප්‍රචලිත වී තිබේ. එනමුදු ඒවා තුලින් ලබන ප්‍රතිඵලයන් බුදු දහමේ ඉලක්ක කරන ප්‍රතිඵලයන් වලට වඩා වෙනස් වේ. බුදුරජාණන් වහන්සේ දේශනා කල ආනාපානසති සූත්‍රය තුලින් ආශ්වාසය සහ ප‍්‍රාශ්වාසය පිලිබඳව ඇති කරගන්නා සතිය නිවන් දැකීම සඳහා දියුණු කරන ක්‍රමවේදය පැහැදිලි වේ.

ආනාපානසති සූත්‍රය ත්‍රිපිටකයෙන් මෙතනින් කියවන්න.

මෙම Zoom දුරස්ථ වැඩසටහනට සම්බන්ධ වීමට Zoom මෘදුකාංගය ස්ථාපිත කරගෙන පහත දැක්වෙන අයුරින් සම්බන්ධ වන්න.