කාමච්ඡන්දය දුරු කිරීම සඳහා බොහෝ කාලයක් භාවනාව පුරුදු පුහුණු කල යෝගාවචරයන් හට පවා වැරදෙන, පැටලෙන වටිනා කරුණු රැසක් මෙම පළමු දම්සර දහම් පඬුරෙන් අප ඉදිරිපත් කරනෙමු. අප යෝගාවචරයන් බොහෝ දෙනා අසුභ භාවනාව ලෙස පිළිකුල් භාවනාව කිරීම එබඳු එක කාරණාවකි.
මෙම කෙටි දහම් ඛණ්ඩයන් ඉදිරිපත් කරන්නේ අති පූජනීය කුකුල්පනේ සුදස්සී ස්වාමින්වහන්සේ විසින් වර්ෂ 2013 දී අනුරුද්ධ සූත්‍රය මූලික කරගෙන සිදුකල දීර්ඝ දේශනා මාලාවකින් උපුටා ගත් ඉතා වටිනා ධර්ම දේශනාවකිනි.
දම්සර දහම් පඬුරු අංක:01
අප සංසාරය තුල බැඳ තබාගැනීමට හේතුවෙන ප්‍රධානතම නීවරණයක් වන්නේ කාමච්ඡන්දයයි.
කාමච්ඡන්දය ඇතිවීමේ ප්‍රධාන සාධකය ලෙස බුදුරජාණන් වහන්සේ සුභ නිමිත්ත සහ එම සුභ නිමිත්ත අයෝනිසෝමනසිකාරයෙන් යලි යලිත් කල්පනා කිරීම දක්වා ඇති සේක. එම කාමච්ඡන්දය දුරු කිරීමට දක්වා ඇති ක්‍රමවේද අතරින් පළමු ක්‍රමය ලෙස දක්වා ඇත්තේ අසුභ නිමිත්ත යෝනිසෝමනසිකාරයෙන් යලි යලිත් මතුකර ගැනීමයි.
- අසුභ භාවනාව සහ පිළිකුල් භාවනාව අතර ඇති වෙනස_අති පූජනීය කුකුල්පනේ සුදස්සී ස්වාමින්වහන්සේ. (විනාඩි 16)
- ආදීනවය සහ නිස්සරණය ප්‍රඥාවෙන් දැකීමේ වටිනාකම_අති පූජනීය කුකුල්පනේ සුදස්සී ස්වාමින්වහන්සේ. (විනාඩි 14)
- අසුභ නිමිත්ත නිවැරදිව හඳුනා ගැනීම_අති පූජනීය කුකුල්පනේ සුදස්සී ස්වාමින්වහන්සේ. (විනාඩි 13)
- අසුභ භාවනාව වැඩීම_අති පූජනීය කුකුල්පනේ සුදස්සී ස්වාමින්වහන්සේ. (විනාඩි 01)
ඉහත දැක්වෙන කෙටි දහම් ඛණ්ඩයන් ලබා ගත්තේ පහත සඳහන් වටිනා ධර්ම දේශනාවෙනි.
අනුරුද්ධ සූත්‍රය – කාමච්ඡන්දය දුරු කිරීම – අසුභ නිමිත්ත සහ අසුභ භාවනාව.
අති පූජනීය කුකුල්පනේ සුදස්සී ස්වාමින්වහන්සේ විසින් වර්ෂ 2013 දී අනුරුද්ධ සූත්‍රය මූලික කරගෙන සිදුකල එම දීර්ඝ දේශනා මාලාවට පිවිසීමට මෙම වෙබ් යොමුව භාවිතා කරන්න: Anuruddha Sutta – අනුරුද්ධ සූත්‍රය 2013.