Dayaka Dhamma Talks – 08, මෙහි අටවන පිටුව වේ. එක පිටුවක දේශනා 25ක් දක්වා ඇත. ඉදිරියට සහ පසුපසට යාමට පිටුවේ ඉහල සහ පහල ඇති යොමුවන් භාවිතා කරන්න.
Dayaka Dhamma Talks are conducted by Ven. Kukulpane Sudassi Thero for various Dayakas. These are conducted at Sri Vinayalankararamaya, Pokunuwita or elsewhere in the country.
මෙම දායකත්ව ධර්ම දේශනා, පූජනීය ආචාර්ය කුකුල්පනේ සුදස්සී ස්වාමින්වහන්සේ විසින් පොකුණුවිට, ශ්‍රී විනයාලංකාරාරාමයේදී හෝ ශ්‍රී ලංකාවේ නොයෙකුත් ස්ථානයන් හීදී දේශනා කල වටිනා දහම් කරුණු වේ.
- ක්‍රෝධය, වෛරය, ඊර්ෂ්‍යාව වංචක ධර්ම ලෙස ක්‍රියාත්මක වෙන ආකාරය. (01-07-2023): ක්‍රෝධය, වෛරය, ඊර්ෂ්‍යාව වංචක ධර්ම ලෙස ක්‍රියාත්මක වෙන ආකාරය පිලිබඳ මෙම ධර්ම දේශනාව අපට ඉතා වටිනා වේ. අති පූජනීය කුකුල්පනේ සුදස්සී ස්වාමින් වහන්සේ විසින් සියැස රූපවාහිනියෙන් සිදුකල මෙම දේශනාව තුලින් අරමුණු වල ගැටීම නිසා ඉතා සුක්‍ෂම ආකාරයට වංචක ධර්මයන් ඇතිවෙන ආකාරයත්, එවැනි වංචක ධර්ම ගැන දැන ගැනීම පවා බොහෝ අපහසු විය හැකි ආකාරයත් මෙහි පැහැදිලි කෙරේ. එමෙන්ම අරමුණු වල ගැටීමෙන් ඇතිවෙන නොයෙකුත් කෙලෙස් වෙන ක්‍රෝධය, වෛරය, ඊර්ෂ්‍යාව, භීතිය, ශෝකය සහ පසුතැවීම වැනි මානසික තත්වයන් මෙහි දී පැහැදිලි කෙරේ. මෙම දේශනාවේ විශේෂ වටිනා කමක් වන්නේ එසේ අරමුණු වල ගැටීමෙන් ඇතිවෙන මානසික තත්වයන් ක්‍රියාත්මක නොවෙන සහ මනසේ ඇති නොවන ආකාරයට සිත දියුණු කරන ආකාරය පහදා දෙන බැවිනි.
“ක්‍රෝධය, වෛරය, ඊර්ෂ්‍යාව වංචක ධර්ම ලෙස ක්‍රියාත්මක වෙන ආකාරය” ධර්ම දේශනාවේ වෙබ් පිටුවට මෙතනින් පිවිසෙන්න.
- බෞද්ධයෙකු විසින් අනිවාර්යෙන්ම පිළිපැදිය යුතු ආර්‍ය් අෂ්ඨාංගික මාර්ගය (18-07-2023): අති පූජනීය කුකුල්පනේ සුදස්සී ස්වාමීන්වහන්සේ විසින් සියැස රූපවාහිනිය තුලින් සිදු කෙරුණු බෞද්ධයෙකු විසින් අනිවාර්යෙන්ම පිළිපැදිය යුතු ආර්‍ය් අෂ්ඨාංගික මාර්ගය පිළිබඳව පැහැදිලි කෙරේ. ආර්‍ය් අෂ්ඨාංගික මාර්ගය යනු කුමක් ද සහ එම මාර්ගය දියුණු කලයුත්තේ කෙසේද යන මූලික කරුණු මෙහිදී පැහැදිලි කෙරේ.
“බෞද්ධයෙකු විසින් අනිවාර්යෙන්ම පිළිපැදිය යුතු ආර්‍ය් අෂ්ඨාංගික මාර්ගය” ධර්ම දේශනාවේ වෙබ් පිටුවට මෙතනින් පිවිසෙන්න. - ප්‍රථම ප්‍රතිපදා සූත්‍රයෙන් පෙන්වන දහම් මග. (27-07-2023): එදිනෙදා ජීවිතය අප ගත කරන, පුහුණු කරන අකාරය අනුව අප නිවන් දැකීම සඳහා දියුණු කල යුතූ ආර්ය අෂ්ටාංගික මාර්ගය වැඩෙන ආකාර හතරක් දැක්වෙන ප්‍රථම ප්‍රතිපදා සූත්‍රයෙන් වටිනා දහමක් පෙනුම් කෙරේ. අති පූජනීය කුකුල්පනේ සුදස්සී ස්වාමීන් වහන්සේ කුරුණෑගල අරියධම්ම සෙනසුණේ දී සිදුකල මෙම ධර්ම දේශනාව විශේෂයෙන්ම වැදගත් වෙන තවත් කරුණක් වන්නේ එහි දී ආර්ය මාර්ගයේ සිදුවිය යුතු වර්ධනය බොහෝ දෙනාගේ සිදු නොවන්නේ ජීවිතයේ කුමන හේතුන් නිසාවෙන් දැයි පැහැදිලි කෙරෙන බැවිනි.
“ප්‍රථම ප්‍රතිපදා සූත්‍රයෙන් පෙන්වන දහම් මග” ධර්ම දේශනාවේ වෙබ් පිටුවට මෙතනින් පිවිසෙන්න.
- විජ්ජාචරණ ගුණය. (27-07-2023): නවඅරහාදී බුදු ගුණ වල සදහන් විජ්ජාචරණ ගුණය පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාව බෞද්ධ අපට වැදගත් වන්නේ විජ්ජාචරණ ගුණය බුද්ධ ගුණයක් මෙන්ම ශ්‍රාවක ගුණයක් ද වෙන බැවිනි. සියලු ම ආර්‍ය්‍ය ශ්‍රාවකයන්ට යම් යම් ප්‍රමාණයෙන් විජ්ජාචරණ ගුණය ඇත්තේ ය. එම ගුණය නිවන් දැකීමේ දී නිවැරදි මග තෝරා ගනිමින් යම් යම් ප්‍රමාණ වලින් සුවිශේෂීය හැකියාවන් දියුණු කරමින් ඇතිවෙන ගුණයකි. මෙම දේශනාවේ දී එම විජ්ජාචරණ ගුණය යනු කුමක් ද සහ බුදු රජාණන් වහන්සේලාගේ සහ ආර්‍ය්‍ය ශ්‍රාවකයන් ගේ එම ගුණ වල ඇති වෙනස් කම් පහදා දීම සිදු කෙරේ.
“විජ්ජාචරණ ගුණය” ධර්ම දේශනාවේ වෙබ් පිටුවට මෙතනින් පිවිසෙන්න.
- විදර්ශනා භාවනාව (09-08-2023): විදර්ශනා භාවනාව පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාව භාවනා මාර්ගය පිලිබඳ ඉතා වටිනා ධර්ම දේශනාවකි. මෙහිදී සමථ භාවනාවෙන් විදර්ශනා භාවනාව වෙනස් වෙන ආකාරය, විදර්ශනා භාවනාව වඩනා ආකාරය සහ කෙලෙස් ප්‍රහාණය සඳහා එහි ඇති අත්‍යවශ්‍යතාවය පැහැදිලි කෙරේ.
“විදර්ශනා භාවනාව” ධර්ම දේශනාවේ වෙබ් පිටුවට මෙතනින් පිවිසෙන්න. - නිර්වාණ අවබෝධය සඳහා හේතු, අහේතු සහ පාරමිතාවන්. (12-08-2023): නිර්වාණ අවබෝධය සඳහා හේතු, අහේතු සහ පාරමිතාවන් යන ධර්ම දේශනාව කිහිප වතාවක් ශ්‍රවණය කල යුතු විශිෂ්ට දේශනාවකි. නිවන් සාක්‍ෂාත් කර ගැනීමට බොහෝ බෞධයින් තුල ඕනෑකමක් පවතී. ඇතැමෙකුට මේ උප්පත්තියේ දී ම නිවන් සාක්‍ෂාත් කර ගැනීමට ඕනෑකමක් තිබුනා වුවත් ඒ සඳහා දියුණු කර ගත යුතු කරුණු සහ නිවනට බාධා වෙන කරුණු පිලිබඳ බොහෝ දෙනෙකුට මනා අවබෝධයක් නොමැති බව මෙම ධර්ම දේශනාව ශ්‍රවණය කිරීමේ දී පැහැදිලි වේ. බොහෝ දෙනා තුල මුලික කරුණු වන දානය, ශීලය, නෙක්ඛම්මය පිළිබඳව පවා නිවැරදි වැටහීමක් නොමැති බව මෙහි දී තෙරේ.
අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාවෙන් පාරමිතා සහ බෝධි පාක්ෂික ධර්ම යනාදිය හොඳින් ඉගෙන ගැනීමේ වටිනා කමත් එවා නිවන් අවබෝධය සඳහා හේතු වෙන ආකාරයට ප්‍රගුණ කිරීමේ අත්‍යාවශ්‍ය බවත් පැහැදිලි වේ.
මෙම වටිනා ධර්ම දේශනාවේ වෙබ් පිටුවට මෙතනින් පිවිසෙන්න.
- චිත්තානුපස්සනාවේ ප්‍රායෝගික සහ ආධ්‍යාත්මික වටිනාකම. (16-08-2023): චිත්තානුපස්සනාවේ ප්‍රායෝගික සහ ආධ්‍යාත්මික වටිනාකම පිලිබඳ මෙම ඉතා වටිනා ධර්ම දේශනාව අති පූජනීය කුකුල්පනේ සුදස්සී ස්වාමින් වහන්සේ විසින් පානදුර නල්ලොරුවේ, නිග්‍රෝධාරාමයේ දී සිදු කරන ලදී. මෙම දේශනාවේ සුවිශේෂී වැදගත්කමක් වන්නේ අප බොහෝ දෙනා විදර්ශනා භාවනාවක් වෙන චිත්තානුපස්සනාව නොදැනුවත්කම තුලින් සමථ භාවනාවක් වශයෙන් එය පුහුණු කිරීමට උත්සහ ගන්නා බව පේනවා දෙන බැවිනි. මෙම වටිනා ධර්ම දේශනාව සචිත්‌ත සූත්‍රය ඇසුරු කොට තමන්ගේ සිත වැඩ කරන අකාරය මනාකොට තේරුම් ගැනීමේ වටිනාකම ප්‍රායෝගික උදාහරණ තුලින් පෙන්වන ධර්ම දේශනාවකි.
“චිත්තානු පස්සනාවේ ප්‍රායෝගික සහ ආධ්‍යාත්මික වටිනාකම” ධර්ම දේශනාවේ වෙබ් පිටුවට මෙතනින් පිවිසෙන්න.
- කර්මය ඇතුලු නියාමන ධර්ම මිනිස් ජීවිතයට බලපාන අකාරය. (17-08-2023): කර්මය ඇතුලු නියාමන ධර්ම මිනිස් ජීවිතයට බලපාන අකාරය පිලිබඳ මෙම ධර්ම දේශනාව බොහෝ බෞධයන්ට වැදගත් දේශනාවකි. කර්මය නිසා සියල්ල සිදුවේ යැයි වැරදි ලෙස විශ්වාස කිරීම නිසා ඇති වෙන අන්තගාමී තත්වය මෙහි දී පැහැදිලි කෙරෙන්නේ වටිනා ආකාරයෙනි. එමෙන්ම සිත සහ අනෙකුත් නියාමන ධර්ම කෙරෙහිද එසේ ඇතිවෙන වැරදි ආකල්පයන් පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනියේ සිදුකල මෙම දේශනාවෙන් පැහැදිලි කෙරේ. බුදුරජාණන් වහන්සේ විසින් විශ්වයේ පවතින හේතු ඵල විශ්ව නියාම ධර්මයන් මෙසේ උතු නියාම, බීජ නියාම, කම්ම නියාම, ධම්ම නියාම සහ චිත්ත නියාම වශයෙන් ඒවායේ ක්‍රියාකාරීත්ව ස්වභාවයන් දැන ගැනීම අපට වැදගත් වන්නේ කුමන හේතුන් නිසා දැයි මෙහි දී පැහැදිලි වේ.
මෙම වටිනා ධර්ම දේශනාවේ වෙබ් පිටුවට මෙතනින් පිවිසෙන්න.
- සිත රැකගෙන කටයුතු කිරීම. (20-08-2023): සිත රැකගෙන කටයුතු කිරීම පිලිබඳ අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනියෙන් සිදුකල මෙම ධර්ම දේශනාව මෑත දී අසන්නට ලැබුණු ඉතා විශිෂ්ඨ දේශනාවකි. මෙහි දී අපගේ සිත මෙහෙයවන ඇස්, කන් ආදී ඉන්ද්‍රිය ස්වභාවයෙන්ම බාහිරට යොමුවී පවතින නිසා බාහිරින් ඇතුලතට යොමු කරගැනීමේ කණ්ණාඩියේ උදාහරණයට අනුගතව සතිය සහ සම්පජඤ්ඤය දියුණු කිරීමේ අවශ්‍යතාවය ඉතා ප්‍රයෝගික ආකාරයෙන් පෙන්වා දේ.
එමෙන්ම ගෞරවනීය ස්වාමින්වහන්සේ භාවනාව සම්බන්ධයෙන් නිරතුරුව අවධාරණය කරන කරුණක් වන භාවනා අරමුණත්, එම අරමුණට ප්‍රතිචාරය දක්වන සිත පිළිබඳවත් දැනුවත් වීමේ අවශ්‍යතාවය අපගේ සිත් රැකගැනීමට ඉතා වැදගත් වන්නේ කුමන හේතූන් නිසා දැයි මෙහිදී පැහැදිලි වේ. මෙම ධර්ම දේශනාව හොඳින් ශ්‍රවණය කරන්නන් හට ඒ තුලින් නිතර පුහුණු කලයුතු භාවනා කමටහනක් මතුකර ගැනීමට හැකි වේ. එසේම මෙම දේශනාවේ දී මතු කෙරෙන කුඩා දරුවන් හට අවවාද දීමේ ක්‍රමවේදය, අපගේ සෑම වයසක දීම සිත රැකගෙන කටයුතු කිරීම පිළිබඳ වටිනා ප්‍රායෝගික උදහාරණයකි.
“සිත රැකගෙන කටයුතු කිරීම” ධර්ම දේශනාවේ වෙබ් පිටුවට මෙතනින් පිවිසෙන්න. - සතිපට්ඨාන භාවනාව ප්‍රායෝගිකව වඩන අයුරු (30-08-2023): සතිපට්ඨාන භාවනාව ප්‍රායෝගිකව වඩන අයුරු පිලිබඳ පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාව සෑම බෞධයෙකුටම ඉතා වටිනා වන්නේ ඒ තුලින් සතිපට්ඨානය එදිනෙදා ජීවිතයේ දී ප්‍රායෝගිකව වඩනා ආකාරය පැහැදිලි කරන නිසාවෙනි. මෙම දේශනාව තුලින් ”සතිපට්ඨානය වැඩීම පසුවට කාලවේලාව ලැබුණු විට කරමි” යන බොහෝ දෙනා තුල පවතින පසුවට කල් තබන ස්වභාවය වෙනුවට එය අපගේ සාමාන්‍ය එදිනෙදා ජීවිතයේ දී වඩනා, දියුණු කරනා භාවනාවක් ලෙස කරනා අකාරය පැහැදිලි කෙරේ.
“සතිපට්ඨාන භාවනාව ප්‍රායෝගිකව වඩන අයුරු” ධර්ම දේශනාවේ වෙබ් පිටුවට මෙතනින් පිවිසෙන්න. - උදයවය දැකීමේ නුවණ ඇතිකර ගන්නා අයුරු. (30-08-2023): උදයවය දැකීමේ නුවණ ඇතිකර ගන්නා අයුරු පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාව බොහෝ වටිනා ධර්ම දේශනාවකි. එහි දී අප වසර සියයක් ජීවත් වූවත් එයට වඩා උදයවය දැකීමේ නුවණ ඇතිකර ගෙන එක් දිනයක් ජීවත් වීම ශ්‍රේෂ්ඨ බව බුදු රජාණන් වහන්සේ දේශනා කල හේතුව පැහැදිලි කෙරේ. එමෙන්ම උදයවය දැකීමේ නුවණ කුමක් ද, එය ඇති කරගන්නේ කෙසේද සහ එම නුවන ඇතිකර ගැනීම අපට අපහසු වන්නේ මක්නිසා දැයි මෙහි දී පැහැදිලි කෙරේ.
“උදයවය දැකීමේ නුවණ ඇතිකර ගන්නා අයුරු” ධර්ම දේශනාවේ වෙබ් පිටුවට මෙතනින් පිවිසෙන්න. - කිංසුකොපම සූත්‍රයෙන් දැක්වෙන වටිනා දහම. (30-08-2023): කිංසුකොපම සූත්‍රයෙන් දැක්වෙන වටිනා දහම පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාව ගිහි පැවිදි සියළු බෞද්ධයන් හට ඉතා වටිනා ධර්ම දේශනාවකි. අපගේ දැක්ම ඉතාම පිරිසිදු වෙන්නේ කෙසේදැයි බුදුරජාණන් වහන්සේ වැඩසිටි සමයේ සිටි එක් භික්ෂුන් වහන්සේ කෙනෙකු නොයෙකුත් රහතන් වහන්සේලාගෙන් විමසු පැනයක් හා සම්බන්ධ සිදුවීම් රැසක් තුලින් සෑම කාලයකම වෙසෙනා පැවිදි සහ ගිහි බෞධයන්ට ඉතා වැදගත් වෙන වටිනා දහමක් මෙම දේශනාවෙන් මතු කෙරේ. අපගේ දැක්ම ඉතාම පිරිසිදු කර ගැනීමට අප බොහෝ දෙනෙකු තුල කැමැත්තක්, ඕනෑකමක් යම් තරමකට හෝ තිබීය හැක. එමෙන්ම ඒ ගැන කරුණු දන්නා අයගෙන් ඉගෙන, විමසා දැනගැනීම ද අප කරනවා විය හැක. එනමුත් අපගේ දැක්ම ඉතා පිරිසිදු කර ගැනීමට එය ප්‍රමාණවත් නොවන්නේ කුමක් නිසා දැයි මෙහි දී මනා කොට පැහැදිලි කෙරේ.
“කිංසුකොපම සූත්‍රයෙන් දැක්වෙන වටිනා දහම” ධර්ම දේශනාවේ වෙබ් පිටුවට මෙතැනින් පිවිසෙන්න.
- නිවන ඉතා ස්වල්ප දෙනෙකුට පමණක් ලැබෙන හේතූන්. (17-09- 2023): නිවන ඉතා ස්වල්ප දෙනෙකුට පමණක් ලැබෙන හේතූන් පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් දේශනා කල මෙම ධර්ම දේශනාව ගිහි පැවිදි සෑම දෙනාටම වටිනා දේශනාවකි. පූජනීය ස්වාමින්වහන්සේගේ ඉතා වටිනා කල්‍යාණමිත්‍ර ගුරු දේවයන් වහන්සේ නමකගේ ගුණසැමරුමක් අරභයා සිදුකෙරුණු මෙම දේශනාව ධම්මපදයේ පණ්ඩිත වග්ගයේ සඳහන් ගාථා පාඨයක් පාදක කරගෙන සිදු කෙරිණි. අප ගිහි පැවිදි සැවොම නිවන් දැකීම සඳහා පුහුණු කලයුතු මාර්ගය වන්නේ ආර්ය අෂ්ඨාංගික මාර්ගය වූවත් නිවන ඉතා ස්වල්ප දෙනෙකුට පමණක් සාක්‍ෂාත් කර ගැනීමට හැකි වන්නක් බව බුදුරජාණන් වහන්සේ ඉහත ගාථා රත්නයෙන් පැහැදිලි කරන සේක. මෙම වටිනා ධර්ම දේශනාවෙන් එසේ නිවන ඉතා ස්වල්ප දෙනෙකුට පමණක් ලැබෙන්නට හේතු වෙන ප්‍රධාන කරනා තුනක් පිළිබඳව පැහැදිලි කෙරේ.
“නිවන ඉතා ස්වල්ප දෙනෙකුට පමණක් ලැබෙන හේතූන්” ධර්ම දේශනාවේ වෙබ් පිටුවට මෙතැනින් පිවිසෙන්න. - සියල්ලට සිත පෙරටු වන ආකාරය. (26-09-2023): සියල්ලට සිත පෙරටු වන ආකාරය පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාව සියළු බෞද්ධයන් හට ඉතා වටිනා ධර්ම දේශනාවකි. ධම්මපදයේ පළමු ගාථා රත්නයන් දෙක පැහැදිලි කරමින් සිදු කෙරුණු මෙම ධර්ම දේශනාව වැදගත් වන්නේ සතිය සහ සම්පජඤ්ඤය මූලික කොටගෙන චිත්ත පාරිශුද්ධිය ඇතිකර ගන්නා අයුරුත් සහ එය නොකර ගැනීමේ අනිටු ඵලයනුත් මනා කොට පැහැදිලි කෙරෙන බැවිනි.අප විසින් සිදුකරන සියළු කුසල් සහ අකුසල් කර්ම වලට මනස මූලික වෙන ආකාරයත්, මනස කිලිටි නොවී පවත්වා ගැනීමේ අවශ්‍යතාවය දන්නා වූ ශ්‍රුතවත් ආර්ය ශ්‍රාවකයා සිහි නුවනින් යුතුව ඉන්ද්‍රියන් සංවර කරගෙන නිරන්තර චිත්ත භාවනාවකින් පවතින බවත් මෙහි දී පැහැදිලි කෙරේ.
“සියල්ලට සිත පෙරටු වන ආකාරය” ධර්ම දේශනාවේ වෙබ් පිටුවට මෙතැනින් පිවිසෙන්න.
- තමන්ට තමන් පිහිට කරගැනීම. (02-10-2023): තමන්ට තමන් පිහිට කරගැනීම පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාව අපට ඉතා වටිනා ධර්ම දේශනාවකි. බුදුරජාණන් වහන්සේ විසින් දේශනා කල තමන්ට තමන් පිහිට කර ගැනීම වැදගත් වන්නේ කුමන හේතුන් නිසා ද සහ එය සිදුකර ගැනීමට අවශ්‍ය සතිය, සම්පජඤ්ඤය සහ අනෙකුත් මූලික ධර්ම ක්‍රියාත්මක කල යුතු ආකාරය පිළිබඳව මෙහි දී පැහැදිලි කෙරේ.
“තමන්ට තමන් පිහිට කරගැනීම” ධර්ම දේශනාවේ වෙබ් පිටුවට මෙතැනින් පිවිසෙන්න. - නිවන් මගට බැස ගැනීමට උපනිශ්‍රය වන කරුණු. (06-10-2023): නිවන් මගට බැස ගැනීමට උපනිශ්‍රය වන කරුණු පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය තුලින් විකාශනය වූ මෙම ධර්ම දේශනාව ගිහි පැවිදි සැමට ඉතා වටිනා විශිෂ්ට ධර්ම දේශනාවකි. නිවන් මගට බැස ගැනීමට අප කරන කටයුතු සහ උත්සාහයන් වැරදීමට හේතු වෙන ඇතැම් ප්‍රධාන කාරනා මෙහි දී පැහැදිලි කෙරේ. ඇතැම් විට වසර බොහෝ ගණනාවක් හෝ ජීවිත කාලයක්ම වුවත් අප නිවන් මගට බැස ගැනීමට කියා වැරදි දිශාවන්ට ගමන් කිරීමට ඉඩ ඇති බව මෙයින් පැහැදිලි වේ. එම මූලික කරුණු ගැන දැනුවත් ව, සතර සතිපට්ඨානය වඩමින් වඩා නිවැරදි ආකාරයෙන් නිවන් මගට බැස ගැනීමට මෙම දහම් දේශනාව බොහෝ ප්‍රයෝජනවත් වෙනු ඇත.
“නිවන් මගට බැස ගැනිමට උපනිශ්‍රය වන කරුණු” ධර්ම දේශනාවේ වෙබ් පිටුවට මෙතැනින් පිවිසෙන්න.
- ප්‍රඥාවෙන් සහ අධිෂ්ඨානයෙන් යුක්තව කුසල් සිදු කරන්නේ කෙසේද? (11-10-2023): “ප්‍රඥාවෙන් සහ අධිෂ්ඨානයෙන් යුක්තව කුසල් සිදු කරන්නේ කෙසේද?” යන ධර්ම දේශනාව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සිදුකරන ලද තවත් විශිෂ්ඨතම ධර්ම දේශනාවකි. කෙලෙස් දුරුවෙන ආකාරයෙන්, නිවනට උපකාර වෙන ආකාරයෙන් ප්‍රඥා සම්පන්න කුසල් සිදුකරන ආකාරයත්, එවන් ප්‍රඥා සම්පන්න කුසල් එදිනෙදා ජීවිතයේ දී සෑම ක්‍රියාවක දීම සිදු කල හැකි ආකාරයත් මෙහිදී පැහැදිලි කෙරේ. එමෙන්ම එවන් ප්‍රඥා සම්ප්‍රයුක්ත කුසල් කිරීමට සතිය සහ සම්පජඤ්ඤය සමග අධිෂ්ඨානය දියුණු කිරීම ඉතාමත් අවශ්‍ය වෙන බව මෙහිදී අවධාරණයෙන් යුතුව නොයෙකුත් උදාහරණයන් තුලින් පෙන්වා දේ.
“ප්‍රඥාවෙන් සහ අධිෂ්ඨානයෙන් යුක්තව කුසල් සිදු කරන්නේ කෙසේද?” යන ධර්ම දේශනාවේ වෙබ් පිටුවට මෙතැනින් පිවිසෙන්න. - ප්‍රහාන සංඥාව යනු කුමක් ද? (17-10-2023): “ප්‍රහාන සංඥාව යනු කුමක් ද?” යන ධර්ම දේශනාව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය මගින් සිදුකරන ලද වටිනා ධර්ම දේශනාවකි. මෙම දේශනාවේ ඇති සුවිශේෂී වැදගත්කම වන්නේ ප්‍රහාන සංඥාව පැහැදිලි කිරීමත් සහ නිවන් අවබෝධය සඳහා එය වඩන ආකාරයත් විස්තර කෙරෙන නිසාවෙනි. අප විසින් වැරදි ආකාරයෙන් සංඥා ගැනීම තුලින් ඇතිවන පැටලවීම නිසා කාම විතර්ක, ව්‍යාපාද විතර්ක, විහිංසා විතර්ක යනාදී අකුසල ධර්මයන් ඇතිවෙන ආකාරය මෙහිදී පැහැදිලි කෙරේ. එමෙන්ම ප්‍රහාන සංඥාව යන්න තේරුම් ගැනීමට ඉතා වටිනා ප්‍රායෝගික උදාහරණයක් මෙහිදී පැහැදිලි කෙරේ. එවන් කාම විතර්ක, ව්‍යාපාද විතර්ක, විහිංසා විතර්ක යනාදී අකුසල ධර්මයන් බැහැර කිරීම සඳහා අප ප්‍රහාන සංඥාව නිරතුරුව පුහුණු කරන විට අකුසල ධර්මයන්ගේ අනන්‍ය ලක්‍ෂණ ක්‍රමයෙන් වඩා පැහැදිලි ලෙස වැටහෙමින්, අවිද්‍යාව දුරු වෙමින් සතිය සහ සම්පජඤ්ඤය වඩාත් තියුණු ලෙස දියුණු වීම සිදුවේ. එය සම්මා දිට්ඨිය ඇති වීමටත් නිවන් අවබෝධය සඳහාත් හේතු වේ.
“ප්‍රහාන සංඥාව යනු කුමක් ද?” යන ධර්ම දේශනාවේ වෙබ් පිටුවට මෙතැනින් පිවිසෙන්න. - අනිත්‍ය ලක්ෂණය ප්රත්යක්ෂව දැක ගැනීම. (22-10-2023): “අනිත්‍ය ලක්ෂණය ප්රත්යක්ෂව දැක ගැනීම” යන ධර්ම දේශනාව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය මගින් සිදු කරන ලද ඉතා වටිනා ධර්ම දේශනාවකි. එම දේශනාවේ ඇති විශේෂ වැදගත්කම වන්නේ නාම රූප ධර්මයන්ගේ අනිත්‍ය ලක්ෂණය අපට නියම ආකාරයෙන් පැහැදිලි නොවීමට හේතු වන කාරණා පැහැදිලි කිරීමත් එය ප්‍රත්‍යක්‍ෂ වශයෙන් දැක ගැනීම සඳහා අප විසින් අනුක්‍රමයෙන් පුහුණු විය යුතු, දියුණු කල යුතු ආකාර තුනක් පිලිබඳ මනා කොට පැහැදිලි කෙරන බැවිනි. අනිත්‍ය පිළිබඳව ධර්ම දේශනා ශ්‍රවණය කිරීමෙන්, කියැවීමෙන් සහ සාකච්ඡා තුලින් ඒ පිලිබඳ දැනුම දියුණු කරගැනීම එහි පළමු පියවර වේ. දෙවනුව අනිත්‍ය සංඥාව එදිනෙදා ජීවිතයේ දී පුරුදු කිරීම දෙවන පියවර වේ. අරමුණු කෙරෙහි සති සම්පජඤ්ඤය දියුණු කරමින් අනිත්‍ය ධර්මය ප්‍රකට කර ගැනීමේ භාවනාමය ඥානය දියුණු කිරීම තෙවැනි පියවර වේ.
“අනිත්‍ය ලක්ෂණය ප්රත්යක්ෂව දැක ගැනීම” යන ධර්ම දේශනාවේ වෙබ් පිටුවට මෙතැනින් පිවිසෙන්න. - පංච උපාදානස්කන්ධ සහ උපාදානයන්ගෙන් නිදහස් වෙන මග. (26-10-2023): පංච උපාදානස්කන්ධ සහ උපාදානයන්ගෙන් නිදහස් වෙන මග පිළිබඳව ඉතා ප්‍රායෝගික වටිනාකමකින් යුතු ධර්ම දේශනාවක් අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් දායක නිවසක දී සිදුකරන ලදී. එම ධර්ම දේශනාව සුවිශේෂී ලෙස වැදගත් වන්නේ පංච උපාදානස්කන්ධ යනු මොනවාදැයි සරළ ලෙස පැහැදිලි කිරීමත් එම උපාදානයන්ගෙන් නිදහස් වෙන මාර්ගය පුහුණු කරන ආකාරය ප්‍රායෝගික උදාහරණ තුලින් පැහැදිලි කිරීමත් නිසාවෙනි. මෙහි දී උපාදානයන්ගෙන් නිදහස් වීම සඳහා දියුණු කල යුතු හැකියාවන් පැහැදිලි කෙරේ:
01. සටහන් සහ ආකාර වෙන්කොට හඳුනා ගැනීමේ හැකියාව දියුණු කිරීම එහිදී වැදගත් වෙන එක් හැකියාවකි.
02. එමෙන්ම සතිය සහ සම්පජඤ්ඤය දියුණු කරමින් දකින, දැනෙන, අසන, ඇසෙන සිතන සහ අනාගත උපකල්පන ගැන අපගේ සිතේ ඇතිවෙන සිතුවිලි වල ස්වභාවය ඒ මොහොතේම උපාදානයෙන් තොරව කුසල මූලිකව හඳුනා ගැනීමේ හැකියාව දියුණු කිරීම එවැනි තවත් හැකියාවකි.
“පංච උපාදානස්කන්ධ සහ උපාදානයන්ගෙන් නිදහස් වෙන මග” යන ධර්ම දේශනාවේ වෙබ් පිටුවට මෙතැනින් පිවිසෙන්න. - සමථයෙන් විදර්ශනාවට. (10-11-2023): සමථයෙන් විදර්ශනාවට යන මාතෘකාව යටතේ අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය මගින් සිදු කරන ලද මෙම ධර්ම දේශනාව ඉතා වටිනා ධර්ම දේශනාවකි. සමාධිය යනු කුමක් ද, බුදුරජාණන් වහන්සේ විසින් දේශනා කරන ලද සමාධි භාවනා හතර මොනවා ද, එම සමාධි භාවනා හතර සඳහා භාවනාව දියුණු කළ යුත්තේ කෙසේද සහ සමථයෙන් විදර්ශනාවට භාවනාව දියුණු කරන්නේ කෙසේද යන කාරනා මෙහි දී මනා ලෙස පැහැදිලි කෙරේ.
”සමථයෙන් විදර්ශනාවට” යන ධර්ම දේශනාවේ වෙබ් පිටුවට මෙතැනින් පිවිසෙන්න. - චිත්ත භාවනාව සහ ප්‍රභාස්වර සිත. (11-11-2023): චිත්ත භාවනාව සහ ප්‍රභාස්වර සිත පිළිබඳව අති පූජනීය කුකුල්පනේ සුදස්සී ස්වාමින්වහන්සේ විසින් ඉතා විශිෂ්ඨ ධර්ම දේශනාවක් කැස්බෑවේ ශ්‍රී විජයසුන්දරාරාමයේ දී සිදුකල සේක. සියැස රූපවාහිනියේ කාරුණික සේවාව තුලින් එම වටිනා ධර්ම දේශනාව අප සැමට විවර වුනි.
බුදුරජාණන් වහන්සේගේ ගම්භිර සුත්‍රයක් ඇසුරින් සිදු කෙරුණු මෙම ධර්ම දේශනාවේ දී අපගේ උප්පත්ති සිතේ දී ඇති ප්‍රභාස්වර ස්වභාවය උපක්ලේශයන්ගෙන් කිලිටි වන අයුරුත් එම සිත නැවත ප්‍රභාස්වර තත්වයකට පමුණුවා ගැනීමට ශ්‍රැතවත් ආර්යශ්‍රාවකයන් චිත්ත භාවනාව ප්‍රගුණ කරන අයුරුත් පහදා දේ. එම පැහැදිලි කිරීම සිතට කා වදින අකාරයෙන් ප්‍රයෝගික උදාහරණ ඇසුරු කර ගනිමින් සිදු කෙරුනි.
විශේෂයෙන්ම භාවනාව පිළිබඳව බොදු සමාජය තුල පවතින වැරදි වටහා ගැනීම මෙහි දී නිවැරදි කරමින් චිත්ත භාවනාව සාමාන්‍ය එදිනෙදා ජීවිතයේ දී ප්‍රගුණ කිරීමේ දී මුලික වන කරුණු පැහැදිලි කෙරිණි.
“චිත්ත භාවනාව සහ ප්‍රභාස්වර සිත” යන ධර්ම දේශනාවේ වෙබ් පිටුවට මෙතැනින් පිවිසෙන්න. - වර්ථමානයේ ජීවත්වීම. (18-11-2023): වර්ථමානයේ ජීවත්වීම පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය මගින් සිදු කරන ලද මෙම ධර්ම දේශනාව ඉතා වටිනා ධර්ම දේශනාවකි. බුදු දහමේ ලෞකික ප්‍රතිපදාවට අනුව සරල ආකාරයෙනුත්, ලෝකෝත්තර විපස්සනා භාවනා මාර්ගයට අනුව ගැඹුරු ආකාරයෙනුත් යන දෙයාකාරයකින් වර්ථමානයේ ජීවත්වීම සිදුකල යුත්තේ කෙසේ දැයි මෙහි දී පැහැදිලි කෙරේ. වර්ථමානයේ හේතු සහ ප්‍රත්‍ය සම්පාදනයේ අත්‍යවශ්‍යතාවය, පුද්ගල සංකල්ප ඇතිවෙන ආකාරය, උපාදානයන් ඇතිවෙන සහ ඇතිකර ගන්නා ආකාරයත් සහ උපාදානයන් දුරු කිරීමට අනිත්‍ය ධර්මය වැඩෙන ලෙස සති සම්පජඤ්ඤය දියුණු කිරීම පිළිබඳ වටිනා කරුණු මෙහි දී පැහැදිලි කෙරේ.
“වර්ථමානයේ ජීවත්වීම” යන ධර්ම දේශනාවේ වෙබ් පිටුවට මෙතැනින් පිවිසෙන්න. - සිත රැක ගැනීම. (26-11-2023): සිත රැක ගැනීම පිළිබඳව අති පූජනීය ආචාර්ය කුකුල්පනේ සුදස්සී ස්වාමින් වහන්සේ විසින් සියැස රූපවාහිනිය මගින් සිදු කරන ලද මෙම ධර්ම දේශනාව ඉතා වටිනා ධර්ම දේශනාවකි. අපේ සිත රැක ගැනීම සඳහා සතියෙන්, සම්පජඤ්ඤයෙන් සහ වීර්යයෙන් යුතුව අපගේම සිත පුහුණු කිරීම පිලිබඳ වටිනා කරුණු මෙහිදී ඉදිරිපත් කෙරේ.
සිත රැක ගැනීමට පුහුණු කලයුතු කරුණු ලෙස;
01. දිගු කාලයක් පුරා අපගේ සිත ක්‍රියාත්මක වන රටාවන් හඳුනා ගැනීමට සතිය සහ සම්පජඤ්ඤය දියුණු කිරීම.
02. වරදක් සිදු වෙන්නට යන තැන වහ වහා සිහිය සහ වීර්ය උපදවා ගනිමින් වරදින් සිත වලක්වා ගැනීම.
03. නුවන උපදවා ගෙන එම වරද නොකර සිටීමේ අවශ්‍යතාවය ගැන සිත දැනුවත් කිරීමේ වැදගත්කම පිළිබඳව මෙහි දී පැහැදිලි කෙරේ.
“සිත රැක ගැනීම” යන ධර්ම දේශනාවේ වෙබ් පිටුවට මෙතැනින් පිවිසෙන්න. - ආත්මාර්ථය සහ පරාර්ථය කුමක් ද? (27-11-2023): ආත්මාර්ථය සහ පරාර්ථය කුමක් දැයි බුදුදහමට අනුව ගැඹුරු විවරණයක් තුලින් සියැස රූපවාහිනියෙන් විකාශනය වූ මෙම ධර්ම දේශනාව අපට ඉතා වටිනා ධර්ම දේශනාවකි. මෙහි දී අති පූජනීය කුකුල්පනේ සුදස්සී ස්වාමින්වහන්සේ මුලින්ම ආත්ම අර්ථය සහ පර අර්ථය දහමට අනුව පැහැදිලි කරන සේක.ඉන් පසුව අප විසින් පර අර්ථය සිදු කිරීමේ දී කිසි විටෙක අපගේ ආත්ම අර්ථය නැතිකර නොගත යුත්තේ මන්දැයි වටිනා කාලීන උදාහරණයක් තුලින් මෙම දේශනාවේ දී පැහැදිලි කෙරේ. ඒ තුලින් අප බොහෝ දෙනෙකුට සිතා බලා නිවැරදි කර ගැනීමට අත්‍යවශ්‍ය පැතිකඩක් විවර කෙරේ. අපගේ සතිය සහ සම්පජඤ්ඤය පුබුදුවා ගෙන දියුණු කරගත යුතු එම හැකියාවේ දක්‍ෂතාවය මත අප මේ ලැබූ මිනිස් උපතේ නියමාකාර දියුණුව හෝ පරිහානිය හෝ රඳාපවතින බව මෙහි දී පැහැදිලි කෙරේ.
“ආත්මාර්ථය සහ පරාර්ථය කුමක් ද?” යන ධර්ම දේශනාවේ වෙබ් පිටුවට මෙතැනින් පිවිසෙන්න.
